hallo novia_mayo

ich kenne den widenmoos club! meinn vater ist da dabei :) die haben ein super schönes clubhaus mit riesen gartenanlage. wenn ich im sommer heiraten würde, würde ich da

grüessli nisliker

genau! isch würkli schön det!

Uh, novia_mayo: isch jo mega schön dert! Wäuz cool, mim Garte und allem! Finges nid schlimm mim Wäg, aber ebe mir hei oh grad e ähnlichi Diskussion:

@Distanze: Aso mir fahre oh 40 Minute vor Chile zum Restaurant, wobis Apero 10 min vor Chile wäg isch und ufm Wäg ligt. Für die meischte Gäscht isch ds Resti de 40-45 Minute vo deheime wäg. Ig ha jetzt dänkt, mir gäbe ihne de eifach paar Hotel ir Umgäbig a und guet isch, wär wott blibe, cha blibe, dr Räschte fahrt halt hei. Üs geits nid drum, as mr no mit allne choi zmörgele odr so und da üses Resti eh kes Hotel isch, verteilts sich halt. Jetzt hani das ere Kollegin verzellt (si wär de oh eini vo dene wo 3/4 Stung müesst fahre) und die het grad gfrogt wie mir das de mim Transport plane. Ig ha eigetnlich kei Car wöue, wil mir zur Zit meh Lüt uf dr Lischte hei, als i eim Car Platz hätte (guet, paari lade mr de vilich nid i und paari chöme wahrschinlich eh nid). Aber das wärs no s chlinere Problem. Sandere isch, as igs bimne Car wichtig finge as sich d Lüt bim Resti besammle, drmit si hei choi wenn si wei und nid ufe Car müesse warte. De wär das jo nes mega rum gekutschiere für die meischte. Die meischte müesste de jo fasch 2 Stung vor dr Trauig usm Hus und das wär de erscht no am Mittag. Finge das emu die grösser Zuemuetig als wenn sie am Obe 3/4 Stung müesse hei fahre, odr sich halt es Hotel näh, oder was meinet dir? (sorry, für mi läng Text, chami aube nid chürzer fasse)

@Lula: und wie si dini Berliner worde?

Distanze: auso mir hei no ke definitivi Chiuche u Ort zum Fyyre am Abe. Aber neume, wo's üs guet würd gfaue. u derthäre fahrt me vo Basu fasch e Stung... mir sy itz äbe o no chli am Überlege, öb das machbar isch. dürdas bi üs Gäscht us aune Richtige vor Schwyz u o usem Usland chöme, geit das mit em zäme Fahre sowieso nid so würkläch uf. Auso Car-miete oder so fallt bi üs scho wäg.
Klar, e STung fahre isch scho nid grad wenig. We de drfür no vieli dert übernachte u am Sunntig Morge no zum zmörgele drby sy, finge mir das natürläch o top! u we öbber am Abe no wott heifahre, chaner das natürläch immer o no....

@novia_mayo: 40 minute fingen i auso nid viu. u sowieso fingeni nid, dass me z viu Rücksicht uf d Gäscht oder ihri Iiwänd/Gfüehl näh muess. Schliessläch isch es eues Fescht u es muess für euch stimme. die Lüt wo euch gärn hei, würde sicher überau häre fahre für eues Hochzyt! U wäm's dr Ufwand nid wärt isch, dä söu's doch grad lieber la sy....