Hallo Schittli
Ich schick der am Mäntig seht gern es Foti
Has drum im Gschäft gsoeicheret, und jetzt bini nur mit Handy unterwegs do. Aber wird natürlich grad erledigt. Ha jo uuh Freud wenn ichs do cha teile.

Ou de Kolleg het jetzt s'Gfühl, er sig am Obig iglade? Oh das isch doof. Hmm. Schwierig. Aber ich denke, iehr chömid ned umher, zum i ihm das z'erkläre. Er weiss es jo au ned besser
Also ich wür es liebs Mail retour schicke, und säge dasses "bi üs" so üblich isch, das mer am Nomittag sehr gern alli debi het, und das iehr am Obig im engste Chreis wiiter fiirid. Denn würi no eswie säge, dass iehr natürlich helfe werdid bimne günstige Hotel, falls das no in Frog chiem.
Evtl werdids jo eh do Übernachte müesse, oder meinsch ned?

Schön, dass du dich trotz allem do meldisch Schittli, ha würklich Freud. Chli Ablänkig tuet jo mängisch au guet

Guet Nacht

Zuletzt bearbeitet am 08.03.14 23:51

Ah no wegem Ehekurs. Also meinsch das mitem Pfarrer?
Do muesch kei Bammel ha. Mier hend s'erschte Treffe scho gha. Es goht eigentlich meh drum, wie iehr wennd d'Trauiig gstallte. Emel bi üs isches so gsi. Wenn was chunt, öb Musik oder ned. Und z. B. öb er sell, oder öpert us euem Bekanntechreis, d'Fürbitte lese.
S'einzige wo irgendwie "katholisch" gsi isch, isch dass mer quasi so wie en Vertrag unterzeichnet hend. Also meh so en Frageboge. Werdid ihr eure Kinder kath. erziehen? Seit ihr BEIDE mit der Eheschliessung einverstanden? Erst nach der Ehe Sex. Lol.
Üse Pfarrer het de gmeint, es sig sogar ihm fast zu streng, aber es müess halt si

Also wie gseit, Bammel muesch würklich ned ha. Bi üs hets also mit em Thema "Chille" oder " katholisch" ned würklich öpis z'tue gha. Nur wegem Frageboge. Aber das wars. De Reste isch alles wegem Ablauf gsi.

Ich gsehne erscht jetzt, du bisch us Willisau dete hemmer fast üsi Ring loh mache. Also nur fascht. Z'Buttisolz simmer gsi

Liebi Ougust-Brütlis, i mäude mi ou sit Langem wieder mau da inne… Bi üs isch grad extrem viu gloffe ir letschti. Mir hei jetz d Iladige dusse, Homepage gmacht und ds ganze Prozedere ufem ZSA hinger üs. Drum chani di Schittli ou gad beruhige, das isch e Sach vo 15 min und würklech ou nur es Gspräch, ke Ehevorbereitigskurs. Es geit würklech nume drum, dassme nid no ire ungschiedne Ehe isch, dassme beidi voujährig und mündig isch und nid gradlinig verwandt und dass me us freiem Wille hüratet. Das müesse sie abkläre, damit sie euch d Trouigsermächtigung chöi gäh vome für die zivili Hürat brucht. De gits no Frage zum zuekünftige Name u dert hets nur 1 Frag, wie de zuekünftegi Ching würde mit Nachname heisse, fauses de welchi gäbti. Süsch wird das Thema Chind i keiner Wiid agsproche, da muesch dir ke Sorge mache. I verstah aber guet, dass das nid ganz eifach isch für di. Tuet mer o leid mitem Todesfau bi euch im Gschäft, so Sache si immer schwär und bruche Zit zum verarbeitet wärde.

Süsch hani no gad e Termin abgmacht für im April ga ds Chleid abstecke und de träffe mir üs no mitme Sänger wo de evtl. bi üs ir Chile singt. Es louft uf jede Fau. Mir tüe o sehr viu säuber organisiere, aber am Tag säuber si üsi TZ zueständig und ou fürs Abeprogramm.

Hallo Taeboyana
Merci, dass du mer chli hesch chönne Säge, was bim gschpröch so ungefähr chunt. Es macht mi gäng chli unsecher, wenn i vor Behörde muess vorspräche. Se het no chli dr Ablauf vor trotzig wöue wüsse, z.b öb mer die trotzig für 10 oder die für 20 Minute wöue. Mer hei üs für die 20 minütegi Touig entschiede. Oder öb mer wei ringe ustusche. Mi fründ het ganwortet: ou der erinnert me grad dar, dass mer die ou mou sötit go ussuche, hahaha Set Woche redend fälscht täglich derfo.
Darf me dini Homepage aluege?

Hallo snicki
E hoffe der chönt euchi Flitis baud bueche. Hani e das rechtig in Erinnerung, dass der uf Australien weit?

E ha hüt grad s'nachtässe för jochen ziviler buechet. Mer freue üs sehr druf, obwohl mer äuä nume 6 si (mer und trouzüge Met de Ehepartner). Es wird so en rechtige gmüetleche obe.
A jo wär üsi säubergmachte iladischarte gärn wet gse, Cha mer ä pn. Schicke.

Im Gschäft louft es im Momänt eifach ergendwie. Mou chli besser, mou chli weniger gute. Es wird ke Beerdigung gä. Mer mache eifach en gedänknomi.

Hallo zäme
E verzöge ou weder mou chli vo mer (Chame mer zwar vor, wie weni hie en selbschtdialog füere).

Im Gschäft het sech die Situation einigermassen beruegit. Dr Auftrag funktioniert weder einigermassen. Aber es git haut immer no viu wärum, die wärde ou no länger blibe.

Hochzeitsmässig isch einiges gange. Vorauem für me viu unerwartetes. S'thema fliterwoche isch bi üs eigentlich nie wirklich es Thema gsi. I ha eigentlich dänkt gha, dass mer eso, wie aui johr ferie mache, nume chli usdehnter. Mer gö meistens met em Töff id ferie. Mer bueche de aube nüt, sondern gö eifach, und dert wo's üs gfaut übernachte mer, oder blibe velech no 2 -3 Tag länger. Im letschte johr se mer wärend 6 Tag zwüsche Italien und dr schwitz Unterwäsche gsi. Es isch Mega schön gse. E ha würkli dänkt, mer gö so id Flitis, nüt isch mi ma möcht gärn uf d'seychelle. Jetzt se mer, oder besser gseit e, am abkläre, wäge de flüg, Hotel....... E freue me scho ganz fescht druf.


Und für me di 2 Überraschung hani geschter erläbt. Mi gelibtnig scho baud ma, wo überhaupt ned gärn chleider ichouft (das isch die gröschti stroff für en). Är chouft immer öppe 5 - 10 jeanshose meteng i. Die müesse für ungefähr 5 johr länge. (Bis e em uf de Haus chnöile und säge, so jetzt muesch eifach weder einisch go ichoufe). Genau so macht er's Met de hemli und pulöver (är isch wi e ned dr gross modefreak). E ha eigentlich ou dänkt, är got de im ganz letschte Momänt, go sini hochzytschleider ichoufe, aber nei set geschter hänget sie do deheim. (Be stolz uf mi ma). E ha es strickst verbot übercho drizluege. E hoffe e schaffe das. Be scho chli gwungerig.

De hei mer no 2 relativ luschtigi Sache erläbt:
S'erschte isch gse: e ha für üses hochzyt ä Car reserviert. E ha met dr frou am Telefon s'nötigschte für ä Offerte besproche. Ergend einisch seit se: gäud du bisch die wo s.'johr ob mer id schule gange isch. E ha de a dire Stimm a erkennt.
E ha sehr drüber gestunet. E be Set 25 johr üs der Schule, ha se ou nie meh gse.und Name a hets se me ou ned chönne erkenne, e träge (no) Schweitzer auerwäutsname. Es isch würkli eifach mi stimm gsi. Wie scho gseit e ha nume getunt.

S'zweite isch gsi. Mer hei uf üsem Telefon ä Nummer drufe gha, vo eim wo ade Hochzeiten ä schou Met der Motorsäge macht. Mer hei lang gwärweisset, was dä vo üs wot. Wenn är ergend en uskunft Zombie hochzit wot, wärum frogt är de ned eifach dr ufrtaggäber.
Mi ma het i däm ma de zrügglütte. Es isch gar ned um üses hochzyt gange, sondern um öppis geschäftlichs, vo mim ma.
Mer hei de bedi sehr glachet hahaha.

I 14 Tag be eg bereits verhürotet. Lang hani druf gewartet und jetzt isch scho baud sowit. E freue me sehr druf

Zuletzt bearbeitet am 11.04.14 18:35

Hallo liebi Ougust-Brütli!

Dä Thread isch e chli igschlafe . I ha scho gmeint i bechäm plötzlech d Mails vo däm nümm, aber anschinend si aui vou beschäftiget oder no nid so?

@Schittli: So cool mit de Ferie und dass di GG scho e Azug het kouft! Ganz säubständig de? hui bisch nid mega gwundrig?
De heiter d Iladige jetz dusse, oder no nid? Mir hei mega viu positivi Rückmäudige becho, das freut üs sehr. Am Mittwuch isch Amäudeschluss und es fähle üs no ca. vo 20 Lüt Rückmäudige.

Wow Schittli, das isch ja scho mega gli!! Afang s Zivile oder düet dir nöime nur zivil (sorry has gad nümmi m Chopf)? Bi üs geits no 5 Wuche bis zum zivile. Ire Wuche heimer no d Besprächig fürs Apéro vom Zivile, süsch steit eigentlech aues für denn.

Aber süsch isch gad rächt viu gloffe bi üs. Mir hei fougendes chönne abhäggle:

- Azug GG kouft
- Mis Chleid abgsteckt und Schmuck kouft
- Fahrzüg zum uslehne organisiert (e modärne Mini vore Forumsbrut hie inne, so cool!)
- 2. Sitzig mit de TZ gha und wichtigi Pünkt wie ungfähre Ablouf besproche
- DJ buechet hüt, yeah!!! Das isch e Punkt womer rächt ufem Mage isch gläge und bi u froh, heimer das erlediget.

Am Mäntig heimer no es Träffe mitem Sänger womer wahrschinlech wei bueche und de chöme Besprächige für Apéros, mit dr Floristin u de sötte mir üs umz Menu bir Abelocation vom Chirchleche kümmere (hei afang e Uswau troffe aber müesse das no mit ihne bespräche). Und em Reisebüro e Afrag schicke für d Flittis, damit mer gli mau chöi Flüg bueche.

Bi hüt gad rächt happy, dasses so guet louft und hoffe, das geit witerhin eso. GG isch itz ou säuber viu meh drhinder ide letshcte Täg und das freut mi mega.