Also bi mir isches eso as ig gärn Brutjungfere hät, wo me a de Chleider au als solche erkennt. Ig würd ihne uf all Fäll öpis as Chleid gä, wenn ig ihne öpis würd vorschriebe. Has zur Sicherheit emu oh scho budgetiert aber ebe, gfrogt hani se immer nonig (ging no chli Schiss vor dr Antwort, wil sis glaubs bis uf eini alli rächt doof finge). Aber ig wett die jo nid nur wäge de Chleider! Sondern halt au us chlini Ungerstützig für mi und für mini TZ, so dass si de nid zu vil muess mache. Eini cha zB wäuz guet organisiere und het oh scho bi vilne Hochzite mitghulfe, die hätti de so "tätschmeischter-artig" ufd Gäscht agsetzt, die anderi isch designmässig mega guet und het mer eh scho abotte mir bi der Papeterie zhälfe. Je nu, mau luege obi se de froge, ob sie wei Brutjungfere si, oder obi nur froge, ob si wei hälfe.
@malinchen: isch jo mega cool, as d Chleider sälber machsch de wirds eh perfekt nach dine und nach ihrne Vorstellige!
FringillaVigo: i würd dini kolleginne uf jedä fall fragä! Es git gloub vil wos doof fingä we sie ines chleid gsteckt wärdä u när eifach söuä zur tischdeko passä... aber das wär ja bi dir nid eso! Und wenn sie so oder so hilf abote hei sie si doch sicher nid mega abgneigt?
@limonkeyme: mir gfallet si au ned sooo ehrlichgseit aber isch gschmacksach gäl ;)
@sue: wäg de brutjungfere: also ich han zerst au dänkt, dass ich das jo fast übernäh müesst, weni wet, dass si (bi mir sinids 3) s'gliche chleid ahänd.. aber han mit minere TZ s'budget agluegt und dänn häd si gseit: hallo sicher ned muesch du öisi chleider zahle! die chönd mir jo würkli au amene andere alass wider alegge & so :) ich het gärn öbis so dunkelpinks :) passend zo mim struss also so stellis mir emel vor ;) han mol 2 Bispil in Ahang do :) ich fänd si churz cooler aber si sind sich alli 3 einig gsi, dass si öbis langs, elegants wänd ;) oder sones schöns Lila wär au schön ;) du meinsch jo scho für d’brutjungfere und ned bluememeitli oder? :) bide bluememeitlis weissi nonig wie mache eifach öbis in wiiss :)
Ah und wäg de kutsche weissi jetzt weli :) wow die isch echt schön gsi! Hetti dänkt, dass die viiil türer isch!! :)
@nisliker: mega härzig die chleidli für d’bluememeitlis jöö :) mir werdet öbe 5 bluememeitlis ha hihi :)
@malinchen: wow du machsch si voll sälber hammer! :) öisi idee wär au gsi, dass d’best man dänn en kravatte i de gliche farb ahettet :) wägem designerjob isch wohl so.. mini cousine häd z’london gstudiert und isch sither nur i de wältgschicht am umejette sit 2 johr läbt si in NY.. i de schwiz häsch glaub scho nedso chance..
@fringillo: ich glaube si hettet mega fröid, wennds si würdsch froge wäge brutjungfere :) do fröit sich doch jedi drübert, wenn si en wichtigi rolle döf übernäh ;)
Auso i wirde de Bridesmaids d Chleider zahle....oder emu e Teil dra je nachdem wie tüür d Chleider werde;O) Git ja ou im Internet nid soooo türi Kleider wome cha bstelle.... laprincipessa, wow es mega schöns chleid...wo hesch das gfunde....?;O)
Kirche
juhuuuu vori het gad mi Verlobt d Kirche Burgdorf chönne reserviere für am 9. August 2014;O);O) de werde mir genau es Jahr nachem Zivile (9.8.2013) kirchlich hürate;O)
ize müessemer nume no usde Locations schlau werde;O)
@malinchen: Han de Papagei gad geschter im McPaperland gseh... U ou so nes flexibels Lineal... U de hani no gad e Boge Papier kouft, zum gugge, wie lang das es geit, mir dr richtige Dicki vom Papier, u dr Grössi.
@Bluememeitli & Bridemaids: Wirds bi üs nit gäh, da weder GG no ig Gottekind hei, kenner chline Verwandte u mir am Obe ohni Kinder fiire, ...
@laprincipessa: Dr Schnitt vom Kleid findi no schön, aber dr Farb so gar nit. Sorry, has eifach nit mit Pink u so
@Sue: Gratuliere!! Mir hei bi üs no dr Zettu deheime, wo de eifach muesch usfülle, dass dBürokratie ou bim Hochzyt nit vergässe geit...
@laprincipessa: Mir gfallt dr Schnitt vom Chleid ou, aber Pink isch leider ou nid so mis... =D Wenn sich alli dini Brutjungferä druf fröiä, ischs ja umso schöner! U jedä Budgetpostä wo entlastet wird ischmä froh drum...
@ Kleider Bridesmaid: Ä Kollegin isch demnächscht Bridesmaid und sie närvt sich äbä mega wöu sie es Chleid het müessä choufä wo ihrä würklech überhoupt nid steit vor Farb und vom Schnitt här, es gseht würklech doof us. D Brut het offäbar sälber gseit, si fändis nid ideal, aber sie welli halt dass sie zur Tischdeko passe. Wenn sies ihrä jetz hätti zahlt, hätti o gseit, me cha ja d Eitelkeit mal fürnä Tag hinde astellä. Aber wemes no sälber mues zahlä verstahni mini Kollegin, wenn sie sich ufregt. Drum bini jetz chli vorsichtig, was dasi minä Frouä wot vorschribä, sie söllä sich ja de a däm Tag ou wohl füehlä und ihrä Spass ha...
@sue: Gratulation zur Chillä! =D gäu isch immer schön wemä öpis cha abhääglä?!
Ig weiss nid, sicher hei si Freud, we si e wichtigi Rolle choi übernäh (Süsch hätte sis emu nid eh scho abotte, odr?) aber bi mir glich nid soo sicher, ob si de oh Freud hei ar Idee, glich agleit zsi wie die andere. Oder was halt oh isch, es si alli soo verschide, as ihne äue nid mau die glich Farb würd stoh (wobi zB dunkelblau steit jo jetzt eigetnlich jedem) Je nu, mau luege. Eigentlich schadets jo nid, eifach mau zfroge und wenn si wei isch guet und wenn nid hani drfür Gäld gspart
Ah, was mir oh no gfallt, wäre mismatched Bridesmaids: ZB SO odr SO aber de muess me glich fasch zäme go ichaufe.
Bluememeitli wärde mir wahrschinlich keini ha. D Ching wo bi üs chäme si alli eher z alt und sisch jetzt nid so, as si üs all zu nöch würde stoh u de fändis eh oh komisch. Eigentlich no schad, fänds zB oh schön, wenn es Ching d Ringe würd übergäh.
@sue: yay, mir hei dr glich Hochzitstag!
@Kirche: Aso mir hei no gar nix becho zum usfülle odr so. Ha eifach aglüte und greserviert. Hätti do no meh müesse abkläre?
Nachtrag: nomau zu de chleider. Ig verstoh emu wenn me sich närvt as me es chleid muess chaufe, wo me nid sälber usgsuecht het. Oh wenn meh einewäg es neus Chleid würd go chaufe für dä alass. Finge eifach me sett entweder Mitspracherächt ha odr nid alles müesse sälber zahle.
@sue: gratulation zo de reservierig vo de chile super hey! :) chleider: bin eifach uf google und han igäh kleid brautjungfern pink ;)
@lula & malinchen: hehe no problem isch gschmacksach gäl ;) ich find ebe de kontrast no schön wiss und das dunkle pink oder ebe lila fändi au schön so öbis (siehe anhang) muess dezue natürli säge, dass das nonig mit mim GG usdiskutiert isch hehe ;) ev. chunt er dänn und seit nei goht gar ned er welli rot oder so :p (ihm gfallt rot mega) aber findet sicher en Kompromiss au es hellers rosa fändi schön eifach öbis i dene Tön ;) oder königsblau wär au en option findi au ganz schön oder türkis hehe bin ned so festgfahre wie ihr gsehnd ;) übrigens würdi gärn türkis standesamtlich hürote :)
ui nei das goht gar ned, dass sich d'bridemaides ned wohlfühlet im chleid unds ned stoht! ich finde si döfets sälber uswähle und ich gib no s'OK dezue aber vertraue eigentli uf de gschmack vo mine mädels ;) eifach alli s gliche fändi voll cool :) findet sich sicher öbis si sind nedso kompliziert und gsehnd alli 3 super us dene stoht eh alles ;)) aber dass d'bridemaides eifach zo de tischdeko sölet passe findi also au rächt krass ://
@fringilla: chasch si jo mol froge oder? und ebe die glich farb und aber anderi schnitte wär jo au voll easy oder? :)
Wäg de Kleider; u wenn Dir de de Brutjunfere eifach säget, ihr fändets schön, wenn si au di glichi Kleiderfarb hei. De chöi si Schnitt u so säuber "bestimme" u glich gits es einheitlechs Biud.
Anmelden
aber ebe, gfrogt hani se immer nonig (ging no chli Schiss vor dr Antwort, wil sis glaubs bis uf eini alli rächt doof finge). Aber ig wett die jo nid nur wäge de Chleider! Sondern halt au us chlini Ungerstützig für mi und für mini TZ, so dass si de nid zu vil muess mache. Eini cha zB wäuz guet organisiere und het oh scho bi vilne Hochzite mitghulfe, die hätti de so "tätschmeischter-artig" ufd Gäscht agsetzt, die anderi isch designmässig mega guet und het mer eh scho abotte mir bi der Papeterie zhälfe. Je nu, mau luege obi se de froge, ob sie wei Brutjungfere si, oder obi nur froge, ob si wei hälfe.
de wirds eh perfekt nach dine und nach ihrne Vorstellige!
U ou so nes flexibels Lineal... 