Liebi Layonie, das isch jo mega doof, dass sie dir g'kündt händ. I de Probezit isch es leider zuelässig. Aber du schribsch, dass in zwei Mönet de Spuck verbi isch. Händs dir denn jetzt gkündt und du söllsch no 2 Mönet schaffe? Also entweder stohn ich grad e chli uf em Schluch oder du häsch e komischi Firma

Zur Tanzschuel: Mir händ 7x 1.5 Stund für 180Fr. p.P.
Als erschts händ mir de englisch Walzer und de Jive aglueget. Ich glaub hüt obig chunnt öpis neus dra (es isch de 3. obig). De englisch Walzer goht eigentlich ganz guet. Isch jo langsam und d'Bewegigslegasteniker chönd zur Not au no chli schunkle, denn gsehts au guet us..
Mir sueched jetzt nur no es schöns Lied für de Hochzitstanz (wo übrigens ganz eifach en englische Walzer söll werde). Ich han mo a "i schwöru" vo dä Sina denkt, aber es chönt scho fasch zu langsam si..
Zivil 14.07.12 im Thurgau, Kirchlich 21.07.2012 in Sachsen

Jöö ihr sind lieb!

@Seechind84 mit Spuck hani s`Hochziit gmeint (im positive natürlich)
Han grad am gliche Tag mis Züg packt i dä Praxis

@Kündigung, sie händ mir i dä Probeziit kündigt. I dä Probeziit chan mer ohni Begründig chündige. Das staht au so i mim Vertrag. Sie dörfed nöd weg SS chünde, aber das händs natürlich au nöd so formuliert. Es isch hald eifach offesichtlich!
Ich han scho afangs Jahr juristischi Hilf in Aspruch gno. Ich chönti die Chündigung scho afechte, aber es git fascht kei Fäll wo ä Schwangeri durecho isch dämit. Drum lass ich das! Ich glaub ich find scho wieder öpis - wenn au befristet. Zudem chani im alte Spital es paar Tag im Monät go schaffe. Die Unterstützed mich mega.

@Soraya han am 9.9.12 Termin!

@Tanzkurs, han jetzt irgendwie doch kein Crashkurs gfunde... muess mal luege ob es Kollegepärli eus das chan bibringe
Mir sueched au grad no es Lied für dä Hochziitstanz, wend au en englische Walzer - ganz klassisch

Ich han grad s`Chileliederbuech dure blättered. Mir müend no es Lied uswähle wo mer mit dä Chilegsellschaft singed - und ehrlich gseit, ich han kein Plan, känne die Lieder nöd....

@Chilelied: Ich finde s'Lied "Gott hät di ganz wit Wält" mega schön. Isch aber halt eher e chli es Chinderlied. Susch isch "Grosser Gott wir loben dich" recht bekannt und recht eifach isch "Ich lobe meinen Gott" (gits uf dütsch, englisch und französisch)
Mir händ üs allerdings no für keis Lied entschiede. Ich mues zerscht mol luege, was für Lieder in Dütschland bekannt sind. Nützt jo nünt wenn nur d'Schwizer chönd mitsinge.

Zivil 14.07.12 im Thurgau, Kirchlich 21.07.2012 in Sachsen

@ Layonie: Oje das tut mir leid für dich. Jetzt gibts nur eins, nach vorne schauen und nicht entmutigen lassen! Wünsche dir viel Erfolg!

Wegen den Kirchenliedern:
- die Klassiker: "Grosser Gott wir loben dich" oder "Lobet den Herrn"
- Es gibt eine herzige Hochzeitsversion von "Danke für diesen guten Morgen", die findest du sicher wenn du sie googlest.
- Freunde von uns hatten z.B. "Hevenu Shalom alechem" (Friede für alle), das kennen sicher auch viele aus der Schule.

"Mini Farb und dini" finde ich persönlich etwas kindisch - assoziiere ich total mit Kindergarten

LG Joy

02.06.2012 - dem Paradies ganz nah...