a LaMariee, so cool hesch dis Chleid uf anhieb gfonde

Ech freu mi au scho mis Chleid go uszueche. Han am 01.02. min Termin. Do ech eher e de Zentralschwiiz sueche gang ech zom Wicky. Han zerst eigentlich werkli ned zom Wicky welle, do mer scho es paar Lüüt gseit hend, dass du det ehr einfach en Nommer besch, als das sie werkli individuell uf dech igönd, aber ech han en Marke gfonde wo mer sehr guet gfallt ond de Wicky verkauft äbe die Kleider. So hoffentlich gfend ech au uf anhieb mis Chleid.

Wenn ned hani zerst no öberleit e nes paar chlineri Gschäftli zo rond om Luzern oder soch denn halt au uf Lörrach in Domino.

Het sosch eine vo üch scho Erfahrige vo Bruutgschäft rond om Luzern??

Hallo Zäme

Ich mälde mich au wieder us de Ferie / und em nachfolgende Stress retour

Mier gönd ende Februar go luege wegeme Chleid. Freu mi scho mega druf bis denn wird no chli Diät ghalte
Ich werde sicher mol uf Root/LU is Jolie Mode gah. Die hend dete Chleid, leider ned viel, uf de Homepage, wo mer mega guet gfallid. Ich hoffe, ich werde grad fündig, will sus wird ich denn öpe nervös.

Du ich gohn do völlig ohni Meinig inne
Han no gar nüt ghört devo. Die hend erst in November neu ufgmacht (vorher anderi Location). Aber die einte Chleider wo ich gseh han (uf de Homepage vom Hersteller selber) sind gnau mi Gschmack

lil.lian
Oh super... Das beruhigt mech scho chi. Well ech feue mech eigentlich scho ufs Kleid chaufe, aber han äbe chli mini Bedänke gha zerst. Freue mi jetzt omso mehr....hoffe fende öpis.
Hesch du den es Kleid det gfonde?

Mol no en ganz anderi Frog: Könnt sech öper guet us met Hochzyts-Website? Ich han jetzt www.ichwünsche.ch oder www.crazyinlove.ch. "ichwünsche" fend ech eifach mega tüür aber mer chan alles istelle (zom Tei scho zvell). Leider gfallet mer fast keis Layout det. "Crazyinlove" het super schöni Layouts aber äbe mer chan ned so vell mache wie be "ichwünsche".

@Moneypenny: bi di bricht ga läse u fröii mi sehr druf dassi de ou scho gli i Thomi cha ga
u das verstahni natürlech wägem Foto..

@linally: mir hei üsi Homepage bi Jimdo.com gmacht u dWunschliste när seperat bi http://www.hochzeitswunsch.ch/
auso i finges sehr guet dert

Gugus metenand

So ich mälde mech nach seeeehr langer ziit au weder mol

bi eus esch momentan grad so vel los. Da mer jo im Mai nachwochs bechömed. hämer s'zivilische nächst Monet am 14.02.14 (Kitschig)
det hämer jetzt au mol paar sache müsse organisiere. Mer händ dete anderi trauzüge wie nachher a de Hochzit/Taufi. Ond eus esches wechtig gsi, dass es denn au denn chli festlich esch. Mer händ denn nachem Zivilische en chline Apero organisiert imne Restaurant ond im Aschloss gönd mer met de Trauzüge ond Ahang go z'Nacht ässe.

D'Iladige werded mer grad nochem Zivilhochziit verschecke, met em Föteli von denne ond dass au grad all informiert send, dass de name gänderet het.

Inzwösche hämer s'Wonschbuech gstaltet (no altmodisch). Mer händ bi Ifolor es Fotibuech gmacht wo of de linke Siite s'Foti esch met em Wonsch ond of de rächte Siite chan mer den Kärtli usene wo de Gäldwärt drofe stoht. Das het recht vel Arbet ge aber mer händ sooooo freud dra

Denn hämer S'catering organisiert för Apero ond Nachtesse.

Gester semer no bi eusere zuekönftige Fotografin gsi, händ dete en besprächig gha wies denn am hochziit sel ablaufe. Mer händ riise Freud hämer sie gfonde

Höt obe chonnt bi eus de Pfarrer verbi för en Vorbesprechig met Trauzüüge, Gotti, Götti ond en Tätschmeister werd au no awesend sind sie.

Denn seted mer eus langsam aber secher mol öberlege was mer möchtet wäg de musig mache am obe. Händ ehr do en Band oder Dj bueched. Mer händ eus allefalls au öberleit öb mer möchtet en Jukebox ufstelle wo d'Lüt sälber nach Lost ond Luune chönd uswähle

Wägem Hochzitskleid benidi euch grad echli. Ehr döfed alli scho go kleider ussueche. Ich chan denn erst im ca. Juni go, wäg de Schwangerschaft. Hoffentli fendi denn au no öpis schöns