| Bräute 2014 |
|
|
1 .. 73 .. 143 144 145 146 147 .. 572 .. 997
|
|
|
|
|
|
|
31.03.13 16:48
FringillaVigo 
|
Re: Bräute 2014
Hey zäme! So, heitr euchi Näschtli gfunge? Mis isch im Ofe gsi, uf dr Äsche! Isch s erschte mau gsi, wo ig eis becho ha (bzw das Jahr hanis de langsam mau igfordert ) U am Friti bini heicho und finge e Rose-Struss ufm Fernseh-Tischli, eifach so
Hochzitstechnisch isch bi üs immer nonig vil meh los. Bi mr am überlege, obi fürd Deko söu Vogelchefige bsorge. Ha drum oh deheime welchi ufgstellt us gfallt mr no. U mini Eltere si letschti cho und heinis e Oldtimer zeigt, wo si üs chönnte organisiere, fändi emu no cool. Aber ebe, süsch steit grad so gar nüt a, womr sette mache odr was chunnt bi euch dra nachdäm dr alles zentrale greserviert heit? Eigentlich würds mi scho mega afange gluschte, go Chleider z luege! Wobi isch vilich oh grad guet, gange ig no nid, gibt meh Zit zum d Hochzits-Figur zerreiche Was stellet ihr nech eigentlich so vor? Pompös? Schlicht? Ufgfalle?
Schöni Oschtere no u vil Erfolg bim Eier-Sueche, wedr nonig alli gfunge heit
Zuletzt bearbeitet am 31.03.13 16:50
|
|
|
|
01.04.13 11:40
Lula
|
Re: Bräute 2014
@FringillaVigo: Mis hinter am Sofa...  Ha gloubs au Jahr eis brcho, mir finde das iwie beidi no so härzig....
Isch aber mega härzig vo Dim GG, eifach so ne Rosestruss...
Wes öich gfallt, isch das doch guet. U närne chasch ja immer no die wo de nüme bruchsch übers Internet verkoufe. U Oldtimer tönt immer guet 
Das auerdings frage ig mi ou. Mir si jtzt am für Material gugge für dKärtli, müesse Di so im Juli uselah, da mir am Hotel ca ändi Ougust müesse Bscheid, wäge de Übernachtige. Dh, i muess afe bastle.
Aber süsch bini momentan ou gas ziemli planlos...
I wetti e schlichte Zweiteiler, ohni Schleppe, ggf mit farbige Stickereie...
Und Du?
@all: Uf was heit Dir bir Wahl vor TZ gugget? Was isch öich wichtig gsi? Was nit? Was "muess" si erfülle, etc...
|
|
|
|
|
|
01.04.13 14:01
FringillaVigo
|
Re: Bräute 2014
Jo, Chärtli wär öpis, aber üsi müesse jo erscht im Winter use und da mir d Beantwortig vo üsere Farb-Frag jetzt ufe Auguscht verschobe hei, chani oh nonig go Baschtelzügs chaufe. We dirjetzt scho am Material zämeträge sit, heitr nech i däm Fall uf Farbe feschtgleit?
TZ
Ig ha keini grosse Kriterie. Klar sett si Freud ha für mi und zB mitcho zum Chleiderchauf. U we si mir no bim Baschlte hilft, isch natürlich no besser. Aber viel wichtiger als was si macht und erfüllt, isch mir as si mir nöch steit. Drum hani mini Schwoscht gno. Vo wäge bim Organisiere hälfe und am Fescht fürne ribigslose Ablauf luege, hätti jo mini potentielle Bridesmaids, woni immer nonig gfrogt ha Ahja, das wär öpis woni dämnächscht chönntversueche abzhögle
Chleid
aso was ig ganz sicher wott si Träger, e Schleppe und kei Reifrock (wobi mir ebe oh paar Chleider gfalle, wo me gar nid ohni cha träge). U när gfalle mr soo vil verschidni Details und Accessoires, wo me zT eifach nid cha kombiniere, wils süsch too much isch und me wiene behänkte Wiehnachtsbaum usgseht
Pfauefädere
Cool, merci! Si no härzigi Sache drbi!
|
|
|
|
|
|
01.04.13 22:11
FringillaVigo
|
Re: Bräute 2014
Tönt guet, euchi Farbwahl! Bi jo scho gspannet, wie drs de umsetztet.
Ig weiss nid, ob ig die einzigi bi mit Pfauefädere, het vilich no angeri ume?
Ah jo stimmt, du bisch jo chli im Klinsch wäg dr TZ. Hesch vilich mau probiert wie nes Brainstorming zmache, was dir alles wichtig isch und de z luege uf wär as dasam beschte zuetrifft? Oder was we der es chlises "Hochzits-Komittee" zäme stellsch und de bedi involviersch?
Ig cha mi eifach nid im ne trägerlose Chleid vorstelle und ig glaub ig füehl mi wohler, wenni Träger ha. Usserdäm gfallts mir halt oh besser, finge zB die "Flügel-ärmli", wo so wienes drüeck si mega härzig oder oh normali, gradi Träger us Spitze fändi schön.
|
|
|
|
02.04.13 10:51
malinchen
|
Re: Bräute 2014
Hey mini liebä!!!
ooooch, ds Weekend isch viu z schnäu verbi. Aber mir heis cool gha...
Kleid
Ig ha usegfundä, dass mir vorallem eher schlichti Chleider gfallä, Spitzä und ä chliini Schleppä... I möcht unter kenä Umständ ä Reifrock tragä, da stogleni numä drüber u i stellä mirs total unbequem vor. Mir fiirä ja am See und wenns schön isch möchti de villecht ou chli ga badä... de wotti nid Stundä bruchä zum mi abzieh u wieder alegä.  Das isch ono es Kriterium. Und wahrschinlech wetti ou eis mit Träger, die Trägerlosä müessä eifach perfekt sitzä bir Hüft, dases nid aberütscht u irgendwie hani da zweni Vertrouä dass das de funktioniert. 
I ha mir das scho für im September iplanet, es würd mi äbä ou scho die ganzi Zyt reizä. Drum hani mir scho zwöi Samstige mit minä Frouä reserviert...  De chumeni weniger i Versuechig eifach spontan ga z schnöiggä...
Trauzügin
I ha mi eismau gad miterä Kollegin unterhaltä wo scho sit 5 Jahr ghürate isch. I ha so gseit: "isch doch schlussändlech glich wär da unterschribt, es geit ja meh ums häufe organisierä etc." Da het sie gseit, sie fändi das voll nid. Ihri TZ lüti ihrä immer am Hochzytstag a und düegi ihnä gratulierä etc. Das hani mir vorhär no gar nie so überleit... Mir hei ja es Organisationsteam bestehend us mim u GG's Brüetsch und jewils dr beschtä Kollegin. Mir isches eigetlech glich, ob mi Brüetsch oder mini Fründin unterschribt, aber GG's beschti Kollegin isch rächt quer druffä sit si mit ihrem Fründ zämä isch. Drum hei mir när gad beschlossä, dass mir beidi Brüetschä wettä la unterschribä. Isch när glich doof wenn die Fründschaft plötzlech usenang geit...
D Idee mitem Brainstorming fingi gar nid so schlächt... Das chasch när ou ufd Sitä due wedä di entschidä hesch, u wedä plötzlech glich wieder zwiefel hesch, chasches aluegä und weisch wieder würum du di für die Person hesch entschiedä.
Planig u Vorbereitigä
Bi üs si im Moment ou numä d STD Chartä wo mir chli dranne am wärklä si. Süsch louft ou grad nid viu... Si jetz halt würklech viel Sachä wos eifach no z früeh isch öpis dranne z machä.  Bi halt ou immer fliissig am Ideeä sammlä. Ha so es Büechli gmacht woni alles drinnä ichläbä woni i Zitschriftä oder im Internet gseh ha.
|
|
|
|
02.04.13 13:02
la_chimera
|
Re: Bräute 2014
yeah ig ghöre ou derzue!!! :-)
Bi zwar no lang nid sowit wie dir aui, aber immerhin d Chile wüsse mer und hei mer reserviert und d Trouzügin hani ou scho. Ha do übrigens mini Schwöchter gnoh wöui ha wöu asi de vilech ou i 10 Johr und me mit dere Person zdue ha... Zuedäm hätti si jo eh mit ibezoge, wasi nid rächt weis isch öb mir zuesätzlich no selle ei oder zwe Tätschmeister stelle damit d trouzüge chi entlaschtet si, offensichtlich gits do extremi ungerschide bezügl wär was macht...
Wie heit dirs do so? Und wievöu weit dir wüsse und mitbestimme?
Grüessli
|
|
|
|
|
|
1 .. 73 .. 143 144 145 146 147 .. 572 .. 997
|
Anmelden
