Hallo liebi ougschte brüt
Dä Theard isch würkli igschlofe.

Liebi Taeboyana be euch isch jo Mega viu gloffe.
-Wo hesch DIN schmuck kouft? Dert wo's 'brutchleid här hesch?
-Hei das Met em mini findi so cool. Die gfaue mer Mega. Wes noch mir ging würde mir en vw-chäfer organisiere, aber üsi brutfüeher hei chli bemerkige gemacht, dass es es fahrzüg wei organisiere.
-wau scho die 2. Setzig Met der brutführer. Mer wärde die erscht ungefähr Mitte Mai ha. Se wei zerscht mou allei zämehocke. (Mer hei 2 begründetit Ehepaar). Öise Zeiträume isch ungefähr scho chli gä.
- was heit der für en dj? Eine äxtra für Hochzeiten? Mer wärde äuä üse Kolleg froge, wo chli musig Cha ablo. Ir Chile möcht e gärn Livemusik, mou luege, ob es klappt.
- s'apero für dä gross Tag steit be üs scho länger, dert müsse mer nur chlini apassige mache (z.b. Dr gschänktisch, oder dä briefchaschte för d'glückwunschchartene; e be dranne ä aute poschtbriefchaschte z'organisiere). Die rätschte pünkt wo du hesch müesse mer ou no abkläre. Zor Floristin muess e de äuäg elei go, dekosache interessiere mi gelibtnig ned eso, houptsach es gset schön us( ob jetzt d'blueme gäub rot oder violett se isch ehem egau, und was für weli sowieso). E glaube das hei doch fasch aui manne eso.
Gäu mängisch brucht's sini Zit,bis d'manne vo üser begeschterig a steckt wärde,mi ma freut sech jetzt, noch anfänglicher Skepsis, sehr druf und bringt sech jetzt ou säuber id Planung i.

Wo göt der häre ide Flitis?

Üsi chartene send set ungefähr 2 Monet dusse. Öppe d'houfti vo de gescht het sech bes. jetzt agmäudet. D'reaktione uf üsi chartene send sehr positiv gse. Se gfaue de gäscht Mega guet. Ou d'reaktione uf das fescht säuber (es het jo fasch niemert me demit grächnet, dass mer noch 18 johr no wärdid hürote). Die meischte se sehr überrascht gse.

Mer wärde jetzt de am 25.April s.'zivile im ganz chlini rahme mache, nümme mer, üsi 2 brutführerehepaar und sini öutere. Noch dr trouig gö mer ohne öutere gö ässe. Meh gehts denn ned. Üsene gross Tag wärde mer am 23. ougschte ha. Mer erwarte denn ungefähr 160 aperogäscht und 55 geladene gäscht. Taeboyana wenn hürotit der ou scho weder? Has ou ned meh im chopf?

Uf dr azug vo mim ma bin i sehr gpannt, e muess me sehr zämenäh, dass e ned driluege. Är het no nie en azug gha! Dä isch är ganz säubständig go ichoufe, e ha ned mou grüsst, wenn är gange isch. E ha ehm nume es Stückli Stoff vo mim brutchleid Met gä. Se hei mer dass den, wohni s'brutchleid kouft ha, metgä.

Noch langem sueche hani vor 14 Tag mi hoorschmuck gfunde. Die meischte se mer z' mächtig gse oder hei mer ned gfaue. Jetzt hani en Fine, ide farbe vom brutchleid gfunde.

Am mändig goni no s'hochzitsgschänk für mi ma go hole. E ha ehm en Uhr lo graviere.

Liebi metbrütlis e wünsche euch en schöne sunntig

Hallo Schittli

I ha bi mim Brutchleidergschäft es Chötteli kouft mit chli Strass und me Perleahängerli, ganz es fiins. D Ohrestecker (haub Steckerli mit chline Hänger dran) hani online bsteut (het gad bi Fashionfriends e super Aktion gha) und si o chli us Strass mitme Swarovskistei. Was hesch du für Haarschmuck und wo heschne bsteut? I wett gärn so ganz e chline Kamm mit Strass wome sitlech ine Hochsteckfrisur cha stecke, ha uf etsy scho schöni gseh.

Sicher ou cool, we d TZ es Outo organisiere. Mir hei äbe vo Afang a gseit gha, dass mir das säuber wei organisiere, wüu mir unbedingt e Mini hei wöue.

Ja mir hei üsi 1. Sitzig scho es Jahr vorem Hochzit gha. Mir hei ou 2 TZ-Päärli und die einte si scho ghürate und är het scho 3 Hoczite süsch organisiert und mega viu Erfahrig und sie si scho mega dran... hei sech sicher scho 2-3 mau ohni üs troffe. Hüt hei sie o gad wieder e Sitzig . Da bini geng so gwundrig... Itz wärde mer nur no 1 gmeinsami ha am 3. Ougust. Mir hürate übrigens am 16., aso e Wuche vor euch. Zivil am 16. Mai. Ds Zivile mache mer ou eher chli, mit TZ, Eutere und Gschwüschterti.

Dr DJ leit ou süsch uf aber het viu Hochzitserfahrig und sogar scho amne HZ i üsem Hotel ufgleit. Er heisst DJ Funky Soulsa (us dr Region Bärn). Mir hei ihn äbe are Geburiparty vo mire Kollegin gseh und uflege und es het üs mega passt. Hüt Abe heimer no es Träffe mitme Sänger wo mir isch empfohle worde für ir Chile. Mir gö zu ihm und de duet är üs gad chli vorsinge und -spiele (Gitarre und Piano). Bi sehr gspannt und hoffe, mir chöi üs ufne guete Priis einige und das Thema Musik de mau abschliesse. Hani bis jetz öpis vom Schwierigste gfunge, ämu weme nid weiss nid was fürnes Budget het.

Für ds Apéro heimer afa dr Abieter buechet und e Offerte becho, aber itz geits no um d Details, Wii, etc. Und ig as Kontrollfreak wetti gärn no es paar Föteli gseh, wie sie's aube härrichte u so . Deko ha ou houptsächlech ig usgsuecht u Farbe vorgschlage, aber es isch nid mau so e Sach gsi, wüu mir ziemli die gliche Farbe gärn hei. Bir gnaue Uswau vode Blueme weimer de chli Vorschleg vor Floristin, aber i ha ihre scho viu Biudli gschickt, was mir üs so vorsteue. Är chunnt aber aube glich mit und wener de mau drbi isch, bringt er sech ou rächt i (sogar bim Träffe mit dr Konditorin für üsi Cupcakestorte hihi...).

Id Flittis gömer uf Zambia und Zimbabwe. GGs Gotte het in Sambia e Lodge womer 1 Wuche iglade si worde und de gits richtig Safari u so. U die 2. Wuche zu de Victoria Falls. Freue üs riesig, isch öpis ganz Neus für üs.

Luschtig, i ha ou e Uhr bsteut für mi GG. Aber chli e spezieui: Sone Tascheuhr mitem Superman-Signet voredruf. Meh symbolisch, wüu är mi Superheld isch .

Darfi euchi Iladige und HP gseh? I cha dir ou e PN schicke mit üsne wede möchtsch. I findes im Fau mega schön dass dir no hüratet, grad we dr so lang scho zäme sit und äbe so gar ke Druck heit, dass dr müesstit. Das isch doch Liebi . Mir si afa "ersch" haub so lang zäme wie dir .

Heii zäme :)

Melde mi au wieder mau. Bi üs isch momentan au gad alles chli ruehig.
Warte no uf Endi Monet das d'Ahmeldige zrug chöme, damit mer ner d Sitzordnig cheu mache.
Und miesse de Monet au afo s Papierlizüg füre Standesamt ahfordere.

Im Juni hani de der 2. Termin für d Frisur und denn muessi au no s Chleid go ahpasse.

D Flitterwuche uf Maledive ( Kuredu Island ) si au scho buechet.

Was üs eifach no fehlt isch deko. Mir hei eich so wie s Thema Paris, will ungerem Eiffelturm hani der Hürotsahtrag becho. und deswege si d Nameschildli us Eiffelturm und jetzt sueche mir ebe für ufe Tisch ca. 15 Eiffeltürm, sette öppe sho 60 cm si. aber finges niene :(.

i 3 Mönet isches de scho so wit :) die Zit geit schnell verbi. Freue mi soooo.

- Schnittli vo Minermode Huttwil hani mich Brutchleiid :).

Was fehlt euch no ?? Liiebs Grüessli :)

Hallo liabi Augustbrüt!

Döf ma sich da eifach iklinka in de Thread? I bin au a August-Brut, mr hürated am 16. .. Bin bis ez eher stilli Mitleserin gsi :)

Hallo Kay, herzlich willkommen ;-)

Also da isch ja wider einiges gangä bi oi i letschter zit ;-)

Mir sind au fliessig dra. Im Momänt ischs grad zimlich intensiv. Ich han sogar fascht Bitz gnuäg vom Ganzä. S macht zwar scho Spass- sehr sogar- aber irgendwie hani gar kei Zit me für irgendöppis anders wo nöd mit Hochzit ztuä hät...
Wiä händ ihr das so? sinder no voller Euphorie, oder händer au mal sones chlises Zwüschätüf?

Also mir händ i Zwüschäzit dä Apéro gfixet, scho mal äs Gspröch mitem Pfarrer gha, und s Catering für s Zivilä Ässä organisiert.

Als Nöchsts hämer am Dunschtig no s Gspröch bim Standesamt. Am Samstig chani nomal zum Coiffeur wäg dä Frisur. Dänn simer no wäg dä Ring im Endspurt. Muänd ois no zwüschet paar Lösigä entscheidä. Muäss no ä Lischtä für d Fotografin machä, was für Gruppäfottenä mir wetted. Ä Lischtä für dä DJ machä, weli Liäder oder so grob was für Musig dass er dörf spilä... Mis Chleid chani ändi Monet go aluägä wägem chürzä. Dänn bruchemer no Bluämä, Tischdeko, Menüchärtli, Chli Schmuck sötti no ha und... und... und.
Merkä da grad scho wider, was äs no alles z machä git. Ach bin dänn scho froh, wänns 30. August isch ;-)

Verzeled doch mal, wies oi so gaht

Grüässli

Hallo zäme!

Schön dass da inne wieder öpis louft

@kay: Wiukomme und no schöner: Dir hüratet am gliche Tag wie mir

@me: Mir hei am Fritig üses Zivile gha, genau 3 Monet vorem Chirchleche. Es isch soooooooo schön gsi und ou emotional... besser as mirs üs hätte vorgsteut! Jetz versuechi mi a neu Name zgwöhne und bi natürlech gad chli mit aune Änderige beschäftiget Es füut sech no ungwohnt a, aber o sehr schön.

Üsi nächste Pünkt uf dr To-do-Lischte si fougendi:

- Ring la graviere (wemer de ändlech wüsste, was genau..)
- Termin veribare füre Privattanzkurs im Juli
- Dekoidee und Väseli, Schale etc. sammle für Tischdeko
- Besprächig mitem Hotel für Menu und Details am 4. Juni
- Träffe mit dr Sigristin für Details beträffend Chile am 6. Juni
- Träffe mitem Pfarrer am 4. Juli
- Probefrisur und -makeup am 5. Juli
- Poltertag am 12. Juli

Viu Termine si zum Glück scho gsetzt, aber es git glich no Einiges... füehle mi aber eigentlech gar nd gstresst im Momänt, ha zGfüu mir si sehr guet dinne.