@Ricardo: Mir hei ds Sofa när entsorgt, zum Glück hets numä 100.- koschtet. Aber i ha drus glehrt, dasmä nid es Sofa fürnä Wohnig sött choufä, womä no nid het chönnä usmässä. ;-) Si nachem Züglä am abä am 8i no id IKEA es nöis ga choufä u hei dieses am angerä Tag ufä Entsorgigshof bracht - ei Tag nach däm mir ds aute hei bracht. Dä Typ het sich äuä mega gfragt ab üs.
@Sue: wow, das Monogramm isch ja ou mega schön! Mit däm chönntisch doch grad Etikettä loh druckä für ufd Gläser?! Oder sonä Stämpel bstellä... I wot das när ou gad usprobierä! Es gseht zum Teil ou no cool us wemä d Etikettä eifach dra hänkt / drum bindet. Aber i dänkä dr Limoncello trinkt meh ja nid unbedingt i einisch, u de wär äuä eini zum druf chläbä fasch besser. U de würdis när bim Bier glich machä, i ha gärn aues chli einheitlech. Aber mues natürlech nid so si!
@prinicpessa: Ja aqua/pfirsich isch ä mega schöni Kombination. Da chasch ou viu cooli Sachä machä... Mir hüratä im Juni, vo däm här hani öpis summerlechs wöuä. De gfaue mir aubä so chli knalligi Farbä.
@FringillaVigo: Ja, i dänkä am beschtä lahsch de grad vor Jahreszyt lah inspirierä wes sowit isch. Denn findsch ja när ou am meischtä im Internet und idä Lädä. De chasch dir's ou am beschtä vorstellä... Eventuell chönntet dir ja no so es Crème oder so drzue näh, dass dir no ä hälli Farb hättet?
@fringilla: jo eh lueg doch nomol im sommer dänn gsehschs ev. au wider chli anderst ;) obwohli die farbkomi sehr schön finde ! ;)
@sue: ui toitoitoi dasses günstig bechunsch! ;) danke für de tipp ! gäl aqua-peach isch meg schön! =) oder au sones hells rosa (scho es chräftigs öbe so wie das vode malinchen ;) und mitemene türkis / aqua fändi au sehr schön mal schauen :) han au grad als ersts anen ahänger dänkt für de limoncello (mhh ich liebe limoncello! ;) das gseht super us!
@malinchen: haha jo gäl aus fehlern wird man klug ;) jo dini farbkombi findi au ganz schön! :)
Farbe Stimmt e hälli Farb wie Creme/Wyss/Ivory würd sich eh no abiete, wil die chunnt jo de eh oh vil vor, Tischtüecher zB und mis Chleid... aber isches de nid bau zu bunt bzw dr "Rot fade" geit verlohre, wes vier Farbe si plus d Fädere? Ha no chli googlet, Violett würd mr scho oh gfalle, aber ebe oh nur in Dunkel Aber ebe, ig lege mi de im Auguscht definitiv fescht. Denn gseht me de oh i de Bluemeläde, was grad Saison isch und Deko Sache gibts denn oh vil zchaufe.
@Sue: Ig finges oh no schön, so wies ufm Bild hesch. Aso hani das richtig verstande, d Fraue bechöme Limoncello (yummie) und d Manne Bier? So cool! Heitr oh Ching am Fescht? Was bechöme de die? Mi Fründ braut ja oh jede Früehlig sis eigente Bier, isch immer uh fein, so sälber gmachts. Mi Vater het maud Idee gha, GG chönnt jo fürs Apero üs es Hochzits-Bier braue, aber är het ebe "nur" e Usrüschtig für 20 Liter. Das wär de chli knapp bi 120 Nasene. Jenu.
@kleinefeder: Sorry, i bi gloubs scho denn zmüed gsi, has Bildi vergässe azhäcke, versueches närne no mau...
@malinchen: Das mit am Whynächtlech hani mir gar nit überleit... Ihm gfallt eifach grau u grüen zämä nit so. Aber i mache närne mau no Prototype, mau gugge, viellech chani ne ja überzüge. Gelb gfallt mir ebe nit so, ussert ir Form vo Sunnebluemene, aber di si im März ou no Mangelware, vo däm här...
@Fringilla: Merci. Ga de hinech mau chli ga stöbere.
@Farbkombi: Was ggf ou no ne Option wäri isch Grau mit Perlmutt u Türkis oder Hellblau. Gugge jtzt hinech mau was er meint, u süsch holi de morn no was perlmuttigs...
@Ringchüssi: zHölzige hani im Netz gfunde, gloubs sogar hie im Forum, u zandere isch vo Kissloud, gäbtis i 3 verschiedene Variatione...
@FringillaVigo: Hmm, i dänkä nid dass dr rot Fadä würd verlorä gah, die Farbe chömä ja eigetlech ou idä Pfauefäderä vor, de isch das sicher no nahvollziehbar. Und äbä, wahrschinlech hesch ja när eh no ä hälli Farb drzue vodä Tischtüecher, Chleid etc.
Merci fürä Link mitem Siegel. Gseht cool us! Aber i weis jetz ou nid obis äch söu bsteuä. Wartä jetz mau no mi Stämpel ab, villecht ischs süsch när fasch chli z viu weni dä ha plus no es Siegel.
@Lula: Sit dir scho witer cho ir Farb-Diskussion? Perlmutt und Türkis würd sicher ou hennä guet zämä usgseh!
Es git so viu cooli Farbkombinationä, isch würklech schwierig sich für öpis z entscheidä. I gloub isch guet hei mir üs jetz feschtgleit, süsch hätti mi äuä no 2 Wuchä vor dr HZ no nid entschiedä.
@me: Mir chöi hüt scho d Unterlage fürd Ehevorbereitig ufm Standesamt ischickä! D Zyt geit mega schnäll im Moment!
Hoffe es geht euch allen gut, trotz des schmuddeligen Wetters!
@Kleine Feder: Deine Karte und die Einstecker die du gebastelt hast sind einfach wunderschön! Tolle Farbkombination und echt kreativ! Darf ich dich fragen was für einen Draht du für den Bogen des Einsteckers verwendet hast? Der sieht so stark aus, damit die Rundung hin zu bekommen war sicher nicht leicht?? Was hat dein GG denn zu deinen Kunstwerken gesagt??
Monamona: Ganz herzliche Glückwünsche zu eurem kleinen Wunder!! Geniesst diese wunderschöne und aufregende Zeit in vollen Zügen und alles, alles erdenklich Gute für euch drei. Das Geld für euere Hochzeit könnt ihr ja vielleicht noch sparen und dann ein Hochzeits/ Tauffest machen!! Da ist was schönes, so habe das einige Bekannte gemacht! Waren jeweils wunderschöne Anlässe!!
@Alle: Hier ist ja wieder so viel gegangen! Frauen ihr seid so fleissig, dass wird mir fast unheimlich ! Denn wir sind noch nirgends mit unserer Planung!! Jetzt haben wir uns für das Datum den 16. August 2014 entschieden, haben auch ein tolles Blockhaus zum feiern gefunden und nun ist es dann schon besetzt?!? Nun wissen wir nicht ob wir das Datum anpassen oder weitersuchen sollen?!? Das Dilemma ist gross!!
Na ja ihr kennt das ja alle, gell!!??
@Me:Ich war gerade fünf Tage in Paris und zwar das erstemal!! WOW eine, pulsierende wunderschöne Metropole!! Ich wurde spontan von meiner Mum eingeladen, da ihre Begleiterin notfallmässig ins Spital musste!! Am Sonntagabend habe ich es erfahren und am Dienstag letzte Woche ging es los! Es war schön mit meiner Mum, wir hatten viel Spass zusammen und haben unheimlich viel gesehen!! Irgendwann möchte ich da aber mit meinem GG nochmal hin!!!
Darf ich euch nochmal um den Doodlelink bitten!! Wegen unseres Treffens??
So ihr Lieben nun wünsche ich euch einen wunderschönen Tag, ganz liebe Grüssle aus dem nasskalten Emmental.
@FringillaVigo: ou ja merci füre Link!!ja das stimmt im August gsehtme de ender was ou "bluemlech" würklech ume isch....bi das nid so der Profi wenn dass weli Blueme nache si;O)ja genau d Froue bechöme Limoncello, d manne bier und d chinder (wenn die am abig debi si) öpis ganz eigets....ha mal so ringe gseh wo blinke fürd meitli oder de so öpis wie im ahang fändi ou no härzig...;O) und wenn di Fründ de eifach soviu würdi braue wiener mag und ner eifach haut anders bier ou no? wäri emu scho no witzig wender eigets hochzitsbier hättet? oder daser halt "ei ladig" würdi i bügelfläschli abfülle daser wie 2 mau 20 liter chönti braue?
@Lula: finde die Ring-schäli u schön aber da mis Nichteli üs d Ringe unbedingt wott bringe vertroui emne Chüssi wo unzerbrechlich isch meh;O);O)
@malinchen: iiih hör uf mir chöis ou scho i 1.5 mönet abschicke;O);O) gäu das geit mega schneu vo demher chöimer ja aui froh si heimer so gnue zit für ds organisiere....
@Delfinchen: scho bstezt ds blockhuus? was heiter de für eis dänkt gha?? a andere täg wäris de no frei wo würde i frag cho?
@Malinchen: Grau isch gsetzt. Es Blau ou, müesse eifach no gugge i welli Richtig... U am ne hälle Grüen, schinnt mim GG doch no gfalle zfinde... Bi geschter Obe närne Online ganz viu Bastelshops ga durchforste, mine brchunnt gloubs de Krise, wenn er gseht, was er muess mit agugge... Gloub mrs, bi froh wenn mirs de hei.
@Delfinchen: Du wohnsch am falsche Ort, bi mir schiint dSunne zur Stube ine... Wo hesch de ne Blockhütte gfunde? Chunnt haut druf aa, wie sehr öich dBlockhütte gfallt, resp wie wichtig si öich isch. Oder wie wichtig öich zDatum isch?! Wele Link? Dä vom Treffe wo sicher zBern isch? Da wäri süsch dr Link http://www.heiraten.ch/forum/board/personenkreise/brauttreff/brauttreff-in-bern-17_87.html#8
@Sue: Mir hei keiner Gottekind, daher ou kenner Ringträger. Aber zHolz wäri ja eigentli ou nit zerbrechlich, soferns nit fiin isch.
Anmelden
