i bi gad soooooo ufgregt, mues das gad mit öich teilä : Mir hei grad d Seerosä für üses Ässä reserviert! Geschter am Abä hei GG und ig no mau drüber gredt u mir hei gmerkt, das mir beidi so begeisteret si gsi drvo, dass es eigetlech eh scho klar isch, das mir det härä wettä. Drum machts ja gar ke Sinn no witer ga z besichtigä. I ha gad so Fröid u bi mega erliechteret dass das ändlech klärt isch! Jetz chani mi de ad STD-Chartä machä, weni weis wie d Gstaltig in etwa wird usgseh...
U hüt nami wotti no schnäll i Tchibo mi mit Bastumaterial ga ideckä...
hey malinchen Gratuliere das isch doch super??!! so cool de chasch mau e RISE punkt abde lischte hacke...;O)
mir werde i 2 Wuche go de Froschkönig besichtige und momentan simer flissig am baschtle fürd Iladigskarte für ds Brätle nachder Ziviltrouuig....Also d Charte hani scho bstellt und gliferet becho aber mir tüe ja no so chlini schmetterlinge usstanze und is couvert dezue und ize hani gestern no so wiiisses stoffband kouft womer no umds couvert umbinde...
fägt mega so baschte - bini früener nie der typ defür gsi aber ize packts mi gad;O)
Zerst mol danke allne härzlich fürs Duume drücke! S’häd sich jo schinbar glohnt! =) Hmm mini tolli vorfröid isch Hüt morge chli trüebt worde wo mir de Gschäftsführer vom Hotel Sonne aglütet häd! Sowas vo unfröndlich imfall! Ebe obi mir bewusst sigi was do für Chöste uf öis zuechömed mit Zält etc..! Sones Zält (mir brüchtet schins eis vo 15 m x 15 m) chosti mind. 10‘000.- mit Bestuehlig und dassmer jo dänn no es zwöits müesstet miete für de Apéro bi schlächtem Wätter, do si i ihrem Saal ned Platz hettet für so vil Lüt! Also 20‘000.- nur für Zält und Bestuehlig ohni au nur es Häppli gässe z’ha! De isch doch ned ganz 100 hey ächt hang meint ich spinne!!! Jensits vo guet und bös echt – han natürli grad abgseit! De häd mi so gnärvt häd mit mir gret als wäri es dumms Beeri!! Naja.. Aber zum Glück hämer no en Alternative womer eigentli au am Samstig händ welle go aluge, aber wils zitlich nüme glanget häd & scho lang dunkel gsi isch & mir jo überzügt vo de Sonne gsi sind hämers loh si und zwar wärs Hotel Floralpina in Vitznau – kennet ihr das? :) Det chamer au en Trauig dusse am See mache – S’stuehle isch zwar no happig mit 14.- pro Person aber si düend au Sonneschirme stelle sprich bruchsch keis Zält wo Schatte spändet (& gseht au schöner us findi!) und bi schlächtem Wätter hani agfrogt ob mer das i dem schöne Panoramazält (siehe Foto) chönt d’Trauig mache und das wär möglich! =) Und sust sicher de Apéro dänn det finde das wunderschön ! =) Allerdings isch en Stross dezwüsche do häder öis ehrlicherwis vorgwarnt und gseit, dasses chönt Autos ha wo Lärm machet was jo bi de Trauig ned sooo schön wär. Aaaber mir rächnet jo mit schönem Wätter ned wohr ;) und glaub es schöners Zält bechunsch ned wo jo dänn eigentli nüt würd choste wänn ned gstuehlt muess wärde und sust wärs ebe die 14.- x ca. 170 do wäremer bi 2‘380.- scho mega tüür aber es Zält chostet vil meh! Und er häd gseit dassmer öbis mitem Pris chönt mache, wämer paar Lüt würd stelle wo chömed cho hälfe ufstelle & wider abrume do würdi sicher paar Lüt finde.. Hoffe sehr, dasses das isch! Was meinet ihr so dezue?? Will glaube sooo vil Möglichkeite hämer ned mit öisem Wunsch vonere Trauig dusse bi so vil Lüt! Und ah öises Datum 05.07.2014 wär no z’ha! ;) Am Sonntig gömers go aluege!
Und dassmer s’Montana gfunde händ isch echt de hammer das isch fix do wird nüt meh gänderet ;)
@sue: hmm jo verstohni dassd do chli zögerisch will si sozäge no kei abschlüssendi erfahrige händ ABER defür müend si sich doch umso meh is zügs legge will si no gar kei guete ruef händ und sich zerst bewähre müend chaschs au so aluege oder? :) & cool wäge de iladig! :) für so öbis tolls z’bastle macht doch eh mega spass! =)
@novia: jo ich dänke au dass s’ässe & de service im montana top sind! Han no nie öbis schlächts ghört! :) verstoh di isch echt en blödi situation – hoffe fest, dass alles guet chunt & s en gueti lösig git für beidi! Und notfalls platziersch die beide eifach gaaaanz wiit weg vo öich! Oder nur apéro isch es thema? Wär doch en kompromiss?
@malinchen: wooow hey so geil grauliere härzlich! =) scho es mega geils gfühl, wämer ändli öbis def. häd gäl? :) also mir gohts au super sither! =) bin grad rasch uf d’homepage gseht echt mega schön us! =))
laprincipessa wow das isch ja MEGA tüür....?? ha aber ebe ou scho festgstellt dass je nachdem Zelt u mega tüür chunnt...ussert me cha nöime eis miete wo scho dete steit oder vorhande isch....aber wenn er dezue no unfründlich gsi isch hätti ou gad definitiv abgseit;O) das Panoramazelt gfalltmer mega!!! isch das de scho dete vor Ort?
wüsset dir scho wasder am zivile fürnes Kleid alegget?
@sue: nei aber 10 mill das isch jeeensists das wär niiiemols für öis in frog cho! :p drum luegemer witer und hoffet dasses in vitznau klappet.. det zahlemer ebe die 14.- pro person fürs stuehle & d schirme aber wämer lüt würd stelle wo hälfet was jo möglich si söt, dänn chönter no abe mitem pris UND falls s'wätter schlächt wär stoht das schöne panoramazält ebe scho det und chostet ned extra ghört jo zum hotel det chamer au ässe am obig sicher au ganz schön :) also hettemer en alternative ;)
wäg de zivilhochzyt: ich han mir scho paar gedanke gmacht wilmer jo im april wänd standesamtlich hürote ischs wahrschindli nonig so warm daher weissi ned rächt ob echt es langs chleid aber churz fändi scho vil schöner ;) und farblich hani türkis im aug :) würd mir mega gfalle türkis mit de blonde hoor :) oder es. schöns blau oder so :)
principessa: WAS 10'000.-?! das isch ja voll übertribe!! da hetti au abgsäit... vorallem wenn er no so unfründlich gsi isch! isch mega schad, es hed euch det ja gfalle... aber zum glück hender no ziit zum öpis anders sueche. s floralpina känni leider ned, aber uf de föteli gsehts super us. wär sicher en schöni alternative zu de sonne. hmm isch ebe chli schwirig die nur an apero ilade. will d partner vo dene sind zwei vo de beschte kollege vo mim GG und die wott er natürlich am abig ilade. und mer chan ja ned guet d fründinne nachem apero hei schicke?! oder?
gäl abaratig?!?! jo echt schad wär traumhaft schön gsi det unterem chriesibaum jänu :( aber zo dem pris wärs au ned in frog cho wänner fröndlich gsi wär aber de isch echt ganz schreg druffe gsi.... und si händ öis jo au bi de besichtigung öber en halbstund loh warte isch scho det vom buchgfühl ned das gsi.. jetzt hoffi z'vitznau isches bessr! jetzt wäri au nomol bim thema fahrt nach de trauig zode obiglocation: vo vitznau her nach luzärn hädmer öbe 35-45 minute je nach verchehr! meinet ihr das ligt dinne oder isch das z'lang? ich finds nedso schlimm aber han grad mit de kollegin drübert gschrebe und si seit so dass sis scho no lang findet jetzt bini grad wider verunsicheret :( aber ebe vil alternative hämer jo sowiso ned!! :/
blödi frog aber was isch wännd direkt mit de kollege oder sogar mit dene 2 fraue s'gspröch suechsch? ev. chan sich jo au öbis kläre seisch wieso du die und die bedänke heigsch und so??
ja vom pris her isch es sowiso übertribe. würd mich wunder neh öb er da bi allne de glich priis macht und öbs lüüt gitt wo bereit sind das z zahle??! aso ich find de wäg ned z lang zum fahre. ich dänke meh als 35 min. hed mer ned uf luzern! das isch ja würkli ned vill und d lüüt wüsseds ja vorher und chönd sich druf istelle. evt. chönnted er ja au mitem schiff vo vitznau uf luzern?
d idee wär scho ned schlächt aber ich weiss ned öb das öpis würd bringe. mit de einte han ich au scho gredt aber die isch eifach wie sie isch und wird sich nie ändere. die ander känn ich gar ned, ich weiss aso ned würkli wie sie isch ich ha sie erscht einisch gseh... ich han geschter no mit mim GG gredt und er hed denn gsäit ich sölls entscheide er wott ned das ichs denn ned chan gnüsse, aber ich müessi denn dene zwei kollege säge das sie ohni fründin müend cho. aber irgendwie isch das au ned d lösig find ich, er säit mier ja au ned wer ich vo mine kollege und family söll ilade und wer ned... janu ich due nochli abwarte und frag denn no mis mami, die hed immer gueti ratschläg bi so sache :)
jo schinbar scho! er häd gseit er heigi en gsellschaft de sommer wo für 80 lüt ebe das zält do mit bestuehlig und wisse stuehlhusse und so gspäss nähmet für 10'000.- ! voooll übertribe echt!
jo ebe gäl ich finds au ned z'wiit ;) jo das mitem schiff wär hammer gsi aber 1. hämer echt kei budget meh für so sache & 2. was isch mit de autos wo dänn in vitznau stöhnd wämer mitem schiff witer gönd? ;)
ah ok aber demfall wär die au ned soo s problem die wod chum kennsch oder scho? meh die ander? scho eis problem weniger oder? ;) jöö jo frog doch mol no s'mami chunt sicher guet ;) aber emel schön dass dich din GG ernst nimmt das isch doch au scho vil ;)
Anmelden
: Mir hei grad d Seerosä für üses Ässä reserviert! Geschter am Abä hei GG und ig no mau drüber gredt u mir hei gmerkt, das mir beidi so begeisteret si gsi drvo, dass es eigetlech eh scho klar isch, das mir det härä wettä. Drum machts ja gar ke Sinn no witer ga z besichtigä. 
I ha gad so Fröid u bi mega erliechteret dass das ändlech klärt isch! Jetz chani mi de ad STD-Chartä machä, weni weis wie d Gstaltig in etwa wird usgseh... 