Deko Ja, die zwöi Bilder gfallä mir ou mega guet... I möcht äbä de ou unbedingt die Gleser zum Ufhänkä machä und z.B. am Wäg entlag es paari Ufstellä.
@sue: Ja, die Phase hani ou gha bevor mir üsi Abälocation hei gfungä... I ha irgendwie gar ke Bock meh gha no meh Restis ga azluegä. I ha z Gfüel gha i chönn jetz de gli kei Kaffi meh trinkä und mögi keni Menucharte meh studierä... Was fürnä Location suechet de dir nöimä?
@me: Dr Pfarrer wird bi üs äuä ou nid ganz eifach. I chumä eh nid drus bi mim GG, i ha vo Afang a gseit dass für mi ä freii Trouig ok wär, aber ig bi no bir Chillä drbi und bi ou religiös ufgwachsä. Jetzä bini aber nümme würklech aktiv irä Gmeind. När het er aber gseit (wo chuum ischer konfirmiert gsi usträtä isch), er möchti inä Chillä. Ha mi natürlech scho chli gwunderet, aber ha när gfundä dass das für mi ja um so besser isch... Aber jetz macht er die ganz zyt doofi Sprüch vo wägä: "dä Pfarrer söu de ja nid so konservativs züg uselah..." "i mah de keni Chiuchelieder singä" etc. I ha z Gfüeu we mir es Gspräch mitem Pfarrer hei wirds unfä Grundsatzdiskussion useloufä und irä Katastrophä ändä... Aber ja, jetz hei mir d Chillä ja scho reserviert und alles. Ke Ahnig was das söu - u de heissts immer mir Frouä sigä kompliziert???
@malinchen: Ohje, was isch de mit Dim GG los? U wenn de Du mau mit ihm redisch, bevor er mit am Pfarrer zämä trifft? Oder isch er gad nit so gsprächig?
@me: Juhui, i ha mi Verlobigsring brcho, u 13 (!!!) roti Rosene!! Absolut unromantisch aber drfür 100% ächt u mir zwöi...
@malinchen: duet mr leid di situation mitem pfarrer. findä leider gad ke passändä rat zu so später stund, villech de morn.
@deko: mega schöni ideeä heiter da.
mit viuuuuu vrspätig presentierä ig öich iz o mi vrlobigsring woni scho sider am dezämber darf am finger tragä bi immer no hin und wäg vo ihm, u natürlech o vo mim gg
@Lula: WOW, so schön!!! Isch ja mega härzig di GG! U dr Ring gfallt mir mega guet...
@Morelia: Di Verlobigsring isch ou gar nid z verachtä... hennä schön!
@Pfarrer: Hmm, i mueses de sicher no mau asprächä. Dä Pfarrer wo mir wettä het äbä ersch afang April wieder ä Predigt, de göh mir de afang mau inä normale Gottesdienst ga luegä wie er so isch. Hüt abä hei mir mau wieder ä zwöisamkeits-Abä, de chanis de no mau ufä Tisch bringä... Mir hei äbä im Moment chli doofi Trainingszytä u gseh üs unger dr Wuchä nid so viu am Abä, resp. haut eifach ersch ziemlech spät, u de verzeuä mir enang afä dr ganz Tag etc. Drum hei mir ir letschti nümme so viu HZ-technischs besprochä... I hefürchtä eifach chli, dass er sich fautschi Vorstelligä macht, u möcht natürlech nid, dass er de när enttüscht isch wener merkt, dases nid so geit wie er möcht. Isch sicher nid schlächt we mir fang mau i die Predigt göh afang April...
Location Mir sueche öpis so Ruum Burgdorf/Bern innerhalb öppe 30km.... Am liebschte e Location wome cha dinne wie ou no chli dusse si und wome cha Musik mache bis nach Mitternacht und wo externes Catering möglich isch.... Wenn öper no e Tipp het - bitte melden...;O) mir hei e rise lischte vo sache aber ds einzige wo bis ize würkli überzügt het isch ebe de Froschkönig und de gömer am SO ire Wuche mal go aluege....wäri eifach sehr überem Budget...;O)
News Mir hei Gestern gad ds Catering fürs Apero chönne bueche;O);O) e Fründin vo mire Muetter isch Bäuerin und Emmentaler Störenküche isch sones Catering vo Burefroue im Emmental wo ner aues mache...isch vom Pris her super und me cha alli extrawünsch abringe und isch ou uuuuuuuuuuuuuuuuu fein - ha gad fröid;O)
malinchen, ja bi üs wirds ou schwirig mitemne Pfarrer...debi het ou mi Fründ ir Kirche wöue!! göhter de bi verschidene mau go inelose oder wie macheters??jööh das Blüemli isch härzig;O)
lula das isch de cool - wie heters gnau gmacht??? eifach Rose und Ring heibracht oder nöime häregleit??;O)schöne ring!!
morelia wow di Ring gfalltmer mega....!!
im Ahang no es Föteli vo mim Verlobigsring...hani no gar nie postet...;O)
Hmm, mir hei äbä immer nach Resti. gsuecht... Drum hani da jetz ou gad nüt uf Lager. Mi Schwager in spe het letscht Dezember ds Oberburg im Schuelhuus es Geburifescht gmacht, das het det ä mega schönä altä Chäller unge innä, so mit Gwölb und Steibodä und e Chuchi isch ou grad drbi womä sälber cha chochä oder äbä dr Caterer chönnt nutzä. De chönntet dir sicher ou dussä ufem Schuelplatz öpis machä, isch haut när nid sones schöns Ambiente wie bim Froschkönig, aber Platz hättet dir sicher viu... Das isch gad ds Einzige wo mir i Sinn chunnt...
Wow, dä Partyservice tönt ja mega cool... So Sachä fingi immer super, de chamä no gad es paar Lüt unterstützä wo öpis mit Fröid und Härzbluet machä.
Dä Pfarrer wo mir wettä ga losä kennt mi GG scho. Er het ou ds HZ vo sirä Schwo gmacht und gloub ou d Konf. Er sig scho eher locker, aber i meinä - er isch Pfarrer und es isch ä Chillä. Aber ja, mir göh mal ga luegä und wener mir de total unsympatisch wär, würdä mir no anderi ga luegä... Mir ischs schono wichtig, dass d Chemie stimmt. Und wes de mi GG a derä Predigt nid ushaltet müessä mir no mau überd Büecher ob mir würklech id Chillä wöi.
@me: I ha hüt morgä chli uf perfect pallete umegsurft und gloub üsi Farbä gfundä! Wie würdet dir das findä? Ds Pink würdi numä dezent isetzä, vllt ab und zue es Härzli oder ä Bluemä i derä Farb, eifach so paar Farbtupfer zum Grüen und Blau.
@morelia: Merci viu mau! Dinne isch aber sehr schön!
@malinchen: Danke ou Dir viu mau! Wäg de Farbe, wettisch nit no bau eini, wos ganze chli tuet neutralisiere? Wüu so dünkts mi gad sehr knallig.
@Sue: U de nes Vereinshuus? Schützehuus, Fuessballclub, Riitverein, Waldhuus... Oder es Gmeindshuus? Nee sooo schlimm isch nit gsi. Aber da is gwüsst ha (er get mir gseit, i söui mir dr Obe frei bhalte) Er isch denn ueche ga dr Ring reiche, isch use, u chunnt mit am ne ipackte Struus umi iche, u de si mir enand gägeübergstande, er i de Budekleider (Zimmermann) u ig verschwitzt vom schaffe, u hei enand nume aglachet... u denn isch er uf dKnüü, mit Ring und Struus, u het mi gfragt, ob i sini Frou wetti wärde, vo ganzem Härze. U es isch eifach so härzig gsi, sooo typisch mir zwöi! U vor luuter *weissnitwas* het de mir GG dr Ring a Zeigfinger wöue tue, statt a Ringfinger...
Malinchen, auso mir gfalle die Farbe perfekt!! Si alli ja nid knallig und de findi chames super kombiniere..! I liebe das grüen:) ha gestern ir IKEA gad sache für is Badzimmer kouft I dem grüen:)
Merci füre tipp megem schuelhuus oberburg, mi fründ isch gad go google:) Das hani gad mau ufd lischte gno für go azluege:)
Lula, jööh dasch aber u härzig....:) ja mir hei no paar Waldhütte ufde Lischte, vilech müesser de die ou eifach mau go aluege... Ha eifach ds Gfühl es müess do chli mache: DAS ISCHES! Aber mau luege...:)
Ig ha gestern abig ds erschte mau cake pops gmacht...:):) e mega Ufwand aber fägt:):)
@Sue: Dir finget sicher no z Richtigä... I dänkä für so Locations sit dir würklech ono gnue früeh drannä, die si doch aubä nid so schnäu usbuechet wie die Hochzyts-Hot-Spots. Jetz chunnt mir no gad ds Schloss z Jegistorf i Sinn, das isch haut de när ganz es anders Ambiente aus irä Waldhüttä. Ä Kolleg vo mir hüratet das Jahr det, u so viu i weis isches nid mau so tüür fürnes Schloss.
@Cakepops: haha, i ha o gad vor paar Wuchä mau Cakepops wöuä machä. Aber es isch chli id Hosä bi mir. Sie si zwar mega fein gsi, aber i ha se z gross gmacht, när sie si z schwär gsi fürd Stängeli u geng abä gheit... Am Schluss hani aui wieder abgnoh u när haut eifach so ufnes Täuer gleit, d Gäst heis glich super gfungä, aber i ha denn scho chli gwüetet ir Chuchi.
@me: Mir hei geschter z Resti für nachem Zivile reserviert. Hei ja üsä Zwöisamkeitsabä gha u si det ga znachtässä. S isch im Moment üses lieblings Resti z Bern, ha gad mega Fröid das mir det härä göh. D Farbä gseh so näbenang scho gad chli knallig us. Aber i dänkä es wird ja viel wiis ume ha (Tischtüecher, Stuehlhussä etc.) wos chli neutralisiert. U ds Pink wird sicher weniger dominant si aus die angerä zwöi Farbä... I mueses mau chli usprobierä wies würkt. Gangä gloub gad schnäu id Stadt ga Farbe u Bastuzügs choufä.
Anmelden
Aber ja, jetz hei mir d Chillä ja scho reserviert und alles. Ke Ahnig was das söu - u de heissts immer mir Frouä sigä kompliziert???
u hei enand nume aglachet... 
u denn isch er uf dKnüü, mit Ring und Struus, u het mi gfragt, ob i sini Frou wetti wärde, vo ganzem Härze. U es isch eifach so härzig gsi, sooo typisch mir zwöi! U vor luuter *weissnitwas* het de mir GG dr Ring a Zeigfinger wöue tue, statt a Ringfinger... 
Ä Kolleg vo mir hüratet das Jahr det, u so viu i weis isches nid mau so tüür fürnes Schloss. 