@malinchen: Mir si hüet gad zBern gsi, u i ha mir rasch überleit inne zgah, aber mir hei üs entschide, dass mir zersch ir Papeterie göh ga frage, ob mir äch öbi dörfe uslehne, kenne dBsitzere.

@FringillaVigo: Ja mit TZ u de Eltere (u ggf no sire Schwoscht). Es wüsse aber erscht afe mi Vater u si TZ. Git öbe de no chli durchmischti Reaktione. Müesse aber de ou no gugge, dass dr Stand offe isch.

@monimoni: Wow, das si doch mau wunderschöni News!! Würd mi fröie glich mau no vi Dir zläse, aber öiche Entscheid verstahni. Wünsche Dir e wunderschöni SS u gniess dZyt!

@malinchen: Danke fürs dume drücke! :) werde dänn wider brichte nachem weekend ;) wahrschindli gömer jetzt au no 2-3 anderi alternative go aluege, damit mir würkli chli uswahl händ!

Haha so cool din traum ;))) mer muess ebe scho a meeega vil dänke! ;)) wenn isch dänn de termin fürs standesamt? :)

Brutträff: Ah das wäge de mai termine hani gar nonig gseh gha! Das isch sicher besser wils weniger churzfristig isch, duemi grad no iträge für desi termine ;) ev. wär d’option „wenn’s sein muss“ han de 4. Mai mol itreit isch aber nonig 100% sicher, dasses goh würd.. wär cool s’würdet sich no alli iträge im doodle und d’mai termine aktualisiere! :)

@sue: jo gäl das macht ebe scho meeega vil us, wie öber so druffe isch!! S’buchgfühl spilt glaub au en groooossi rolle debi! Bi öis häds im montana eifach grad klick gmacht! =) und im hotel sonne sindmer eigentli vo afang a nedso ganz warm worde. Woow sue das chleid isch jo mega schön!! Ich würds alegge fürs standesamt! Ich meine isch jo au es hochzyt und du chasches dänn jo no toppe imene johr bim chirchliche ;) finds echt ganz schön und speziell und vorallem: wenn leisches sust a wänn ned dänn?! :) und chasches jo nachdemds 1x agha häsch immerno uf ricardo due! ;)

@cristina: das isch bi öis no sooo wit weg kei ahnig mauritius oder maledive wär glaub no rächt schön :)

Öö malinchen gseht cool us! Wow krass dass du so sache sälber mache chasch! =) hammer! :) aber brucht halt scho zyt isch klar…

@fringilla: oh würkli isch das so bi mery’s? will ich han soo schöni chleider gseh im aktuelle katalog, dassi unbedingt det han welle go luege aber dönt scho alles nedso prickelnd.. mal schauen.. ich go sicher no is dütsche go luege zerst wägem chleid isch sicher um einiges günstiger! Oder grad uf italie…

@lula: ebe das gfühl hani au dassmer ned gross verhandle chan – si händs halt wie ned nötig :/ aber gäl das panoramazält isch de hammer? =) hoffe sehr s’haut öis um und dassmer no öbis mitem pris wägem stuehle mache chan wämer ebe lüt stellet… will sust wär 14.- / person nur fürs stuehle / sonneschirme scho sehr vil.. plus dänn de apéro und so… also ich findes au nedso schlimm wägem wäg.. min schatz störts chli aber wämer am sonntig det sind unds hammer findet dänn isches ihm au egal kenne ne doch ;) wäg de iladige: mir werdet alli glichzitig verschicke! So isch au alles klar und gits kei gstörm will gwössni dänn meine würdet, dass si gar ned iglade sind etc.! chasch die jo gilch au scho ilade oder?

@nisliker: vom chez janine hani jetzt au scho öfters ghört wie geil das sig – aber au eher tüür oder?

Zivils chleid: ich dänke au dassmer das im winter au findet! Und sust gits gnueg so asiatischi oder türkischi läde mit teilwis ganz günstige schöne chleider so als chline tipp! ;)

@monimoni: oh das sind aber schöni news: gratuliere vo härze! =)) alles liebi & gueti wünschi dir / öich! =)

Schöns öbeli öich allne! :)

@monimoni: wow, gratulierä!!! Isch ja mega cool... wünschä dir alles guetä fürd Schwangerschaft!

@lula: ja stimmt! Schiessä imnä Chleid geit äuä nid so guet... hihi! Aber isch ou mau es alternativs Programm nachemnä Zivile.

@principessa: mir hei am 21.6. ds Zivile... Geit äbä würklech scho nümme so lang. I 2 wuchä chöi mir scho d Formular fürd Ehevorbereitg ireichä.

@chleid: i ha mi no gar nid informiert wo dasi chönnt ga luegä. I weis ou überhoupt nid, wie viu dasi für das wot usgäh. Mängisch dänki, i möcht mir würklech es richtigs hammer chleid leischtä. När dänki wieder, x-tusig Franke usgäh für nes chleid woni när numä einisch trägä bringts ou nid. Wie viel heit dir da budgetiert?

I dänkä, wenns umnes HZ geit versuechä alli Dienstleister so viu Kohle wie müglech ds machä... und die wo würklech beliebt si, chöi sich halt leischtä so viel z verlangä und uf alles ufä no unfründlech ds sy.

@morelia: ja gäu, mängisch het mä so viu angers umd ohrä... Verstah di guet! Dir weit nöimä Bouä gäu? Isch äuä würklech no schwirig erschwinglechs Land z fingä arä guetä Lag...

Flitterwochen
auso wasi dir für im Januar EXTREM würdi empfehle isch zersch mal wender weit paar Täg Bangkok und ner witer mitem Bus uf Koh Chang. Isch e mega schöni Insle und het uuuuu schöni Bungalow-alage woni dir ou chönti empfehle....wend interesse hesch chani dir süsch de ou mal paar föteli schicke
ds Kleid isch Grössi 10 auso öppe 38/40...

Malinchen, zeigsch üs dini Schueh????

monimoni
oh schön i Gratuliere vo Herze!!

Merys
hmmm auso ig has mega guet gfund eim Merys ds Bern....d Verkäuferin isch u sympathisch gsi und ha u viel chönne aprobiere aber wies megem reserviere isch weisi nid wüll mis eh im Usverkouf isch gsi und de chame eh nid reserviere aber defür hei si zum Teil würkli sehr gueti Prise dünkts mi...I wirde äuä in Dütschland so ines grosses Gschäft gah oder is Chez Janine aber ou im Merys go luege;O)

Hochzeitskleid
auso ig ha 2000.- fürs Kleid budgetiert und 500.- für Accesoires (Schleier, Kröndli, Clutch....)
eigentlich wetti ebe scho ines Gschäft aber uf "light in the box" hets uuu schöni Kleider und uuuu günschtig weiss nid ob das es mega Risiko isch so eis übers Internet z bstelle???

Lula, machet dir Ameldefrischt fürs Apero??

Ahang vergässä...

Datei-Anhänge

Schuhe.jpg (20x) Mime-Type: image/jpeg, 13 kB

@morelia: so cool wägem tanzkurs:) sinder aber au no früeh dra oder? ich glaube mir mached das erst öbe es halbs johr vorher... wahrschindli düendmer bachata tanze :) wil ich han lang salsa tanzt und mi GG häd mir zlieb au mol es halbs johr es kürsli gmacht und dänn aber wider ufghört wils weniger sis ding isch aber fänds seeehr cool salsa z'tanze und das isch au uh eifach zum lere werdes ihm chli bibringe und dänn ev. no en monet en kurs oder so ;)

@lula: was meinsch guet für si schlächt für öis? chume grad ned drus sorry :p hmm nei wieso - bekannti vo öis händ wo si ghürote händ sogar d'lüt gfrogt zum zält ufstelle und s'häd mega gschiffet und so am vortag bim ufstelle :p do isch das doch nedso schwirig es paar stüehl ufzstelle dänki ;) händ aber ide seeburg glich no agfrogt det würd s'stuehle nüt extra choste!! krass die unterschide ned? und en schlächtwätterruum gäbts au! aaaber si wänd det dene wo d'hochzyt also s'fest am obig au det machet de vorrang gäh vowäge apéro und so sprich chömemer ev. en absag über wilmer jo am obig ned det fiiret hmm... drücket mir glich de dume! :p wägem gschäft: müend die unbedingt debi si? also ich schaffe sit 5 johr i de gliche firma und usser min chef und die eint arbeitskollegin wo inzwüsche au privat en gueti kollegin worde isch lad ich niemer i - sprengt eifach de rahme...

@malinchen: merci für dini tipps betreffend chleid bstelle! und ooh die flip flops sind jo de hammer meega edel ! =) und im sommer doch genau s'richtige do häsch bestimmt kei schmerze ;)

schueh: ich han mini traumschueh mol imene heftli gseh ligt dihäi :) aber ebe ich dänke ich sueche zerst s'chleid us und dänn d'schueh.. um aber s'chleid chönne go aluege weti zerst öbe 5 kg abnhä bis im sommer :p gester hani grad spontan paar täg ibiza buecht mit de kollegin - en witere grund zum abnäh hehe :p jedefalls hoffi, dass wennis schaffe mitem abnäh das au es johr lang chan hebe! :p