Hehe cool

Wo machsch du s Fescht? Und was händ dir füre Catering?
Mir sind ebbe fascht 80 Persone und woni die Offärte gseh ha bini fascht ab em Stuhl gheit.......aber dämfall isch das glaubs eifach "normal" dasses so tür isch........

Ah jä, was füre Thailade............meinsch die chönne au Pfingschtrose bstelle...........die gits bi uns jo nur an Pfingschte

Griessli

*** 25. Mai 2013 ***

Hi An1982

Ich han scho ghürate, aber ich chan dir als Catering sehr d Mezgerei Birbaum in Allschwil empfehle. Mir händ die fürs Apero und s Esse ka. Die sind super und mached au meh als gnueg! Händ würkli Lüüt wo viel essed und es het na ka am Schluss au am Apero, obwohl meh Lüüt cho sind als mer gmeint hend!
Und mir händ au viel Kompliment übercho fürs Catering. De Priis weiss ich nüm so genau, chent nahluege, ABER mir sind 80 Lüüt am Esse gsi und 120 gmeldeti am Apero und es isch sicher nie so tüür gsi wie bi de Angiyves!

ES chunt natürli scho druf a was ihr wänd usw. Aber sie sind da sehr flexibel und gönd super uf Wünsch i.

Vode Blueme bin ich enttüscht gsi. De Brutstruss isch würkli schön gsi, nöd ganz so wie besproche aber sehr schön. Jedoch de Trauzüginne Struss het mich nöd so überzügt und vorallem mit de Dekorose bin garnöd zfriede gsi. ISch chli e langi Gschicht eigentli. aber churz, eusi Florischtin het s Baby frühnere becho und ihri Muetter het denn alles gmacht ( die händ de Lade gmeinsam) ich han damals gsait ich wet pinki Rose, aber wenns das gad nöd het chas au chli abwiche, eifach nöd schweindlirosa!
Was hani am Schluss ka? Ja genau! Schweindlirosa! Die Muetter het mer na aglüte und gsait sie gsehn das ich das uf kain Fall wet, ebe Pink hegs nüt ume momentan, aber sie heg e Rose wo zwar inne relativ hell isch aber denn immer dünkler wird geg usse. ob das ok isch. Ich Depp ha dere das so abgnah. Es isch 2 Däg vorem Hochziit gsi und ich han eifachkai Ziit meh ka zum verbifahre a dem Obe.
Aber das dünklerwerde het mer echt mit de Lupe müsse sueche. ICh het gad chöne hühle woni d Rose go hole bi!!!!!!! Ok, ich han den spöter auna

Lange Rede, kurzer Sinn. Florischtin chani nöd empfehle...

Torte hämmer vom Kern in Laufe ka. SIe isch im Tortetread. Wis, gelb. Sie isch suuper gsi und er het si na gliefered. Es isch e Englischi Hochziitstorte gsi. Es isch recht schwer da öbber zfinde und die bekannte 2 Adresse sind mir eifach viel zu tüür gsi! Mir händ jetzt det für 60 Lüüt 500 fr zahlt.
Schön isch au gsi, dass mir nacher na en Guetschii für en Brunch bi ihne im Kaffi übercho händ, das het eus echt gfreut!


Viel Spass wiiterhin na bide Vorbereitige!
Isch lässig wenn ihr es paar Brüttlis us Basel sind, letscht Jahr hets nöd soo viel ka.

Viel Spass na wiiterhin bide Vorbereitige!

Hehehe super hani das Thema gstartet, do chömme jo grad so viel Informatione......danke vielmol.

Ich ha ebbe an dr Marinatal eini gseh wo Hochziitstorte macht: LilliMoo.......het scho öpper mol öppis vo ihre ghörrt oder sogar dörte scho bstellt?

*** 25. Mai 2013 ***

Han natürli gad schnell müsse go güggsle. Wow, gseht super us! Leider kenn ich sie aber nid...