I ha mi im Training müessä abkämpfä... Hoffentlech bringts zmingscht öpis.
@stämpel: Du muesch dr Stempelkonfigurator i Warechorb due u när chasches det aklickä u de startes gloub outomatisch. Bi de gspannt wiener qualitativ isch, hoffentlech wird er gli glieferet... =D Dr Nachteil isch chli, dasmä mues Voruszahlä oder mit Paypal. Kreditcharte oder RG geit nid.
@Lula: Jaa, Dunkurot und Grüen würkt schnäll mal wiehnachtlich dünkts mi. Das wär jetz gloub ou nid so mis. Aber Hällblau und Dunkurot chönnti mir guet vorstellä; oder Gälb, Dunkurot und Grau würd sicher ou guet usgseh!?
Was ig ou hennä cool würd findä wär es Siegel mit GG u mim Afangsbuechstabä. Weis öper ob me das ou irgendwo cha bstellä oder sogar säuber bastlä?
laprincipessa, wow das gseht mega schön us.......!!! git sicher hammer föteli!!!! i fändi das no cool wenns irgendwie machbar wäri mitemne boot??;O)
lula, ha kes Bildli gseh??;O)
Ringkissen Ha Gestern us luter Vorfreud gad eis bstellt bi Light in the box - kennet dir die Site??
Farbkombis zu grau hmmm auso i fändi zum Bischpil u schön grau, wiiis und gelb....hani ou scho Dekos gseh und gseht glich no früsch us aber nid knallig...
Siegel Has mal gseh ufem Internet da: unlustig.com/kreative-siegel-aus-wachs-selber-herstellen.html müesstisch eifach sone Lötkolbe ha.... I wett so öpis ebe ou - ha aber no nüt super gfunde zum bstelle...
@sue: ah cool hesch scho eis bstellt!!! =) Düet dir d Ringä scho bim Zivilä ustuschä? Mi GG und ig si äbä chli unschlüssig... irgendwie hättä mir gärn scho Ringä, aber die "richtigä" möchti eigetlech glich ersch am kirchlechä ustuschä. Und Partnerringä z choufä für numä eis Jahr bringts ou nid würklech.
@Farbä: ou ja, gälb-grau-wiis gfallt mir ou mega! Da findet me viel Deko-Ideeä im Netz im Moment...
@Siegel: ah ok... ja stimmt so chönnts ga. Mues mau chli umefragä ob irgend öper sonä Lötkolbe brucht im Job oder so, de chönnti ja vllt einä usleihä mal übers weekend. Aber obs de schön wird isch die anderi Frag. I ha eismal im Waser z Bern gseh, dass sie verschiedeni hei. Aber eifach nur mit eim Buechstabä oder süsch irgendwelchi Symbol. Uf jedä Fall hätte sie de Siegelwachs i vielnä versch. Farbä.
Ringe Nei i dänke mir tuusche d Ringe ersch bim kirchliche...hei ja bis denn no d Verlobigsring;O)
Blumenmeitlikleid Hilfe i bi gad imne shopping-ruusch ine fürs hochzit;O) ha gad uf Ricardo gsteigeret für mis Nichteli fürnes Bluememeitli-Kleid....;O);O) ha ds Föteli im Ahang...!!
Siegel malinchen, hesch de scho e vorlag für öii 2 Buechstabe?
Ah ok... mir hei äbä keini Verlobigsringä, numä Partnerringä aber mi GG cha sinä nümme tragä wöu er allergisch druf isch. Mau luegä, vllt fingä mir ja irgend ä Kompromiss.
oooooh, aber das Chleidli isch ja hennä süess!!! Heschs scho oder numä fang mitbotä? Ricardo isch bi mir ou immer gfährlech. Sit dasi es Sofa kouft ha wo när z gross isch gsi hauti mi chli zrug, süsch überchunnt GG no ä Krisä...
Nei, i ha no ke Vorlag gmacht. Mues mal chli usprobierä was guet würd usgseh. Hesch du scho eini?
Aso mi dünkt das rosa-grüen-blau mega früehligs-haft. Gfallt mr eigetlich no, würd eifach wie du scho gseit hesch, nid alli Farbe glich fescht isetze. Wenn hürotet dir scho nume? Wil uf das würdi ebe oh chli luege. Dr Baum isch jo wäuz cool worde und wes zu euchene Farbe passt umso besser. @lula: lueg mau uf http://www.theperfectpalette.com/ dert chasch zB luege was zu grau und dunkelrot passt und hesch oh no grad paar Inspiratione. Ou jo, was d Sue vorschoht, grau, wiss, gälb fingi uh schön! Isch mega früsch und passt doch super i Früehlig. @me: mir si immer no bi Chupfer, Dunkelblau und Aqua. Aber ig bi mir nüm so sicher, wils halt rächt dunkel und unsummerlich isch unds i dene Farbe jo keini Blueme gibt und de grad nur mit Pfauefädere und Bändeli schaffe isch ja oh längwilig. Bi aso no chli am schwanke. GG isches eh glich, vo däm här...
Siegel
Das hani mir oh scho überleit, entweder mit üsne Afangsbuechstabe oder ebe mit emne Pfau oder ere Fädere. Ha oh scho gseh as mes cha lo mache, isch eifach nid sooo billig und ig froge mi wie nötig as es de am Schluss isch. Mau luege. Ha mau imne HZ heftli gseh, as si anstatt Siegel wachs, Fimo-chügeli gno hei und de s siegel inedrückt hei, gseht oh no guet us und me het oh paar anderi farbe zur uswahl. No e tipp: Nähmet nid Siegel-Lack, sondern Wachs! Lack wird hert und brüchig und de chas si wed Iladig achunnt, si umeno Brösmeli im Couvert. Wachs oder ebe Fimo isch nid sones Problem.
ricardo malinchen, was hesch de mit dem sofa ner gmacht??;O);O) ja me het so schneu "bieten" drückt....;O)jepp ha bote und bi aktuell höchschtbietendi;O)
Monogram oder Buchstaben nei....mir hei ebe chli doofi Buechstabe....S und N und das tönt so schneu nach Nationalsozialisten..... aber ha mau sone site gfunde wome so öpis cha kreiiere mitde volle näme wo mir no gfalle het - has mal aghänkt
Siegel Fringillavigo, wo hesch de gseh zum bstelle...? merci füre tip megem wachs! eh ja das cha ja ou no sones obedruf si wome cha mache oder de ou nid je nachdem wieme no geld und budget het....;O)
Mir mache als gastgeschenk ja Limoncello und selberbrauts Bier - het mir öper e guete Tip fürne Etikette zum selbermache dra?
@malinchen: danke!! :) jo tootaaal erliechternd :) jetzt chömer mol en rundi usschnufe ;)) i 2 wuche gömer id ferie und nacher chömer dänn wider witerluege aber jetzt zerst mol chli abefahre was s'thema hochzyt betrifft ;)) wäge de ringe: die frog hani mir au scho gstellt wilmer jo au warhschindli 3 mönet vorher standesamtlich wänd hürote.. ich glaube mir nähme doch det eifach öisi partnerringe womer sit 2 johr händ dänn sinds sogar 3 ;) und die richtige eheringe dänn eifach bim fest :) ui haha scheisse das isch doof wägem sofa :p ;)) isch ebe amigs scho so en sach mit de mass und allem ;)))
ringchüssi: also ich wet glaub scho eis finds mega schön :) de chli göttibueb vo mim schatz isch dänn öbe 1,5 das wär doch mega härzig wenn er d'ringe bringe würd ;) näb all dene bluememeitelis ;)
hälfer: mir werdet sicher au en guetschin oder so öbis schänke.. :)
@lula: aha alles klar :) jedefalls schön häder sich öbis debi überleit ;) dankeschön!! :)
@sue: hehe gäl mega schön :) jo wänn s'wätter mitspilt gäbts sicher schöni fötelis hehe ;)) hoffemer s'beste! jo gäl wär ebe scho no irgendwie speziell mitem boot ;)) jöö sones süesses chleidli :) und häds klappet mit ersteigere?
@fringilla: wow hey so en tolli site danke vilmol! :) bin grad chli go luege und stöbere und s'git also einiges wo mir gfalle würd.. sones aqua mit pfirsich fändi ganz frösch und trägi au vil zur zyt ;) oder ebe pink rosa tön mit aqua / türkis... han mol paar sache usegsuecht wo mir no gfalle würdet ;) ps: ich weiss pink gfallt öich ned ;)) :p
@Sue: So witzig, mir hei die gliche Afangsbuechstabe, eifach gschlächter-vertuscht As me das mit öpis anderem chönnt i Verbindig bringe isch mir gar nonig so ufgfalle. Aber ig finges etzt nid so schlimm, schliesslich wüsse jo d Gäscht as mes us Afangsbuechstabe vom Name meint u nid anders. Aber mit de volle Näme sich natürlich oh cool, ds Bild wo de aghänkt hesch isch würklich super!
Wäg de Siegel muessi de deheime nomau luege, has dert evtl i de Favorite gspicheret. Ig stöue de dr Link ine, wenni ne widr gfunge ha.
Was meinsch mit Etikette? Motiv-mässig oder wie mes am beschte cha umsetze?
@pricipessa: Uh nei, Pink isch nid mis, aber finge glich as die Farbe super zäme passe! Isch würklich früsch und fröhlich! Gäu, die Site isch super! Aber leider alles wo i "mine" Farbe isch, isch mega Herbschtlich, im beschte Fall no "indian summer". Aber mis Farb-empfinde isch halt oh mega Jahreszits-abhängig, drum luegi de im Auguscht nomau
Ringchüssi fingi öpis uh schöns, aber da mir jo kei Ringträger hei, wüssti ebe nid wo ungerbringe. oder chames zB oh eifach irgendwo deponiere, wo mes bir Trauig de goht go hole? aso ohni spezielle Ringträger und so?
laprincipessa, weiss no nid megem Kleidli - es geit no 3 Täg womes cha ersteigere
weddingchicks.com/freebies/custom-monograms/formal-crest/ das wäri süsch de d Adresse eifach no mit www vordranne wenn öper ou no wett luege mege so Namens-Motiv...isch eh no e coole Blog mit "Do it yourself"-Sache...!
Etikette für Limoncello mir hei eifach so chlini bügel-fläschli füre Limoncello und ha kei Ahnig obi e Etikette söu mache zum drachläbe oder drahänke oder wie ou immer...ha dänkt vilicht het öper gad e zündendi Idee;O)
Ringkissen das chasch guet ou em Trouzüge oder so geh dasers denn öich cha überbringe wenns ume Ring-Tuusch geit?
Anmelden
Hoffentlech bringts zmingscht öpis. 
I ha eismal im Waser z Bern gseh, dass sie verschiedeni hei. Aber eifach nur mit eim Buechstabä oder süsch irgendwelchi Symbol. Uf jedä Fall hätte sie de Siegelwachs i vielnä versch. Farbä.
aber ha mau sone site gfunde wome so öpis cha kreiiere mitde volle näme wo mir no gfalle het - has mal aghänkt
As me das mit öpis anderem chönnt i Verbindig bringe isch mir gar nonig so ufgfalle. Aber ig finges etzt nid so schlimm, schliesslich wüsse jo d Gäscht as mes us Afangsbuechstabe vom Name meint u nid anders. Aber mit de volle Näme sich natürlich oh cool, ds Bild wo de aghänkt hesch isch würklich super!