Hallo zämä

Wär hät bi eu dä Schritt gwagt zum dä anderi fröge, eb er/si will hüratä?
Wie und wo händer das gmacht? *gwunder*?
Also, mir sind es verlängerets Wucheendi in Rom i dä Ferie gsi. Bim Colloseum häts grad e Chile und wies dä Zuefall hät welle, wo mir die am Sunntig sind go aaluege, isch grad ä Hochziitsgsellschaft uufgchrüüzt. Natürli hämmer uf d Brut gwartet zum si aaluege. Nacher simmer nochli bi dänä Ruine umegloffe und sind nomal zu därä Chile zrugg gchert. Dä hämmer dusse gwartet, dass d Trauig fertig isch und s Brutpaar use chunnt. Mirsind rächt nöch bim Usgang gstande. Wo dänn zerscht d Gäscht usecho sind und uf s Brutpaar gwartet händ, hät eus eine vo dä Gescht chli Riis id Hand druckt, mir sölled dä au rüährä. So härzig. Uf jede Fall isch dänn s Bruutpaar usecho, all händ dä Riis grüährt, mir au. Dä hät min Fründ mich zu sich umdreht und mich gfröget, eb ich ihn hürate will. Mini Antwort isch ja wohl klar...
So praktisch wie min Fründ veraalagt isch, hätter natürlich dä Ring nonig gha. Usgwählt hätteren scho, aber wäg dä Grössi hätter mit mir zämä im Lade welle verbi ga, nöd dassi dänn miteme z chliine oder z grosse Ring da stahne.

Also, ich han selber mim Schatz en Atrag gmacht,
will ich dänkt han,
jetzt isch die letzschte 10 Jahr nüt cho,
denn fragi ihn ebe sälber

Ich han es ganz es speziells Album gmacht mit Föteli vo mir als Baby,
bis hüt, und wunderschöne gmeinsame Föteli.

Uf de letschte Site isch den die allseits bekannti Frag gschtande,
er isch ganz grüehrt gsi, hett sich mega gfroit, und JA gseit

Liebe Grüsse Sposa

sposa, das tönt ja würkli mega schön. Mega lässigi Idee findi!
Ich han Mim ebe gseit, wänn er mich nöd frögt, dänn frög ich ihn dänn und das hätter dänn doch nöd welle.
Isch luschtig, eigentlich isch er überhaupt nöd altmodisch, aber bi so Sache wie Hüratsaatrag, id Chile laufe, Familiename bliibt er dänn doch lieber ganz traditionell...

uups, da schiint s Internet irgendwie chli Problem gha zha

gäu er hät dich zwüschem salat und de tomate gfrögt?