| Bräute 2014 |
|
|
1 .. 64 .. 125 126 127 128 129 .. 563 .. 997
|
|
|
|
|
|
|
|
|
|
|
04.03.13 12:19
laprincipessa 
|
Re: Bräute 2014
Guete Mändigmorge ihr Liebe! :)
Hehe bin sälte so guet glunt gsi amene Mändig ! :p obwohl do z ZH (bin hüt gschäftlich do) mega Näbel isch und bi öis im Flachland häd d'Sonne herrlich gschine aber eeegaal :p
Danke allne fürs Dume drücke! S’häd sich glohnt! =)
Han es suuuuper Weekend gha und tolli News ! =)) Mir händ scho so fast def. reserviert, Trauig mit Apéro Location und Obig Location :) Gärn brichti öis vo öisem Tüürli womer gmacht händ dur d'Innerschwiz am Samstig :)
Aaalso als 1. sind mir s’Hotel Bellevue am See z‘Sursee go aluege isch es härzigs chlises wienes Schlössli am Sempachersee, d’Ussicht isch ok aber sust nüt Speziells – de Saal häd öis gar ned umghaue..
Witer sindmer is Hotel Sonne z’Eich (au am Sempachersee) – det würdemer gärn öisi Trauig inkl. Apéro mache! =) Bin scho im Internet vo de Bilder her begeisteret gsi! :) si händ öis zwar chli lang loh warte loh aber s’isch würkli direkt am See wunderschön unter emene Chriesibaum (hänke es Foti a) klar det häds nur öbe 50-60 Stüehl und mir werdet öbe 180 bruche oder so ;) aber wartet jetzt mol no uf d’Offerte & dänn chömers gnau aluege wievil das chostet – aber s’isch echt wunderschön! Werdet sicher es Zält miete (so oder so) für Schlächtwätter muesch jo & au wänns voll abebrätscht und mega heiss isch, dänn bruchsch jo au Schatte – daher es Zält, womer uf de Site chan ufmache – hoffe das gseht dänn au schön us? Was meinet ihr? Aber d’Lag isch echt hammer! Und de Apéro wämer dänn au dusse grad am See mache :) rächnet so mit 30.- pro Person – chamer glaub en schöne Apéro mache :) De Saal det wär übrigens au seeehr schön gsi! S’häd Fotis im Internet (wobi glaub niemer i dere Region wet hürote vo öich oder? :p) Jedefalls isches würkli meega schön elegant igrichtet mit so ganz spezielle Lampene goldig (aber ned kitschig!) und schöne brune Stüehl aber mer chönt kei rundi Tische näh sondern sones E würds gäh (sicher au no schön aber für öis wärs z’äng gsi & wänd öis jo gärn verschiebe :) Bin gspannt uf d’Offerte wäge Bestuehlig etc.. do chamer sicher au no chli verhandle wämer mit so vilne Lüt a Apéro chömed – mi GG häd gseit er verhandli dänn do scho – er schafft ebe im Ichauf ;) Und daher häder ebe s’Gfühl er chan do no vil mitem Pris mache – umso besser wänns klappt! Aber glaube ebe die Hochzytslocations risset sich ned um öis allg. isch scho en riise Gäldmacherei..
Witer sindmer is Hotel Vogelsang au in Eich aber ned diräkt am See: churz: super & netti langi Berotig, Kafi isch spendiert worde aber d’Location häd öis ned umghaue und für das isch si eher tüür gsi vo de Menuprise her & so..
S’Ässe sig aber super det aber ebe de Saal häd öis ned umghaue..
Dänn sindmer witer Richtig Luzärn und zwar als ersts is Hotel Montana! =) Mir händ öis soooofort verliebt! S’Montana kennet vilicht einigi vo öich – s’einzige Hotel z’Luzern am Hoger obe wod vo witem gsehsch – s’isch eifach en Traum!!! =) Die Ussicht uf de Pilatus und d’Schwizerbärge sowie de Vierwaldstättersee isch unüberträfflich! =) Und de Saal eifach haaaammer! =) s’häd 2 Möglichkeite – entweder de Art Deco Saal wo au die Traumussicht häd und ganz schöni Süülene oder s’eigentliche Restaurant s‘ Scala das chamer au miete – de isch no viil schöner de Saal! Häd en wunderschöne Holzbode und en mega schöni Palme (ich liebe Palme) :) bruchsch gar nüme so vil Deko i dem hammer Saal!! Also Beidi Sääl sind mega schön müend öis bis Endi Mai entscheide, wele Saal mir wänd - Bi sonere grosse Personalazahl wie bi öis lohnts sich sust ned will s isch en Mindestkonsumation vo 15‘000.- im Scala Restaurant aber mitem Prosecco Empfang uf de Terrasse chömemer bi 90-100 Gäst ebe scho uf de Pris das hämer jo au budgetiert 150.- / Person – si machet wunderschöni Hochzytstortene und mir sind soo super & kompetent berote worde!! Si händ öis no d’Zimmer & d’Suite zeigt! Eifach en Traum!!! Mit Jacuzzi uf de Terrasse & so! =) mir händ öis total verliebt! Und ebe mit 150.- - 170.- / Person chasch es hammer 4-5 Gang Menu ha mit dem Prosecco Empfang uf de Terrasse!! Also öisi Entscheidig isch drum grad scho gfalle! =) ah und d’Stuehlhusse sind inkl.! Do händ anderi Restaurant zwüsche 8.- bis 10.- pro Husse verlangt! Das zahli lieber fürs Ässe oder ebe so en Prosecco Empfang! Gönd sicher gli mol no go ässe, aber händ scho mol vorreserviert – 5. Juli 2014!! =) <3 s’Datum isch super wils genau 3 Mönet nach öisem Wunschtermin vom Standesamt isch! =) und s’einzige Datum isch vo dene wo för öis in Frog cho wär wos au i de Apérolocation gange wär! Hammer dass alles klappt häd au mit de Apérolocation wo mir jetzt hoffet, dasses prislich au ufgoht! :) Bin sooo erliechteret imfall das glaubet ihr mir gar ned!! :) Sither bini irgendwie eifach nur happy happy happy :) Ändli goht mol öbis :) chönd öich gärn sälber en Idruck mache uf www.hotel-montana.ch
Hui häd gar ned alles Platz merki grad 2. Teil folgt grad ;)
|
|
|
|
04.03.13 12:20
laprincipessa
|
Re: Bräute 2014
Witer sindmer no id Seeburg & Hermitage – isch leider scho dunkel gsi womer acho sind daher hämer d’Ussicht gar nüme so chönne gnüsse – beides au schön – Seeburg schöner als Hermitage aber irgendwie häds ebe nedso klick gmacht und d’Berotig isch i de Seeburg halt nur mit Termin möglich das macht natürli scho vil us händ nur rasch d’Sääl chönne aluege – de eint isch de seminarrum gar nüt speziells vil z’modern für mi gschmack & de ander saal wär au mega schön gsi aber halt mit enere weniger schöne ussicht & im Hermitage häd de Typ nur mit mim GG gret mich häder chum agluegt häd mir also gar ned passt :p Mega unsympathisch gsi!!! Und prislich eher türer für weniger – wär zwar direkt am See aber do mir jo scho d’Trauig & Apéro am See händ findi ischs fast besser nacher im Montana d‘Ussicht isch jo herrlich :)
Jo das wärs :) die andere 3 Locations sindmer gar nüme go aluege isch irgendwie nüme nötig gsi :)
@sue: oh nei mega schad wäg de Apéro Location! Hoffe ihr findet gli öbis anders Guets! =) hey und wäg de obiglocation dönt doch super! :) gäl die sind ade MariNatal gsi oder? :) Das Weekend isch bi vilne chli öbis gange he :)
@malinchen: wooow mega schön die Chüssi Schachtle! :) und hey dönt hammer wäg öichere Location – Seerose dönt scho so schön :) Wägem Übernachte: ihr händ sicher öber wo öich dänn nöimets anderst hifahrt chönd jo chli umeluege wos schöni Übernachtigsmöglichkeite häd ;) Ich glaube au s’muess eifach klick mache wämer nöimets isch :)
@novia: dönt hammer die location mit de schöne Parkalag! Und wännd die Spiegelwand chasch abdecke isch doch guet.. also wäg dene 2 Fraue do würdi mi au wehre!! Goht echt gar ned!!! Ich het au so en Kandidatin (d’Frau vom Brüeder vo mim GG – also die zuekünftigi Schwögerin..) aber die chani schlächt ned ilade :p isch halt scho schwirig :( schad wämer sich ned einig isch hoffe ned dasser stritte müend deswäge!!
Personeazahl: Mir werdet am Apéro 170 Erw. ilade, 17 Chind und 12 Chlichind (wievil dänn chömed weissmer halt ned) und am Obig: 80-90 Erw. 10 Chind & 5 Chlichind si :) Übrigens d’Checklistene vo www.wirheiraten.ch
sind no rächt cool! Han die für d’Location brucht für d’Besichtigunge! So hani nüt vergässe z’froge (z.Bsp. wägem Klavier wo mir gärn hettet )
So jetzt wünschi öich en wunderschöne Tag & en guete! :)
|
|
|
|
|
|
|
|
|
|
|
|
|
|
1 .. 64 .. 125 126 127 128 129 .. 563 .. 997
|
Anmelden
I ha äbä ou scho bi Vereinslokal agfragt u müessä feststellä, dass das im Summer gar nid so eifach z becho isch. 
Dir suechet öpis ir Region Burgdorf nimeni a?
Es git so online-Sitä womä spezielli Schriftä cha abeladä für Word. 
mir hei eigetlech id Seerosä uf Fulesee wöuä ga znacht ässä. Aber mi GG het no Turnier gha dr ganz Tag u drum si mir när chli spät dranne gsi u hei gmerkt dases fasch nümme würd längä für det härä, wöu si am sunntig am 9i scho fürabä hei. När si mir spontan id Seerosä am Moossee u es isch dr Hammer gsi! Ds Ässä isch würklech super u priislech völlig im Rahmä. När hei mir spontan gad gfragt wies würd usgseh wägemnä Hochzyt u es würd gad perfekt zu üs passä. Mir chönntä ä Pauschale abmache und sie holä när eifach ds Bestä us üsem Budget usä. Es het dussä es Zält wo mir ganz für üs chöi ha, Stüel, Tische, Musigalag und Klavier isch vorhande, d Mieti choschtet nix! Dr gross fett Minuspunkt wos het: me cha nid det übernachtä u es het o nid gad es Hotel ir nächschtä Umgäbig. 
Mir göh jetz de glich mau no ds vo Rütte Guet am Bielersee ga aluegä, aber i dänkä d Seerosä würd fasch am beschtä zu üs passä.U irgendwo muesmä halt äuä eifach ä Kompromiss igah...
Und d Homepage vom Montana gseht also ou wunderschön us... So cool dass dir so tolli Locations gfundä heit!!!