Hey zäme... danke viu Mau für euchi Tipps. Das isch ä super Sach mit däm Forum

Fabienne: bonnyprints.ch hani o scho agluegt fürd Iladige. Die hei würklich ä schöni Uswahl a härzige Charte und Farbkonzept. Was für Charte hesch de du aues bstöut? Geit ja o chli ids Gäud sone ganzi Hochzytspapeterie... oder?

xmischii: danke fürd Tipps mit dr Chile. Ja, ig ha o scho ghört, dass beliebti Hochzyts-Chile zum Teil scho Jahre/Mönet im Vorus usbuechet si. Da mir aber nume bi üs im Dorf hürate, hetts äuä no chli Zyt - hoffes emu. Wow, d Iladige säubermache isch natürlich super u sehr persönlich, brucht aber o chli es kreativs Gmüet u Zyt - was hesch du dir de für nes Gstaltigskonzept überleit?

no e generelli Frag: Wie heis euchi Manne so mit däm ganze Hochzytsfieber? Grundsätzlich isch die ganzi Planig und Deko-Sach ja scho chli es Froue-Ding aber mini besseri Häufti laht sich für das Thema nonid so begeistere... es geit haut o no es Zytli u är macht sowieso immer aues ufe letscht Drücker - aber schön wärs haut scho, wenn me d Vorfreud chli chönnt teile, oder?

glg
Diani02

Mer händ s chärtli gno "wir heiraten". Die händ jo alli so näme... muesch mol luege. gloub of de 2. Siite vo de Hochzeitseinladungen. Mer händ eus för zwöi separati Iladige för Apéro ond gladni Gäscht entschede. Händ zersch no öberleid öb mer eifach e ilage-Blatt wänd mache.
Mer händ eigentlech 2 Chärtli gstaltet, bzw. eifach en andere Text ine gschrebe. mer händ 35 Karten för Apérogäscht bstellt ond 30 Karten för die Gladne Gäscht. ond no es paar förigi. mer weiss jo nie.. s esch no gäbig. mer cha die de eifach noche bstelle, falls mer si bruucht. Förd Chärtli ond Couvert hani jetzt 249.- Franke zahlt. Fendi no okey... s sälber bastle chonnt secher ned gönstiger ond ech be eifach z wenig kreativ.

Möche der Namensschildli zom Astecke? Düender die au Bastle?

Aso mi zuekönftig Maa loht sech au nonig lo begeistere. Im Momänt beni so chli am omeluege ond Vorschläg mache ond er seit den sini meinig dezue. för ehn esches au no z wiit wäg. er esch sech glaub au ned so bewosst, dass mer gwössni sache halt scho glii set plane. Ond er weiss natüürli, dass ech sehr gärn due organisiere ond plane ond so ond drom loht er mech do au eifach chli lo mache Ech cha halt au vell im gschäft mache ond drom erget sech das so chli soo

Herzlich Willkomme alli neui mitschriberinne :)

Iladige
Isch bi eus grad s aktuelle Thema wie mer die gstalte sölled... Einerseits gfallet eus iladigskarte uf etsy wo mit eusere einte Lieblingsserie Game of Thrones zemehänget.. Nur würden die lüüt wo's nöd Känned vielleicht gar nöd drus cho
Anderersiits chöntemer eus Au öppis i eusene Farbe vorstelle, aber det simmer Au no unsicher orange/türkis wär e Idee (sini/Mini lieblingsfarb), han Au scho Kombinatione denn gseh mit gelb, orange, fuchsia bzw. Pink wo mir ebe Au zu guet gfallet...

Planig
Min GG seit immer er würdi Au es pinks Hemmdli alege wenn ich das unbedingt wott, hauptsach er chan mich hürate hihi würdi ihm aber nöd atue
Eigentlich sueche ich eifach d'sache oder dienstleister use und er seit sind meinige dezue bzw. chunnt mit go luege
Nachdem eusi Location im November 13 scho a eusem Wunschdatum im August 15 usbuecht gsii isch seit er Au nüt vowege das öppis no vill zfrüeh segi

Liebi Grüessli

Hoi Zämmä

mäld mich da mal wider zu Wort. Hüt chömer eusi Ehering go abhole *freu*.

Ich han mich sofort i de Ring verliebt und es schisst mi scho chli a na 9 Mönet z warte bis ich de endlich dörf trägä. Mir hend eus für Rotgold entschiede, es het eifach am beste usgseh bi eus beidne.

Mine het no chli steinli rundume. De GG isch au scho voll fröhlich.

D Ring hemer bim Juwelier Grundmann in Konstanz kauft. Obwohl mer überhaupt nid uf de Priis glueget hend sind es mega Schnäppli gsi: 1'200.- für beidi Ring!

Was lauft bi eus so? Ich freu mich scho jetzt ufs neue Jahr woni den chli mit de Detail chan afange.

Fotis folget hüt abig.

Has verstah bin au immer sehr neugierig :) Mir hend denkt gönd mal go luege und de hend na so e 10% aktion gha. Wemer nüt gfunde heted wer das au voll io gsi. Aber hey ich ha de Ring gseh und nüme los gla. Und zum Glück het er am GG au so guet gfalle wie mir :)

waaau, die sind dänn schön super Chauf!