| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
August Bräute 2014
 1 .. 7 8 9 10 11 .. 22 .. 32
13.11.13 17:57
nala05 

Re: August Bräute 2014

hoi zämme

ich ghör au zu de august brütlis!

unser datum isch de 01.08.14

bis jetzt hämir
-festlocation obig
-location für d trauuig & apero
-freii theologin für d trauuig
-std kärtli sin vrschickt
-farbkonzept gwählt

im momänt dra bini am:
-floristin, gangi nägst wuche
-fotografin, bini am abkläre
-deko züg übrlege

termin fürs kleid hani am 7.12 im domino z lörrach :)
freu mi scho riiiesig
14.11.13 09:31
Sue87 

Re: August Bräute 2014

ah ja ig ha no gar nid ufglistet wasmer aues scho hei

mir hei:
-Location für Apéro, Kirche und Abiglocation
-Pfarrer und erstes Treffen gehabt
-Ringe
-Anzug Bräutigam
-Kleider bestellt Blumenmädchen

dran bini bi:
-Fotograf kontaktiere
-Catering agfragt
-Blueme und Dekoration überlege

Nala
bi de gspannt wies isch im Domino wott ja de ou gah und e Fründin vo mir het det ihres Hochzitskleid her für 500 Euro und es isch mega schön gsi
14.11.13 12:59
Schittli  		Re: August Bräute 2014

Halo zäme
Das Met dr frou Pfarrer isch ned so schön. Ere öppis säge bringt ou nüt. (Mer wei ned no meh ufruer dribringe). Mi fründ het sire Mama erklärt, dass mer das eso ned vorgeseh gha hei. Passiert isch jetzt leider passiert, rückgängig mache chöi mer das nümme.

Derfür öppis Positivs, mei hei hüt zugesag für üsne aperoruhm übercho.vor ganze hochzitplanig isch mer das am meischte uf em mage gläge. (Vor auem, wo mer das wei mache).

E werde mini Stola säuber lisme (ha eigentlich zerscht wöue handstulpe lisme, das isch aber z'kompliziert). E be geschter go Wolle chofe. Und ha grad demit agfange, es werd u schön
14.11.13 13:04
Snicki  		Re: August Bräute 2014

schnittli: was hesch für nes Muster? Und was für ne Wolle? Wetti gseeeeeeh
I mim "Strick & Häkel" Forum machid das no es paar, aber für mich wärs nüt. Zumal ich vermuetlich eh kei han

14.11.13 13:51
Schittli  		Re: August Bräute 2014

Hallo snicki
E nehme derzeue ä ganz ä fini mohairwolle. Si heisst Mohair Kid, e hase im jakobsmarkt zoubrück kouft.
S.' Muschter hani usem buech "Lust auf Lace"
I was für eme strickforum besch den du?
14.11.13 13:59
Snicki  		Re: August Bräute 2014

Schittli - uf Facebook z.B hets e Gruppe "Nadelspiel" ... Es git au e Homepage, wo glich heisst
Het immer super Sache det inne!

Ha grad googlet die isch denn schön flauschig!!!
18.11.13 11:44
Fanny87  		Re: August Bräute 2014

Hallo ihr liebä August-Brüütli :-)

ich cha mich etz definitiv au als August-Bruut oute! ha sooo ä riese Freud und wötts am liebste allne verzelle. aaaaber mir hend gseit mir möchtets denn bi dä Fründe und Verwandte erst mitem Kärtli bekannt mache. De Family seget mirs natürli vorer persönlich.

üses Datum isch dä 23.08.2014. mir hend im Moment erst alles mol ufem Zettel festghalte. ich möchte aber diä wuche möglichs viel no fixe.

bim Tagesablauf bzw. wäg dä Ziit vom kirchliche Hochziit sind mir üs chli unsicher. uf weli ziit hend ihr das festgleit? wenn mer scho am 1 oder 2 hürotet mues mer jo fascht nochem apero no irgenwas mache bis mer denn is resti goht. wiä löset ihr das? di ander variante wär das mir am 3 hürotet und denn nümä so viel ziit hend und somit noher denn fascht direkt is resti chönntet.

bi gspannt wiä das bi eu planet isch :-)

lg
18.11.13 12:58
Snicki  		Re: August Bräute 2014

Hallo Fanny
Willkomme bide August Brüütlis !!

Mier hürotid äbefalls am 23.8.2014 Mier werdids de Kollege (also de beschte affigs) die Wuche eswenn verzelle ... Üsi Eltere müend sich no chli gedulde bis a Wiehnachte

Also üsi Chille startet am 13:00 - die goht vorussichtlich ungefähr bis am 14:00, bis alli dusse sind etc rächnid mier mol 14:30. Mier gönd nochher a d'Aperolocation, ca 15 min Fahrt, und dete wartid denn alli uf üs. Bide Chille hets äbe ned so viel Platz, drum tüend mier d'Lüt grad a d'Aperolocation "bstelle". Dete simmer denn bis ca. 18:00/18:30 und denn gohts wieder wiiter, mit de gladne Gäscht is Resti.
Ich finde das perfekt. So cha mer mit de "Aperogäscht" verwile, und sich denn nochher sus au richtig Ziit näh für die gladnige.
Wieviel Lüt hend iehr denn so für an Apero und is Resti?
Wo hürotisch?

18.11.13 16:38
Fanny87  		Re: August Bräute 2014

Danke viel mol liebi Snicki :-)!

hey so genial, grad scho en Hochziit-Zwilling gfunde hihi.

ich bi würkli sooooo chribbelig und wills minä Eltere am liebste grad hüt no sägä. mol luege, vilicht klappet da jo sogar hüt obig no.

aso mir werdet am obig zwüschet 40 und 50 persone sii und am apero denki scho öppe 150. mol luege..ich tendiere druf das mir am 3 d Chile hend und bis am 5i halbi 6i apero. denn chönd trauzüüge nochli was organisiere und am halbi 8i denke chönntemer denn is resti bzw. id obiglocation goh.

mir hürotet im Kanton sg. und ihr?
18.11.13 16:44
Snicki  		Re: August Bräute 2014

Hallo Fanny

Mier wärdid im Kt. Zug hürote
Wenn ich eu wär, würd ich mier do einisch überlegge.
Falls iehr am 15:00 d'Chille hend, denn isch 16:15/16:30 bis alli dusse sind und sich "platziert" hend.
Und denn find ich persönlich, en apero vo 30min - 90min eifach chli knapp. Aber das isch evtl nur mini Meinig. Hend iehr de Apero grad näb de Chille?
Grad bi 150 Lüt ... bis do nume Fotene gmacht hesch Ich bin gnau s'Gägeteil, ich han ned gnueg Ziit ha

 1 .. 7 8 9 10 11 .. 22 .. 32
Willkomme   linally   buechet   Fotograf   Iladige   organisiere   schittli   reserviere   hochzit   Priis-Leistigs-Verhältnis   reserviert   bearbeitet   LaMariee   MoneyPenny   verschicke   Pfarrer   Homepage   einisch   eigentlich   gwundernasenliste-braeute-2014-12