Sorry, dass ich mich so lang nüm gmolde han, bi üs isches relativ drunter und drüber Z'erscht hemmer no es paar Täg frei gha, jetzt bin i sit 2 Wuche allei im Gschäft (alli andere Ferie ) und Hochziits-Stress hemmer au gha. Naja, Stress ned grad, aber bin eifach chli igspannt gsi.
Ich fang mol vorne ah. Also s'Shooting isch super gsi. Nochdem ich öpe gfühlti 4 Stund vorem Schrank gstande bin, hemmer üs den doch für öpis chönne entscheide Sind denn zum Fotograf, und ich bi richtig erstung gsi, wie rassig dass das gange isch Ich glaube, mer hend kei 10 Minute gha fürs Fötele, do er grad immer vo Afang ah gseit het, wie mer müend stoh, s'Chünni hebe und wohi d'Händ tue Es het denn so öpe 30 Föteli gäh, de hemmer grad vor Ort entschide, welli ufs Chärtli chömid. Mer hend ungefähr s'Layout gseit, und bereits en Tag spöter hettid mer s'Guet zum Drück per E-Mail gha. Mer sind denn mit de einte Farb und de Schrift ned 100% zfride gsi, also retour gschribe, Farb ändere, Schrift ändere. OK, so isches denn zum zweite "Gut zum Druck" cho. Au das het mi aber nonig 100% überzügt (man bin ich heikel ). Also han ich denkt, ich schaffe mol selber chli dra. Noch öpe 3 Täg, han ich denn au verstande, wie das mitem Photoshop so lauft. Läck Bobbi, isch das es komplizierts Programm Aber ich dörf mich jetzt als fascht-Profi zähle! LOL! Nei Seich, aber so s'Grundprinzip hani verstande. Und noch 2 Täg üebe, hanis denn gha. So hemmer letscht Wuche s'Gut zum Druck gäh, und jetzt wartid mer uf d'Chärtli
Denn isch jo letschte Friitig de gross Tag gsi - Chleider aprobiere!!! Oh mein Gott, isch das sträng gsi Sind gschlagni 3 Stund dete gsi, und ich han quasi non-stop Chleider aprobiert. Sind sicher 15 Chleider gsi Ich, bzw mier alli, inkl. Verchäuferin, hend eifach mol so ziemlich alles dure probiert, und hend denn en Uswahl gha am Schluss, vo 3 Chleider. Bin denn nomal i die 3 inegschlüpft, und han mich glaubs für eis entschiede Am Schluss sinds denn quasi nur no 2 gsi, und ich han und han mich irgendwie ned chönne entscheide. Also de AHA - Effekt, wo do viel hend, han ich also ned gha Ich find beidi Chleider sooooooooo schön. Ich mues au säge, ich hans no schwirig gfunde, es Chleid azlegge, wo mer vode Grössi her ned passt het. Das hani no als schwer empfunde, sich das z'vorstelle, wie denn das i 2 Nr. grösser usgseht, oder halt chlinner. Uf jedefall, die 2 wo no vörig gsi sind, hani denn im Ganze 3x ah gha Und ich bi zu 90% sicher, welles dases isch. Aber äbe, es isch gnau so gsi. Das wo ich ah gha han, isch prompt 1 Nr. z'chli gsi. Ich han zwar hine chöne zue mache, aber es het mer scho chli abschnüerrt. D'Verchäuferin (en Engel übrigens), het gmeint, wenn das 1 Nr grösser chunt, isches DAS Chleid. D'Form sig super, d'Farb und die ganz verarbeitig, absolut hammer. Jetzt gohn ich die Wuche no einisch verbi, allei Ich weiss jo jetzt, dass mini Gspönlis denkid, und sie sind alli 3 Füür und Flamme gsi für das Chleid. Ich wets eifach no einisch ah ha Das Chleid, isch natürlich, wie sells anderscht si, au grad s'tüürschte gsi Aber es isches mier Wert. Zum Chleid dezue, hets no en Tüll-Schal, wo direkt no igarbeiteti Chetteli het. Bim Schal weissi no ned, öb ich dä denn würklich alegge. Zudem hets, wie ufem erschte Bild, so Chetteli für über d'Arm debi. Die chönd (und werdid) jedoch abmontiert. Gfallt mer ned, aber evtl chammer drus Armchetteli mache oder so. Muesi ebe no einisch teschte denn
Wow, das tönt ja nacheme intensive Shopping Dr Schal zum Chleid finde ig sehr schön, das machts no spezieller und das het nid gad jedi Brut! Würd de natürlech gärn no äs Foto vo dir i däm Kleid gseh
Jo, also ich bin ganz kaputt gsi nochher Aber glücklich kaputt.
Äbe, mitem Schal bini sehr unschlüssig. Die Blueme am Schal find ich eifach eswie too much. Mues de no einisch luege. Gohn morn am Morge no einisch go verbi luege, das Chleid, mit und ohni Schal go probiere und s'Gschäftliche regle
@Snicki: juhuu gratuliere zum Chleid isch es super Gfüu weme SIS Chleid gfunge het Rabatt hani leider kene übercho... hesch iz es Föteli mit DIR mitem Chleid? *gwunder* ;) übrigens, heit dr iz scho chli gneueri Reiseplän?
@MoneyPenny: so cool wägem Standesamt hami mi denn mega gfröiit wonis ändlech ha chöne reserviere
LaMariee: Klar doch, chan mich fascht ned satt gseh. Ich schick der's per PN jein, wege de Reiseplän. Min Chef isch no die Wuche ide Ferie. Und bevor ich do es paar tuusig (au es paar hundertuusig ) Meile vo sim Konto abbueche, wet ich no einisch mit ihm rede und Danke säge Min Schatz het au welle verbi cho im Gschäft. Ich denke, mer möchid das am Samschtig ire Wuche oder so. Ich han gseh, es het nachwievor Business Sitz für üse gwünscht Flug. Das wär jetzt also am 18.11 nach Perth, via Singapur. Und am 22.12 retour, au via Singapur. Ich hab bereits afangs Johr mol agfrogt wege Camper, ich müessti nomol, wobi ich denke, (isch die glich Ziit gsi wo ich agfrogt han) dass d'Prise ned wahnsinnig fescht gänderet hend. Aber wohi gnau das mer gönd, wemmer denn ENDLICH mol de Flug buechet hend wüssimer immer no ned. Vermuetlich z'erscht chli i Norde, denn i Süde. Chammer vorstelle das im Dezember uuuuh heiss und schwül wird, wemmer Richtig Exmouth würdid goh. Drum eher am Afang.
@Snicki: meeega schön Dis Chleid merci viu mau für zzeige Ah ja stimmt, dir chöit ja Meile ha vo dim Chef..so cool de göt dir de gad zimmli genau ä Monet nach üs... Mit was weit dir Flüge? Mir flüge mit Swiss bis Singapur u när mit Sigapurairline uf Perth ja dänke ou so im Dezember chönts de im Norde rächt heiss wärde..
Mir hei ja voremne Zytli dr Flug buechet u letzt Wuche heimr gad üses Auto/Camper gmietet mir hei üs iz fürne "Combo Camper" entschide u bi mega happy mit dere Variante Mir hei üse Combo Camper hiä gmietet: http://www.travelcarcentre.de/de/mietwagen-combo-camper das si Schwiizer wo das abiete u si hei wük sehr gueti Agebot
LaMariee: Ah coool!!! Wenn flügid iehr scho wieder? Jo hends au so, mit Swiss bis Singapur, denn mit Singapurairlines wiiter.
Oh so guet, sones "Truckli" het mi Schwiegervater genau s'gliche glaubs sogar En Opel Aber chamer dete scho schlofe? Glaubs zwar scho ... gsehs ned richtig Mues grad mol chli die HP dure schnüffle
Snicki: mir flüge am 17. oktober ja mä cha drinne schlafe u chunt ou Camping-Sache drzuä über... aber es isch nid viiiu türer aus es normaus Auto aber zimmli günstiger aus ä richtige Camper u drum heimr üs iz für das entschide.. So chöimr guet ou mau imne Hotel übernachte u we üs de zCampe gfaut (heimr bis iz äbe no niä gmacht) de chöimr im Auto übernachte
LaMariee: Chasch mer glaube, es wird der gfalle zum campe Mier hend vorher au nie camped, und mich hettid kei 100 Ross ufe Campingplatz brocht und jetzt, isches genau das, wodruf mer üs am meischte freuid. Es het en Grill, mer cha mache was mer wet, es het sogar mängisch e Pool ( ) und mer lernt e huufe Lüüt kenne. Isch würklich cool. Aber ich finds no en cooli Idee so. Wie du seisch, wenner kei Bock meh uf Camping hend, eifach is Hotel.
Anmelden
Ich glaube, mer hend kei 10 Minute gha fürs Fötele, do er grad immer vo Afang ah gseit het, wie mer müend stoh, s'Chünni hebe und wohi d'Händ tue 
isch es super Gfüu weme SIS Chleid gfunge het 
hami mi denn mega gfröiit wonis ändlech ha chöne reserviere