Hey chimera! Willkommä bi üs!!! Wosch chli verzellä vo dir, wohär dir öich kennet, dim Atrag etc.??? *gwunder*

Mir hei äbä ke üblechi Lösig mit üsem OK. I dänkä da bisch eigetlech rächt frei. Fürs Standesamt bruchet dir eifach 2 wo unterschribä, wie dirs när am Fescht organisieret chöit dir entscheidä...

Dr Normalfall isch gloub scho 2 TZ und ev. no ei oder zwöi Tätschmeischter. Oder wenn dir no Bridesmaids und Bestmen wöit ischs eher dr amerikanisch "Stil". Aber i bi no nid a viunä HZ gsi sälber, cha das gar nid so beurteilä was "normal" isch!

Guete Obig ihr Liebe

@FringillaVigo: Danke. TUe de es Föteli inne, muess aber zerscht mau ga zMaterial bsorge...
Ha sogar scho ne "Pro u Contra" Liste gschribe... Aber ebe, tue mi gloubs gad chli schwär.

@Malinchen: Kenne beidi scho lang, di einti hani gad mit 15ni lehre kenne, di anderi es haubs Jahr später. U ha sit denn mit beidne Kontakt. Mau meh u mau weniger, aber ebe.
Für dIdeene hani e Ordner uf am Laptop, dr Weddingplaner vo WS u no ne Ordner zum Ablege, vo auem wo fix isch.

@Chimera: Härzlech Willkomme bi üs!!
Magsch chli was vo Dir verzelle?
Mir wärde je eifach e TZ ha, Tätschis si nit in Planig. Wüsse u mitbestimme wetti mir eigenli aues (ja i weiss, das wird öbe nit müglech si, aber es wird ganz klar Sache gäh wo mir nit wei!)

@me: Hei hüet mit GG's Mami dGästeliste düregugget, isch no härzig gsi. Jtzt isch de no mi Teil vo de Eltere dranne, zum mit ne dGästeliste düregah. Morn göh mir mau no uf Bern, chli ga Bastelzügs schoppe, oder ämu sicher ga gugge.

So, muess i Kuchi, mi Teig wartet, wünsche euch no ne schöne Obe...

Cool Lula, da geit ja rächt öpis bi dir... Bi de o gspannt uf öii Bastusachä!

I ha dr Vrglich gad schnäu GG zeigt, dä schaffet ir Informatik. Er seit beidi si ca. glich guet, das links (ds 10.1) sigi chli besser vor Bildschirmuflösig und vom Akku här. Drfür het ds anderä no ä Kamera vorä.

Kleid
Mir gfalle Reifröck halt nid sooo. Uf de Katalog Fotos gseht mes jo nid, aber zum Teil wenn me lauft oder hocket fingis eifach komsich, wenn sich d Kante vom ungerste Reif abzeichnet. Aber guet wär vilich oh nid bi jedem Kleid so. Trotzdäm, mir gfalle die schmale Chleider halt besser. Nur je enger si si, umso besser sett d Figur si Drum schaffi glaubs erscht no chli do dranne Bi de Träger hani ebe oh ähnlichi Bedänke: a de Models gsehts immer toll us, aber isch das oh so, wenn me nid es Model-Dekolltée het? Muess es de äue eifach mau bim probiere aluege, obs würklich so "schlimm" isch.

Büechli
Das machi oh. Aber es isch langsam chli unübersichtlich worde, wil ig immer widr chli dr Stil gänderet ha, jetzt hani mir überleit mau e Pinwand zmache, wo de so wie die Inspirations-Bilder wird, wo me im Internet ging fingt und wo me de d bilder oh widr ch wägnäh, wenn ig mi mau widr umentschide ha

@chimera: Willkomme bi üs! Jo verzell mau chli, wenn hürotet dir de?

Mitbestimme etc
Aso do simr äue chli heikel. Mir wette ebe scho ds meischte wüsse. Ig möcht nid, as üsi Kollege de plötzlich mit emne Lintuech vor dr Chile stöh und mir mim Nagelschärli es Härz müesse usschniede oder as am Obe irgendwelchi Spili chöme, wo mir oder e teil vo de Gäscht sich zum Aff müesse mache. Mi Mueter het mau gseit as das aber oh schad sig, wenn me alles wüssi und kei Überraschig chönn cho, aber lieber so als wenns i ne Chindergeburtstag usartet.

@FringillaVigo & Malinchen: De bini no froh, bini nit di einzigi wo dr Überblick wetti bhalte. Piinlechi Spieli, Brutentfüehrig, Bei zueordne, ... Kei Chance!! Da wird i zur Furie!
Überraschige si eis, aber bitte mit Stil! Boumstammsäge, oder ou es Lientuech, isch no gad so ok, aber ebe...

@FringillaVigo: dIdee mit dr Pinnwand tönt aber ou guet! Vorauem bisch de chli flexibler, wie wenns gad iklebsch.

@Malinchen: Dr Text vo wäg am drvoloufe chönnti gad vo mir cho...
Dr TZ vo mim GG isch da so ne Fau... Git öbe de no einigi Disskusione...
Merci viu mau, isch mega lieb vo Dir. Has vori no gad mit am GG besproche, wäg de Luutsprecher hei mr de dIdee gha, statt Kopfhörer chöi mir ja ou eifach Böxli aschliesse....

Spieli
Ja so Sachä wie Ballön lah stigä fingi ou easy, da mues sich ja ou niemer blamierä oder so. I weis ou dass ig sicher nid um alles ume chumä. Z.b. hani mau ds Paris uf dr Strass mit so Strassekünstler tanzet und mi Brüetsch hets gfiumet. Da er ou im OK isch rächni scho drmit dass de das Video plötzlech uftoucht. Aber es isch ja nid, dass ig nid cha über mi säuber lachä... I möcht eifach ou nid, dass när ds Programm hennä gstresst isch numä für dass au die Spieli platz hei. I wett de gärn Zyt ha für mi mit aunä chli z unterhalte u so. Bim HZ vo GG's Schwo sig schiins ds eintä Spieli über 2h gangä!

Mir hei bi GG's Familie scho mehrmals platziert das mir so Sachä nid wei machä. Si Brüetsch wo ou im OK isch het denn ou gar nid viu drzue gseit. I weis ou nid ob sie mi villecht numä drmit hei wöuä neckä wöu sie genau wüssä dass ig mir när sorgä machä.

Wenn i de z Gfüeu ha dasses nid aunä klar isch, machi no ä Satz drzue id Iladige. Dass sie äbä gar nid ersch aföh irgend öpis plane...

Chleid
Jaaa, i fröiä mi hennä uf die Aprobiererei... So öpis chamä haut würklech numä einisch im Läbä machä. Das wird sicher äs mega cools Erläbnis mit minä Mädles.