Hoi zämä

Isch bi öich ou so doofs Wätter? So nass, chaut u grussig... *eeek*


@morelia: Schöni Idee. Mau chli was speziellers... Mir wärdes ou ir Adventszyt säge, da sini Familie im gliche Ort wohnt, säge mirs ihne scho vor Whynachte, zumau mir nit wüsse, wie si reagiere. U mire Familie säge mirs um Whynachte, aber gloub eifach "ganz normal und schlicht". Finde Dini Idee aber würkli schön!!

@StelleBlack: I muess ebe ou no chli schwige, u mängisch verzwifleni fasch...

@me: I ha di wäutbeschti Fründin, u i hoffe so das si mini Trouzügin wird!! Ha hüet morge es Päckli brcho, vo ihre u ihrem Maa, mit are Fläsche Cafe de Paris - Lytchi, e chline Sekt mit dr Etikette "Ewigi Liebi", e Herzkerze, Steuherzli, e Hochzytstee, u nes mega härzigs u liebs Kärtli!!! Si isch eifach dr Hammer!!!
Nume weiss si no nüt vo ihrem Glück das i se wetti frage fürs Amt vor TZ

Jö, das isch jo mega härzig vo dire Fründin, Lula!

@morelia: euchi Idee isch ächt no witzig. Ich ha mir au so Sache überleit, wie mes chönnt verpacke (zB si zum Znacht ilade und e chlini Hochzitstorte zum Dessert mache oder so), aber schlussändlcih heimrs eifach gseit. aso das heisst ig bi eifach drmit useplatzt

Hi Ladys :)

ich bin hüd morge ufgstande und min fründ het für mich en schöne zmorge vorbereitet :) (ha ebe hüd geburtstag) denn bin ich is bad und eini vo mine 2 chatze lauft mir hinderher. ich ha gseh dass er es halsband a het obwohl eusi chatze hus chatze sind und normalerwis keis a hend. ich ha glueget und was sich drah ghanget :) en wuuuuuunder schöne ring :) genau so ahn ich mir de ring vorgstellt :) denn isch min fründ cho und het mer en gleit :) es sich soooo schön gsie. ich weiss wie schwers ihm fallt romantisch sache zmache. aber es sich perfekt gsie!!!

Zuletzt bearbeitet am 28.11.12 11:49

@nisliker: isch jo wäuz härzig vo dim Fründ! Gratuliere zur offizielle Verlobig und aues Gueti zum Geburi wünschi dr natürlich oh!

@Lula: Nei ig hätt nüt druf gschribe, hätt eifach mehreri Stöck gmacht, zwoi odr drü und de mit wisser Glasur überzoge und halt chlei Verzierige gmacht. Bi nid so dr Marzipan Baschtler, aber ha au scho mit ächte Blüete Chüeche verziert, gseht oh guet us. De hätte sis de sicher gmerkt, was ig drmit wott säge. aber ebe, de hät me e Iladig müesse mache, iregnd e fadeschinige Grund drfür erfinge, drmit niemert si frogt, werum das ganze und vor allem: ufs Mu hocke Das hätti drum vou nid chönne! Cha mir vorstelle, wies dir geit, weds nonig chasch verzelle und doch so gärn wettsch! aber gli gli isches jo so wit!

Huuuu, das tönt ja nach einem suuuuper tollen Geburi... :D
Das eure Katze da mitgemacht hat :D
Unsere wäre selbst mit dem teuersten Diamantring schon lang über alle Berge, bevor ich gemerkt hätte, dass sie noch was für mich am Hals trägt :D

@me: drückt mir doch bitte mal die Daumen, dass ich wirklich eine Braut 2014 bleibe... oder werde.
Nach den letzten Gesprächen mit GG sieht das leider nicht so wahrscheinlich aus - er will unbedingt erst heiraten, wenn er mit seiner Ausbildung fertig ist (erst nach August 2014) und er meint, er will nicht im Winter heiraten... Mal sehen. Also drückt mir die Daumen für ein paar gute weitere Gespräche...

@kleinefeder: *Daumendrücken*

@morelia: Gäu, hei hinech no guet 1,5 Stund telefoniert... U so lang tele ig süsch aube nit.

@Antrag/Ring: I ha ou weder no, dr Ring chunnt i ca 2 Wuche, u ne Atrag söus anschinend ou no gäh... Aber i weiss ächt gad nit für was, e schöne Struss Blueme u dr Ring, wüu beschlosse isch es ja glich.

Aber liebe tüe mir ja üser Manne glich, oder genau drum. Mine isch ou absolut nit romantisch, u glich het er mängisch so "Afäll" u die gniesseni de aube gad um so meh...