| Bräute 2014 |
|
|
1 .. 65 .. 128 129 130 131 132 .. 565 .. 997
|
|
|
|
|
|
|
|
|
06.03.13 11:22
FringillaVigo 
|
Re: Bräute 2014
Merci füre Link. Ig bi aber chli blöd gsi, ha jo dr Mai scho usgfüllt gha 
Woah, das Schwarzi-Spitze Chleid isch super! Hoffentlich hesch Zit zums mache, wär jo mega.
Merys
Ig weiss nid, die simer eifach nid sympathisch. Hie im Forum hets zwar paari wo mega zfride gsi si, aber halt oh viel wo sich "überschnurret" gfüehlt hei oder wo so halb erpresst worde si, à la "jä, wenns Chleid nid jetzt sofort nimmsch, heimers de vilich nüm" Und das chani de gar nid ha! Wobi stimme duets ebe scho: Em Kolleg sini Verlobti het letschti grad es Chleid kauft, wo e anderi sich no am überlege isch gsi. Jetzt isches halt wäg, wil sis nid für eim düe reserviere. Usserdäm hani sälber e Kollegin wo im Merys isch gsi und die het verzellt, as si extra e Termin gmacht het und när isch no e anderi Frau ohni Termin dert gsi und die isch de zersch bedient worde. Mini Kollegin het ewigs müesse warte, bis öper für si Zit gha het. Das isch doch oh dernäbe, wenn me extra e Termin abmacht. Was ig oh nid so sympathisch finge, isch as si d Zetteli mit dr Marke useschniede und eim nid mau säge, was me für nes Chleid het Si hei sicher schöni Chleider und au Beraterinne, wos guet mache, aber glich, ig go dert glaub gar nid erscht häre.
@Sue: Kei Ahnig, was das choschtet, würd mau im Gschäft froge, ob sis mieche und was es würd choschte. Oder kennsch öper wo Schniedere isch oder so?
Ig bi grad uf dr Suechi nach däm Netz Stoff, wo Birdcage Veils drus gmacht si. Kei Ahnig wienr uf dütsch heisst, aber uf änglische Site chunnt ging sowas wie "Russian Netting" oder so vor. Het vilich öper e ahnig, woni das finge? Vilich zum Bstelle im Internet? I de Stoffläde ir Umgäbi bini scho gsi, die hei nur Tüll gha. Isch zwar nid fürs Hochzit, aber me weiss jo nie, obs hie nid öper het, wo sowas weiss.
Zuletzt bearbeitet am 06.03.13 11:25
|
|
|
|
06.03.13 11:26
Lula
|
Re: Bräute 2014
Hoi zämä
@malinchen: Di Tischkärtlichüssi si aso sehr härzig...
Fröit mi sehr für Di, dass dr öichi Troumlocation heit gfunde! Gar nit dgwüsst, dass dSeerose zMössu so Agebot het...
Cool, Du u GG hei di erschti gmeinsami Wohnig zJegi gha.. Mir ou
Und hesch im Tchibo Erfolg gha?
@Sue: Tuet mir leid, wäge dr Aperolocation. Heit dr scho ne Alternative?
U ds Kleid, chasch ämu fürs Zivile ganz guet alegge !
@novia_mayo : U wenn de bi denne Froue wo de nit wetisch drbi eifach mau mit de Manne redisch? Viellech ischs ne ja glich, ohni zcho. Ha ou e Kollegin wo aube älleini i Usgang geit, u eismau isch si afe ou ällei anes Hochzyt.
@laprincipessa: Tönt super öiches Tüürli, u schön isch es so erfolgriich gsi. Aber verhandle isch schwierig bi so Hochzytslocation, has bi üsere ou versuecht, aber het nüt bracht. Immerhin hei mi bir Aperolocation chönne e Deal mit „Wir“ ushandle, de wärde mir ou die mau los.
Dä hets doch, aso dr Typ vor Sonne!! Aber das Panoramazelt isch aso dr Wahnsinn!!
Bi üs müesse Gäscht ou ca 30 Minute fahre, blibt ne eifach nüt anders übrig, aber wüsse tüe sis no nit...
@Fringilla_Vigo: Bi bau froh, bini nit di einzigi wo nit nache chunnt mit am läse, has jtzt eifach mau überfloge. 
@igladene Gäscht: Mir si am Obe ca 28-33 Gäst si, hei ebe no einigi unsicheri... U am Apero ca 120
@Zivilkleid: Da mir nach am zivile no wei ga schiesse, gits äuä de e schöne Azug, anstelle vom ne Kleid, wetti nit im ne Kleid schiesse. Muess aber de mau no mit GG gugge.
Wie machet ihr das eigentli, mir hürote ja im März, u de im WInter ga Früehligsschueh u Kleider koufe, isch äuä nit so gäbig, aber de scho jtzt ga gugge?!
@Bruttreff: Da i aube ersch ume 20. ume dr Dienstplan ha, u somit ersch denn weiss, wie ni schaffe, guggeni de spontan ob i cha cho. Zumau mir a de Samschtige süsch gäng no viu los hei.
@Flittis: Da si mir auerdings no gar nüt am gugge. Optione si Schottland, Nord- oder Ostsee, Österreich...
@me: Bi üs louft gad nit so viu, grrr.... Mir göh hüet no rasch bi de Kirche verantwortleche vrbi, aber ebe, DJ fäuht gäng no, Floristin wetti fixe, Organistin fäuht komplett no, u mit de Kärtli setti ou afa, di müesse so i 3-4 Mönet use, u säuber bastle brucht ja Zyt. Wenn verschicket ihr dAperoiladige? Wüu dObegäscht müesse mir so früech verschicke, wüu mirs am Hotel müesse chönne säge, wäg de Zimmer. Abr isch es de nit ou blöd, dAperogäscht ersch viu später izlade??
|
|
|
|
|
|
|
|
06.03.13 12:07
malinchen
|
Re: Bräute 2014
@FringillaVigo: het mi gad sälber wunder gnoh wo mes chönnt bstellä  : http://www.etsy.com/shop/squirlgirl?page=4
@Lula: Merci! Dir heit ou z Jegi gwohnt?! Mängisch isch d Wält scho chlii, hihi!!! =) Ja, i hätt gad chönnä dr halb Ladä läär choufä. Aber ha mi när chli zrug ghaltä, ds budget lahts gad nid so zue...  Aber ha mir ä Kreisschnider, ä Heissliimpistole und ds Schäräsett kouft. So Sachä chani ja immer wieder bruchä, ou für d Schuel oder so...
@Iladige verschickä: I gloubä mir verschickä ändi Mai d STD. Det schribä mir när druf, das mir im Juni zivil hürate und de imnä Jahr ds Fescht isch. De wüssä gad aui das mir offiziell scho verhüratet si... Ha mir nämlech no rächt lang überleit wie mir das wöi kommunizierä...  Die definitivä Iladigä verschickä mir när äuä ca. im Februar, und de gad a alli. I würds gloub ou scho gad ad Apérogescht schickä, o wes bi denä eigetlech nid sonä rollä spielt wägem Übernachtä...
@Chleider choufä: I ha mir fang scho Schueh bstellt...  Aber die hei mi eifach gad agumpet, i ha nid gezielt drnah gsuecht. Si aber ou nid HZ-Schueh im eigetlechä sinn.  U äbä, fürds Zivilä hani no ke ahnig, wes mir nid längt säuber öpis z machä, gani äuä de eifach chli ga luegä obi öpis fingä. U süsch legi de eis a woni letscht jahr ads HZ vo mim Chef ha agleit. Das het vodä Gäscht am Zivilä no niemer a mir gseh u GG ou numä wonis aprobiert ha. Drum hanis aus "Notlösig" im Hingerchopf. I dänkä so Chleider / Azüg fingt me ou im Winter, z.B. bi Feldpausch hei sie doch ds ganze Jahr dürä Cocktailchleider...?
|
|
|
|
06.03.13 12:34
FringillaVigo
|
Re: Bräute 2014
Schueh:
Aso, ig würd scho jetzt de mau oder emu im Summer go luege, wil du hesch rächt: Im Winter wirds schwierig zum Früehligsschueh finge. Wobi zB uf d HP vom Brutschuelade z Bärn hei si emu jetzt oh dr ganz Winter über Früehligs und Summer Schueh gha, die si vilich nid so sehr ad Saison bunge, wie wenn über Zalando oder so wettsch Schueh chaufe. Oh z überlege isch natürlich, ob se bim Chleder-Chauf scho wottsch ha, oder nid. Weisch wäge dr Absatzhöchi, aber de passt vilich d Farb nid... Ig ha letschti oh bi Zalando Schueh gseh, woni sofort fürs Hochzig hätt gno, si oh uh bequem gsi, aber hätt glich es halbs nummero chliner möge verlide. Schade, hoffe ig finge de nomau serig.
Was dir göit go schiesse? Mit de TZ ufe Schiessstang? Isch de witzig!
Iladige:
Ig würd alli mitnang useloh, wil süsch erfahrt vilich öper vomne gladne Gascht as dIladige dusse si und het keini becho. Wed se zäme uselohsch, hesch emu de keine Froge, ob dr de kes Apero machet etc.
Tchibo:
Ah, jo muess oh grad no go luege. dr Kreisschnider und d Schnidungerlag würd mi no gluschte.
@nisliker: Fingi aso eifach oh nid grad Chundefründlich, wenn me ne quasi droht, as si ihri chance verpasse. Wil ig wett emu de oh no ne Nacht chönne drüber schlofe. Bi eh dr Typ, wo sich alles eeeewigs muess überlege.
@malinchen: Merci vil mau! A Etsy hätti jetzt nid mau dänkt! Mau luege, wie lang die d Liferfrischt hei, bruche dr Stoff drum scho gli.
Zuletzt bearbeitet am 06.03.13 12:38
|
|
|
|
06.03.13 12:40
monimoni82nicht registriert
|
Re: Bräute 2014
Hallo Mädels,
wow! Nach meinen Skiferien habe ich fast alle 30 neuen Seiten durch! Da geht ja die Post ab. Bei uns übrigens auch.
In den Skiferien haben mein Zukünftiger und ich festgestellt, dass wir früher als geplant Eltern werden. Das bringt natürlich unsere Planung komplett durcheinander.
Zusammen haben wir die vielen interessanten Inputs gelesen und in der letzten Woche haben wir dann zu Gunsten unseres Nachwuchs entschieden, dass wir kein rauschendes Fest mehr im 2014 planen werden sondern dieses Jahr vor der Geburt eine Ziviltrauung im engsten Familien und Freundeskreis haben werden. Die Einladungen haben wir ja noch nicht verschickt und es wissen auch nur ein paar wenige von unserem Glück bzw. dass wir im 2014 im September geheiratet hätten. Natürlich waren das Restaurant und der DJ schon gebucht, aber die haben sich natürlich extrem für uns gefreut. Der DJ war übrigens super freundlich. Er hat uns eingeladen doch mal in einem seiner Auftrittsorte vorbeizuschauen und dann wird er gerne für uns unsere Lieblingsmusik auflegen, sollte das irgendwie dann zum abend passen.
Also Mädels, ihr werdet von mir hier nicht mehr viel hören, ich lese einfach noch etwas, gebe vielleicht noch meinen Senf dazu, aber im Moment ist das eigentlich hier überflüssig!
Ich wünsche euch viel Glück und hoffe ihr versteht unseren Entscheid.
Grüsseli
monimoni82
|
|
|
|
|
|
1 .. 65 .. 128 129 130 131 132 .. 565 .. 997
|
Anmelden
mir werde eifach de Flug de bueche und ner selber d Bungalows reserviere...
Eventuell hättä sie im Apropos z Züri öpis? Die hei eigetlech fasch alles...