hallo strubeli!

wenni europapark ghöre chont mer emmer i senn wie mer de familie vo mim frönd gseit hend dass mer velrobt send. mer send alli zeme ofd silverstar ond ganz am afang hets jo en mega steile astegt, zoberst blibsch en moment of em höchste ponkt bevors grad abeghot. ond zoberst ober, 1 sekonde bevor er id tüüfi gsaust send hend mi frönd ond i gschrue "mer hürote"ond alli send dorredreiht ond hend gschroue!!! womer de vode bahn send send alli so vol met ufregig gsi vode bahn ond vor freud ond alles. es esch so cool gsi! velecht wer so öpis öpis för euch? das si zmetzt of de bahn frogsch? ;) oder esch si ehner de typ wo sech öpis romantischs wönscht?

Hallo Strubeli

Ich denke au, das egal was Du machsch es ihre werd gfalle. Es muess eifach zu Der und zu ihre passe.

Für de Europapark hetti en idee:

Es gid dete so es Fotistudio wo so altmodischi Föteli macht (z.B. Western Style oder Engeli oder so 18. Jarhhundert). Dete werd mer verchleidet und es gid den so es sepiafarbigs Föteli davo. Du chöntisch mit ihre det inne und so es Föteli mache, vorher mit de Fotografin abmache das sie vor Euch es schild platziert mit "Willst Du mich heiraten?" ohni das es d'Fründing gsehd (alternativ wäri wenn d'Fotografin das im nachhinein is bild chönti tue). und wenn ihr d'Föteli abholed (natürli imne schöne Rahme) gsehd sie s'Bild vo Euch uf dem staht "Willst Du mich heiraten".

Uf die Art hed sie au für immer en Erinnerig davo wie er Euch verlobt hend. Ich han es Video vo minere Verlobing und ich liebe de Gedanke mal Eusne Chind chöne z'zeige wie de Papi s'Mami gfröged hed !

Ich hoffe ich han chöne hälfe

Liebe Gruess, Kala

Kleindefeder, das kommt davon wenn man sich Jahre lang fragt wie der eigene Antrag wohl aussehen wird. Unglaublich das mein Verlobter mich trotzdem überraschen konnte!

Strubeli: Lass uns doch unbedingt wissen was Du gemacht hast!