Guetä Mäntimorgä mini Liebä... (ah mann, dä blöd winter chönnt vo mir us abhouä )
I ha geschter wieder mau ä kreative Afau gha und ha e Vorlag für d STD-Charte zeichnet wo aui üsi Farbe irgendwie vorchömä. Bi am Samstig extra die passendä Copic's ga choufä (u süsch no viu wo mis Budget gsprängt het, haha). Wie finget dirs?
Und wie isch öies Weekend gsi? Isch öpis HZ-technischs gloffä? *gwunder*
Location Malinchen, merci megem tipp vom schloss jegenstorf - das isch üse Favorit gsi bismer agfragt hei dusse hei si im Park es zelt wome cha miete, wäri eifach e Troum gsi...leider isch so dasme am 24.00h gar kei Musik meh daf mache...
Malinchen, mega schön!!! würdisch die de aus Karte la drucke??
bi üs hmmm ig ha am weekend ir IKEA so 3 "Kleideraufbewahrungsseck" kouft - wüsster echt wasi meine?? wome so schöni Kleider ner zum schone cha drinne ufhänke;O) und ha dänkt dasi de mini Bridesmaids bir Afrag wett demit überrasche dass si sone Sack bechöme und ig ihne säge ds Kleid für dri sigi de vo üs gsponseret;O) süsch isch nid gad viu gloffe hochzitsmässig bi üs...;O)
@sue: ah würklech??? Isch ja hennä doof... Das isch bi üs ou es Killer-Kriterium gsi, fingä das geit gar nid. Weli HZ isch scho am 12i fertig resp. ohni Musig?! De schlafä d Lüt ja i... D Idee mit de Chleiderseck fingi ja meeeeega härzig! Die wärdä sich sicher mega fröiä!!!
@STD: Ja, i stellä mir vor das mirs so i Postchartägrössi würdä loh druckä und uf dr Rücksitä när no ä Info machä, dass mir scho das Jahr zivil hürate und de es Jahr druf gärn no mit ihnä wettä fiirä, sie söllä sich das Datum scho mal vormerkä. Ds Textä überlahni de mim GG, er isch super i däm. Jetz hani mir vori no gad e Stämpel bstellt woni när bi allnä Couverts wot druf due, vo STD über Iladig bis Dankeschärtli...
Jesses dä Schnee, ha hüet Morge fasch Schreikrämpf brcho...
@Sue: Üsi Location gfallt üs sehr, zuegegäbener Masse, aber wiesi isch, wüsse mir no nit. Aber es isch haut eifach ou e Vernunfts entscheidig gsi. Dini Idee mit de Kleidersäck findi mega härzig, da wärde sech öichi Helferlis sicher fröiie!
@malinchen: Gäu, Dir heits zivile scho das Jahr? Aber Dini Vorlag isch doch cool!! Bis ufs Rosa, aber das liegt ar Farb... Bi üs isch gar nüt glüffe, hei zwar wöue, aber GG isch am Mudere, u nit gad so motiviert gsi... Wo hesch de dr Stämpel bstellt? Gits Fotis???
So, ihr Liebe, muess scho umi gah, mäude mi hinech no mau
@Stempel: I ha mir zersch überleit säuber einä z bastlä. Aber i ha nid so rächt gwüsst wie dases am gäbigschtä gäng u drum bini chli ga umesurf u bi per Zuefau uf schoen-verpackt punkt ch gstossä. Det chamä säuber es Biudli ufeladä u när no uswählä vo verschiedenä Ramä etc. Finges würklech cool u ha jetz 30.- zaut inkl. Versand. Fingi ok, weni säuber einä hät gmacht hätti für ds Material äuä ou ca. 10.- zaut, plus mini Zyt und Närvä. I ha das Biudli gnoh:
@Sue: Ringchüssi wärdä mir äuä keis ha, i möcht ou ke Ringträger. Fingä Ching i Arzüg irgendwie nid so toll. D Ring wärdä eifach imnä Schachteli bi mirä TZ bzw. bi GG's TZ si und sie gäbe se de üs.
Fürd Hälfer weisi no nid was mir de machä. Wahrschinlech individuelli Gschänkli. Fürd Gäscht fändi säubergmachti Konfi oder so cool. U mir wärdä e Candy-Bar ha, wo sich alli chöi bedienä...
@Lula: Gäu, i mah dä Schnee langsam ou nümme gseh!
Ja, mir hei z Zivilä genau eis Jahr vorhär, am 21.6.13. I ha äbä no lang überleit wie dasis im Gschäft söu sägä, hei ursprünglech d STD de ersch nachem Zivilä wöuä verschickä nid das öper ufd Idee chunnt irgendwelchi Überraschige z organisierä... Aber i mueses ja am Personaldienst scho vorhär mälde. Usserdäm hättä eventuell deu Gäscht chli komisch gluegt, we mir STD verschickä, nachdäm mir faktisch scho ghürate si. Drum hei mir jetz beschlossä, das mir se äbä glich ca. 2-3 Wuchä vorhär verschickä. Hoffä eifach, dass de aui richtig chöi läsä u när nid glich vorem Standesamt stöh...
So chume au widermol dezue mi z mälde! Hoffe ihr händ es guets weekend gha??
@sue: oh jo amélie isch eh de hammer findi au gaaaanz schön das lied ! do laufet d’träne garantiert! ;)) alicia keys wär au ganz schön! Hey und cool händer de apéro scho chönne bueche! =) hey und voll härzig wägem chleid für dini bridesmaids ! =) do händs sicher mega fröid :)
@fringilla: gseht schön us die deko! :)
Ich fändi lotusblüetene au no schöne v. inere schale mit wasser & schwömmcherzli? :) oder genau orchidee…
@malinchen: haha grad müesse lache :p bi aller liebi aber min GG läbt au nachem motto wieso eifach wänns au kompliziert goht ;)))) chan dir nofühle hehe :p und hey d’farbkombi findi imfall mega schön so frösch & fröhlich! :) Und jöö die STD charte sind jo mega süess findi scho en tolle entwurf! Du häsch echt talänt! ;) wieso muesches em personal vorher säge? Also ich schaffe ebe sälber im operative HR und erfahre amigs au erst nach de hochzyt devo.. aber weiss halt ned wie gross öichi firma isch ich schaffe imene grosskonzern ;) ah und härzig de stempel! :)
@lula: wooow so en schöne ring echt jöö gratuliere häsch glich no öbis offiziells becho hihi =)) genau 1 tag vorem zivile? Das isch doch sehr romantisch ned? ;) jöö und das dönt doch emel sehr authentisch hihi so süess =)))
@morelia: au din ring isch mega schön wow bling bling =)
@me: juhuuuu mir händ öisi apérolocation! =) s’isch perfekt! :) mir sind die nämli zerst go aluege für d’obiglocation und händ öis jo aber dänn is montana verliebt und überall händs öis jo gseit, dasses ned gieng will si de platz bruche für die wo dänn s’fest det machet will die ev. au en apéro wänd mache etc. so häd min GG en super idee gha hehe typisch er schafft jo im ichauf und chan daher guet verhandle! =)) und zwar häder dene gschrebe (si händ provisorisch s’datum reserviert gha) und zwar dassmer öis das ganze anderst überleit händ und nur en frei trauig mit emene grosse apéro wänd mache ohni ässe am obig und es häd doch promt klappet! :p so chönds eim jo nämli chum absäge ;) händ jetzt mol reserviert im Hermitage z luzärn :) perfekt do nume 5-10 min vo de obiglocatino entfernt und direkt am see hihi =) für d bestuehlig / platz / ruum mieti bi schlächtwätter (mir bruchet keis zält juhuu!) inkl. So schöne grosse wisse sonneschirme und alles zahlemer nur 1000.- ! mega wenig im verglich zo allem womer bis jetzt gseh / ghört händ!! und d’lag würkli perfekt bisch ganz für dich kei lüt wo chönd durelaufe und so ! =) ah und s’häd en hoteleigene Steg am Wasser womer theoretisch au mitemene bötli chönd azgfahre cho hehe :) obwohli mir scho vorgstellt han vo hinde inezlaufe aber wär ev. au mol öbis anders / originells was meinet ihr dezue? :) do si ned ganz gnueg stüehl händ müendmer no paar dezuemiete chostet aber au nur 2.50 pro stuehl also voll easy.. bin so happy mit dere lösig! :) ev. chostet de apéro chli meh aber defür passt sust alles! :) due öich no fotis ahänke vom ort am see, vonere trauig wo si uf de homepage händ & vom steg.. zitlich goht au alles uf müend eifach so am halbi 5i go das isch jo voll easy wilmer im montan au nomol en chline apéro (ohni ässe) händ eifach en prosecco empfang uf de terrasse also super vode zyt her :p =)) bin sooo erliechteret hey das glaubed ihr mir gar ned! =)
@principessa: WOW, so schön heit dir öpis gfungä!!! Di GG het ja würklech ä super Idee gha, hihi. Gäu es isch ä mega Erliechterig wenn ändlech all die Reservationä erledigt het. De chasch jetz ou so richtig afah planä...
@malinchen: Wie chasch de eine säuber mache? Tönt no interesannt. Aber dSite isch dr Hammer!! Wäg am Betrieb, chasch es ja süsch eifach nach am ziviler ga säge, wüu vorher müesse sis ja nit wüsse.
@Ringchüssi: Es klassischs Ringchüssi gits bi üs äuä nit, was i aber schön fändi wäri so was wie ni aus Biudli ahänke...
@Hälfer: Ha dänkt gäbi ne e Guetschiin für ne Usflug oder es Wucheändi.
@Schnee: Leider wirds ja no gad nit besser...
@laprincipessa: Nee, nit 1 Tag vor am zivile, sondern 1 Tag nach am zivile u 1 Tag vor am kirchleche Och so super, mani Dir mega gönne, dass Dir öichi Aperolocation gfunde heit!!
@me: Mir hei vori gad wäg de Farbe überleit. Grau isch so guet wie sicher, jtzt isch haut eifach dFrag wie kombiniere; Grüen & Blau isch de eifach chli chaut, Grüen & Dunkurot gfallt GG nit, hellblau & Dunkurot, oder Türkis & Djunkurot si no so Ideene... Was meinet ihr?
Jo, ich glaub ich bi no do... :D Aber jetzt denn au grad nüme, ich mues unbedingt is Bett, mir gheied jetzt denn grad d auge Zue... Wie meinsch das mit dem "Ringchüssi-Bildli"? Das hini grad nöd verstande... Guet Nacht zämä...
Anmelden
)
Drum hei mir jetz beschlossä, das mir se äbä glich ca. 2-3 Wuchä vorhär verschickä. Hoffä eifach, dass de aui richtig chöi läsä u när nid glich vorem Standesamt stöh... 
