| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Antrag im Paradies
 1 2
28.05.09 12:36
Zorrolino

nicht registriert

 Antrag im Paradies

Han min Hüratsatrag vo mim Schatz uf dä Maledive übercho, während eme traumhafte Sunneuntergang. Es isch eifach fantastisch gsi, ich wird dä Augeblick glaub nie meh vergässe ...

Jetzt bini erscht sit es paar Tag wieder zrugg i dä Schwiiz und wür am liebschte scho mit allne Hochziitsvorbereitige afange, obwohls na me als es Jahr gaht. S'hät mi so richtig packt...
Würds au am liebschte scho allne verzellä, muess aber im Moment nachli ufs Muul hocke, was nöd ganz eifach isch ...
28.05.09 12:41
aschera 

Re: Antrag im Paradies

wow das isch würklich e mega romantische hüratsatrag! gratulliere
ig würd die tolli energie nütze um sech scho es paar gedanke zmache so für di... oh wes no meh als es jahr duret...

dä mit ufs mu hocke kenn ig... mir heis ersch verzellt nachem ziviler u das isch je nöcher zdatum isch cho je schwiriger gfalle...

ouso gniess die zit!

lg aschera

mir hürate kirchlich am 15. august 2009
28.05.09 12:55
Snoopeldy 

Re: Antrag im Paradies


Wann "darfst" du es dann bekanntgeben?

Nach meinem Antrag wollte ich es sofort der ganzen Welt (ungefragt ) erzählen!!!!! bin fast durchgedreht - aber der Moment, in dem man es dann endlich den Eltern (die müssen es natürlich vor allen anderen wissen) erzählen kann ist fantastisch - dann kanns losgehen und allen auf die Nase binden!

Soooo schööööön - ich denke gerne an diesen Momenet zurück letzten November zurück!

Geniess alles was jetzt kommt!


*** ~~~ *** ~~~ *** ~~~ *** ~~~ *** ~~~ ***
unsere Geschichte nimmt am 5.9.09 eine neue Wendung.
28.05.09 12:57
Zorrolino

nicht registriert

 Re: Antrag im Paradies

UU nei, bis zum Zivile mag ich also nüme warte. Mir wärdets wahrschinli nächscht Wuchenend mal eusne Eltere verzellä. Und au mine Grosseltere. Die sind beidi Nünzgi und wünsched sich nüt sehnlicher, als dass ihr Enkel mal endlich (!!) hüratet ..

Dis Hochziit rückt immer nächer, bisch sicher scho nervös?!

Lg, Zorrolino
28.05.09 13:02
Frangipani 

Re: Antrag im Paradies

Hoi Zorrolino
Wow, so schön! Ich hett mir au ide Maledive en Atrag gwünscht aber leider häts nöd sölle so sii... uf wellere Insle sinder gsi?
28.05.09 13:02
Snoopeldy 

Re: Antrag im Paradies

Uiiii ja, so lange hätte ich auch nicht warten können! Nach einer Woche hatten wir unsere Familien informiert und dann konnte ich es endlich rauslassen!!
Die Mama meines Zukünftigen hat gemeint: Endlich!!!!!!!!!!

Seither rast die Zeit... anfang jahr dachte ich noch... sooo viel Zeit, das geht ja ewig!!! und jetzt nur noch drei Monate... ein mega Gefühl


*** ~~~ *** ~~~ *** ~~~ *** ~~~ *** ~~~ ***
unsere Geschichte nimmt am 5.9.09 eine neue Wendung.
28.05.09 13:04
aschera 

Re: Antrag im Paradies

ouso üsne eltere heimers natürlich ou verzellt da mi schatz bi mim papi um mini hand het ahghaute si si de ou derbi gsi am ziviler wo mega schön isch gsi "schwärm"
aber süsch hets niemert gwüsst...

ja hüt hani so e tag wo ig rächt nervös bi aber das het meh mit em nid klappe vo de tätschmeischter träffe zdue... u de chunt haut de grad aus morn isch e andere tag u de gseht de dwäut wider ganz anders us u der stress isch sicher de wider wäg... hoff ig

lg aschera

mir hürate kirchlich am 15. august 2009
28.05.09 13:05
Muus2  		Re: Antrag im Paradies

Hoi Zorrolino

Wau tönt meega romantisch!! Gratuliere..
Mer händ zersch au welle chli warte aber schlussendlich hämmers e Tag nach de Verlobig gseit und sind mitenere Iladig zonere chline Fiir zo de Eltere und beschde Kollege :-)


Mer hürote au ersch nöchst Jahr aber es git scho velles wo mer sich cha informiere..


28.05.09 13:10
Zorrolino

nicht registriert

 Re: Antrag im Paradies

Bi scho gspannt, wie eusi Familie das Wuchenend wird reagiere. Bin di jüngscht vo vier Gschwüschterti und die erscht wo wird hüürate...

Frangipani: mir sind uf Fihalhohi gsi (Süd-Male-Atoll) , chans nur wärmschtens wiiterempfehlä. E völlig naturbelassni Insle

Aschera: wirsch bestimmt es meeeeeegaaaaschöns Hochziit ha, wott nie wirsch vergässe. Chli Nervosität ghört ja wohl dezue, bin ja sälber über es Jahr vorher au scho ordli nervös

28.05.09 13:11
Frangipani 

Re: Antrag im Paradies

@ Zorrolino
Ja det bini au scho gsi händer es wasserbungalow gha?
 1 2
meeeeeegaaaaschöns   Paradies   Traumhochziit   verwandtschaft   kirchlich   wasserbungalow   wiiterempfehlä   Sunneuntergang   fantastisch   Hochziitsvorbereitige   Zorrolino   Gschwüschterti   naturbelassni   bekanntgeben   Deutsch-Schweizer   tätschmeischter   Süd-Male-Atoll   durchgedreht   schlussendlich   aperolocation