Hey La mariee und lil.lian, so cool, tüämär all am glichä Tag hüratä.
Isch no än luschtigä Gedankä findi

Schittli: Dankä villmal

Ou s Thema Hochzitsreis isch bi ois au sonä Sach. Australiä händ mir ois au mal überleit, wills mal villicht für äs zitli di letscht glägäheit isch, womer mal paar wuchä am stuck frei überchunt. und solang no kei chind umä sind müässt märs no fascht usnützä. Mins chatz isch ebä vor 10 Jahr längeri zit z australiä gsi, und er wär sofort däbi. Mir händ ois aber überleit, dass d Jahreszit villicht nöd so praktisch isch. Chönd ebä nur Okt. oder Nov. ga. Im Dez. gahts bi mir dänn gschäftlich wider nümä... Was dänked ihr dänn über s Klima dänn z Australiä?

Suscht hettemer no Thailand idä ängerä Uswahl aber det isch ja wider chli s glichä mitem Klima... Und suscht wär no Hawaii, chömt mär vorstellä, dass das dänn oisi Destination wird si. Und das wär natürlich au grandios.

Wo gönd ihr anderä so hiii? Verzelled mal chli eui Visionä, bin gwundrig

guete Morge zäme

Mir flüge 3 Tag nach üsem kirchliche mit üsne 2 engschte Fründespäärli uf Bangkok, blibe dete 4 Nächt
und nere geits witer uf Bali für 2 Wuchefreue mi scho mega

Momentan bini gad am sueche für öper Frisur/Make up und ner söttemer de mau luege mege Bluemeofferte...

Crazy: Also Oktober / November isch sogar en sehr en gueti Ziit zum uf Australie goh Das isch genau de Grund, wieso mier nomol uf Australie gönd. Mier chönd nochem Hochzig (August und September) kei Ferie näh, aber im Oktober/November/Dezember gohts. Und es isch jo quasi gnau umgekehrt wie bi üs. Also Oktober/November wär Früehlig in Australie.
Wennt in Weste gohtsch, isches sogar super Ziit. Vo Perth i Norde ufe, wär denn sicher en super Variante. Temperature sind dete denn so um die 30-35 Grad, je noch dem wie wiit i Norde du gohsch. Es isch denn nonig Rägeziit (foht so ende November/Dezember ah) und Räge isch in und um Perth eh ned soooo es Thema. In Süde vo Perth, isch evtl no chli "frisch" mit 20-25 Grad im Oktober/November.
Mier sind letscht Johr ende November gange bis churzvor Wiehnachte. Sind allerdings im Südoste vo Australie gsi. Mier hend chli alles gha. Vo "chalte" 20 Grad, bis 40 Grad. Es isch halt eifach es krasses Land. Do chasch 1 Tag sägimer mol 300km fahre, und hesch es anders Klima.
Also ich wür villicht mol de Weste is Aug fasse d'LaMariee und mier würdid jo au im Oktober/November goh
Zudem foht ab Wiehnachte d'Hochsaison ah, und alli Australier sind denn äbefalls mit Ahänger und Camper untwegs.

Sue: Bali, so schön!!!

D'Blueme liggid mier au no chli uf Ich han grad gester no es Mail a üsi Apero-Location gschickt. Erschtens han ich sie mal nach de Erfahrigswert gfrogt, wieviel z'Trinke mer uuuungefähr rächne müesst. Mier hend chli welle Budgetiere, aber hend denn gmerkt, dass mer kei Ahnig hend, wieviel ca. 120 Lüt trinkid
Sie offeriert für CHF 2.- Serviette, Tischdecke und Tisch (also pro Person). Das findi fair ... Defür mues ich mier kei Gedanke mache. Ich han sie denn äbe au grad no gfrogt, wäge Blueme. Öb sie das au macht, oder öbs ihre lieber wär, es Bluemegschäft wür das mache. Bin gspannt was sie seit.

Was rechnisch so für d'Blueme?

Crazy in love: Herzlich willkome

moneypenny: Danke vel mol förs Bild. Dis Kleid esch jo eifach traumhaft. Ich ha so in etwas die ähnlich vorstellig.

mängisch hani scho chli s'gfühl ich passe ned so ganz i das forum ine es befindet sich jo söst niemer i de gliche situation wie ich. aber ich freu mich ganz fest för euch ond euchi planige. esch interessant chli metzlose

Mer händ eusi "Flitterwoche" letst sommer gha wöl mer jo planet händ z'erst kind zha. Mer send denn 3 Woche in Canada gsi go reise. Gnüssed die ziit met euchem GG, mer weiss jo ned wenn mer nomol elei chönti go

Aiyana - wieso meinsch passisch ned do ine? Will du en schwangere Buch hesch oder wieso?
Mier hend au Kanada denkt z'erscht. Aber es isch vode Reiseziit ned drine gläge

Sue - ok, danke. Ich han so kei Ahnig weg de Blueme. Aber ich muess das glaub mol i d'Hand näh, nützt jo alles nüt

Achso Aber bisch jo glich en August Bruut, und vo dem her, goldrichtig bi üs!
Ich chan au erscht ende Monet go luege wegem Chleid, aber au spöter wär sicherlich ok.

Wenn hesch denn eigentlich Termin?