Guetä Morgä Frouä!!!

Michi, ou vo mir härzlech willkomme bi üs! =D Wäge de Locations chani dir leider ou keni Tips gäh. D Iladige wärdä mir äuä im März verschickä, mir hürate am 21. Juni 14. Mir machä ou STD-Charte wo de so afang Juni use söttä... I gloubä mir machä d Ameldefrischt rächt churz, max. ei Monet. Wöus d Gäscht ja eigetlech scho wüssä vo dä STD-Charte, de wird ja d Entscheidig wohl nid so schwär falle... Ig ha vo paarne ghört, dass sich d Lüt eh zyt löh bis d Amäldefrischt ablouft, egal wie lang dasme ihnä zyt laht. De machis lieber churz, bi so ä ungeduldige Mönsch...

lilmonkey: schöön bisch ou wieder mal da und hesch d Züglerei guet überstandä!!! So witzig, i bi gad vor paar Täg über d Homepage vo Rembo gstolperet und mi total i die Chleider verliebt. =D Das isch genau dä Stil woni mir vorstellä. Fröiä mi scho wenn de ändlech Zyt chunnt zum ga Chleider aprobierä! Mini Dumä si drückt für dass dir positivi Antwortä überchömet vor Chillä und vo öinä TZ, Bridesmaid und Bestman!!! Ds ganze macht doch no viu meh Spass wemä mit denä Lüt cha plane wome sich wünscht...

@morelia: mir möchtä üsi Flittis de ou über Globetrotter buechä... Wärdet dir ou das Agebot mit dr Homepage näh, wo d Gäst när chöi Guetschiine schänke? Und wüsst dir scho wos söu härä gah? Und wie ischs ir Chillä gsi?

@me: Mir göh hüt abä ou inä Predigt vo üsem Wunschpfarrer i üserä Chillä... Bi scho gspannt wies wird. Mini TZ duet üs begleitä, de hei mir no ä zuesätzlechi Meinig. I ha so fröid, sie isch voll engagiert und intressiert sich mega. Sie het vo sich us gseit, sie wöui mitcho, sie mües ja schliesslech ou wüssä wie die Chillä vo innä usgseht...

so, wünschä öich aunä no ä schönä Sunntig!!!

nicht registriert

mailnchen: zu de location bruch i au kei Tipps meh, Restaurant hämer scho buecht, mir wartet nur no, dass mer chönd Standesamt reserviere und für nach em Standesamt sueche mer no en Caterer wo de Apero macht. Han scho bim Standesamt agfrögt, mir wend de letschti Termin vom Tag, den chömer de Apero grad det mache...

I ca. 3 Wuche werde mer oisi Verlobig bekannt geh und den werde mer woh mit oisne Eltere mal aluege wer alles söll debi si...Bi mir i de Verwandtschaft gits zwei,drüh wo ich nöd weiss ob ich diä söll ilade und bi mim GG isch au nöd ganz klar wer und wer nöd... Bin gspannt die vers. Meinige zghöre vo de Familiene.

Im Summer staht jetzt zerscht no Dhochzit vo mim Brüeder ah, für das bruch ich eh au no es Kleid, denn chan i glichzitisch scho mal weg Bruutchleider go luege sehr praktisch

En schöne Sunntig wünsch ich euch allne.

@malinchen: nei, mir düä säuber äs büechli baschtlä

Hoi zämä,

@morelia: GG het gloubs Schwein gha, dass fasch kei Wasser meh isch ir Pfanne gsi, süsch wäris äuä de Brei worde, sis Glück isch aber gsi, dass es überhoupt no het Wasser gha, süsch wäri di Gschwellte abrönnt... Isch aber ou guet gsi, stellt sech üse Herd zwüsche düre säuber ab...

@Michi: Härzlech Willkomme bi üs! Wäg am Catering chani dr leider nit häufe, isch gar nit mini Region. Aber hie uf dr Site chasch ga gugge, nach Dienstleister sortiert nach Dienstleistig u Region.
Wäg de Iladige, mir hürote am 15.03.2014, gseit hei mirs de Lüüt im Januar (hei Früechplaner drbi), verteile/verschicke tüe mir dIladige bereits so im Juli, müesse üsere Obelocation bis ändi Ougust, afangs September bscheid gäh, wäg de Übernachtige, hei drum 10 Zimmer provisorisch reserviert. Zyt zum amälde, wärde si äuä öbe 1 Monet ha...

@lil: Willkomme zrugg! Zügle guet gange? Düme drücki i Dr gärn!

@Malinchen: Und wie isch dr Gottesdinest gsi?

@me: Mir hei dGästeliste mit sim Mami no düregugget, u es isch nit di blödischti Idee gsi, hei eh no Adressene brucht, u si het paar mau nachegfragt, aber hei de ou gad mit ihre chönne gugge, wäg lüüt wo mir ni sicher si. Wettis das Wucheändi no mit mim Vater u mire Stiefmuetter agugge, ha ir Familie no so Lüüt wo ni nit sicher bi.
Di Wuche gugge mir jtzt no wägem Material für dIladigkärtli, u mit am Nachbar wäg am Text drucke...

@lula: cool... de geits ja mega vorwärz bi öich!

@sue: hihi, langsam hani würklech z gfüeu i mües mir dä weddingplaner ono bstellä... We du dä sogar mit nimmsch id Feriä mues er ja guet si.

@me: Ja, GG hets ou gfaue ir Chille und er het sogar mitgsungä bi dä Lieder. Bi froh, jetz chöi mir dr Pfarrer de mau kontaktierä. Er het sich geschter äbä no gad mit andernä Lüt unterhalte u mir hei nid wöuä drzwüschä funkä.

Was hesch denn alles i die Böxli dritue? I findes ebe u e herzigi Idee, aber ich weiss eifach nöd eso recht, wasi denn söll dritue? Aber villicht chöntisch du das jo nomol chli ufzelle, denn chönti bi dir echli abluege und chämti selber au no uf es paar Idee...