Also mer hend all eusi Finanze zeme.. mer düend e rechte Batze pro Monet spare und verzechtet halt uf paar Sache..förs Hochset und nacher e paar Johr för es Huus..
Be eus klappts guet wel eus bedne Geld ned eso wechtig esch und mer Hobbys u so hend womer ned eso vell brucht unds öppe usgleche esch.. er verdient aber vell meh aber em machts nüt us..
mer send aber au scho zemmli lang zeme und för es stemmts so..
aber da meuss jede selber wösse...:-)

geld/konto: aso mier hend beidi eusi eigete lohn- und sparkonto. mier hend aber es gmeinsams hushaltskonto wo mer beidi jede monet glich vill überwiesed, mit dem zahled mier denn d mieti, läbensmittel und eifach alles wo mit hushalt usw. z tue hed. mier hend jetz dehei es sparsäuli ufgstellt womer jede abig euses münz ine tüend. das gäld wo det zäme chunnt düemer denn au uf das hushaltskonto und brucheds denn zum chlineri rächnige fürs hochzit z zahle. wie miers mit de grössere rächnige mached und nacher mit de kontene handhabed hemer noni besproche.

@nisliker & lula: merci viel mal für'd Infos, ich wird Aafangs Mai demfall mal am Chez Janine alüütä. Det sind alli mini Kolleginä gsi und anschiinend segis super. Woohoo ich froi mich.

@geld/Konto: aso mir händ grundsätzlich oisi eignä spaar und lohn konto aber min GG macht mini Finanzä bis zum Hochziit will er eifach so en sparsame isch und mir den (zämä) meh chönd spaarä. Das heisst, ich spaarä i mim und er i siim Konto. Mir händ jedoch es gmeinsams huushalts konto.

Hallo zeme
ez send gad die neue arbetszite fo mim GG bekannt worde
er schafft ez emmer fo di. bes sa. 14.00-23.00 und jedes 2. weekend fr. und sa. fo 21.00 bes 06.00 =(
esch echt zum kotze.. so xemmer eus nomeno am so. nomittag:S
het öber au en GG wo so scheiss arbetszyte het?!
oder we hüfig xend er euch?

mi gg nid, aber i schaffä schicht. isch aber jedi wuchä anders, je nach plan.
weni spätdienst ha, chumi hei wener schlaft u är geit weni schlafä...
aber das isch ja zum glück nid immer so. i ha jedä sunntig frei u am samstig schaffi nur säutä.

Mh, mir schaffe relativ ähnlich, vo däm här gseh mir üs jede Obe. Aber am Wucheändi drfür nid immer, gits ging öpe as eine vo üs bedne denn usswärts isch, aber mir luege as mr am Sundi immer bed ume si.

Die Sändig hani oh scho gseh (Isch das nid das "Say yes to the dress", wo hie irgendwo oh scho besproche worde isch?) Het mi aber nid so überzügt. Ha das besser gfunge, wo 4 Brüt gägesitig ihri Hochzite bewärte. Isch zwar ging mega es gezicke, aber mir hei die extravaganze Hochzite ebo aube no gfalle.
Finges bir Chleider-Sändig no komisch, as bi vilne (emu wo igs gseh ha) dr Verlobt oh drbi isch bim Ussueche. Ig würd emu mi GG nid mitnäh, oh nid, wenn ig ihms Chleid eh deheime würd zeige. Das isch für mi eifach öpis wome unger Fraue macht

@nisliker: so guet! Heitr se grad buechet?

Zuletzt bearbeitet am 15.02.13 09:35