@nisliker: wow, das tönt würklech cool!!! Bi de gspannt uf Föteli we dir öii individuellä Ringä heit...

@lilmonkey: cool, bis grad ga googlä! Gseht troumhaft us öii Location! Isch sicher ä gueti Wahl...
Mir ischs ähnlech gangä bevor mir üs entschiedä hei gha fürnes Resti, ha gar ke Lust meh gha ga Sachä azluegä wöu mir so vielnä Ortä si gsi. Ha scho dänkt gha mir finde nüt meh wo passt und beidnä gfallt.

I bi ou am trainierä für mis Troumchleid... =D I ga sit knapp eim Monet is Fitness und i bi würklech sehr zfriedä. Ds Gäld lohnt sich! I ha mi vorhär immer zwungä zum ga Joggä, aber has o überhoupt nid gärn gmacht und bi wägem Asthma aube fasch abglägä... Jetz het mir ä Coach es Programm zämägstellt wo einersits Chraftüebigä enthaltet zum d Muskulatur ufbaue, anderersits es Usduurtraining zum Fett verbrätlä. Er het sich am Afang zyt gnoh für nes Gspräch woni ihm ha chönnä erklärä was mini Wünsch si, wasi gärn machä und was weniger etc. Ahand vom Plan chani jetz sälbständig trainierä, jetz gits de no es Kontrolltraining wo er luegt obi alles richtig machä vo de Bewegigä här aber süsch bini frei. Choschtä tuets mi 80.- / Monat. Das ischs mir würklech wärt, das Gäld würdi süsch äuä dümmer usgäh.

I ha es paar Üebigä fürä Buuch und Oberschänkel woni ohni Grät mues machä, aber i weis nid rächt obi die guet cha beschribä...

@STD-Charte: I gloub mir düe bidä Chillä/Apero Gäst chli individuell luegä obs notwändig isch ihnä STD-Chartä z gäh. Minä Arbeitskollege z.B. möchti gärn eis gäh, hingägä dä Studi-Kollege gibi de erscht d Iladig (die vergässe ds Datum ou mit STD -Chartä wieder, haha).

lilmonkeyme
gratuliere!! gäu isch es super gfühl weme sone grosse punkt endlich cha abhäkle....ha scho dänkt mir finde gar nie öpis und ds immer wider sueche isch ou langsam verleidet aber de isches um so schöner weme öpis findet;O)

nisliker
ou bi de ou gspannt ufd ringe:O)

das weekend chunnt e fründin zu üs und mir werde grille und d sunne gniesse und i freue mi gad und hoffe dass d sunne de würkli fürechunnt

@ training für das Traumkleid: Also ich mach es ganz einfach: ich lebe die nächsten Monate einfach von der Liebe Ist echt effizient, in wenigen Tagen gertenschlank... (Vor allem wenn man seinen Schatz nur 1x pro Woche sieht)
Entschuldigung, ich konnte das nicht mehr zurückhalten...
Ernsthaft: ich finde es gut, dass ihr alle was macht, aber ehrlich gesagt bin ich sooooo froh, dass ich da glücklicherweise keinen Stress hab. Mein GG findet, ich hab ne Traumfigur und ich bin eher an der Untergewichtsgrenze...
Seid mir also bitte nicht böse...

He, super, as dr Ringe gfunge heit @nisliker. Aso ebe, me isch jo hie ging für Fötelis zha *hinthint*

@lilmonkeyme: Ja, gäu es duet uh guet, wenn me sone grosse Poschte cha abhögle!

Wucheändi
Wird mau widr stressig, afangs muessi schaffe morn, när simr zumene Geburi iglade, woni äue diräkt aschliessend ane gange u am Sundi heimr mini Schwägerin in Spe und ihre Fründ zum Grille iglade u so Bilage, Apero und Fleisch vorbereite brucht mängmau oh no grad chli Zit. Aber ig hoffe, ig chume übrmorn glich drzue, mis "Inspirations-Board" zmache oder emu azfange. Wenni öpis Vorzeigbars ha, stelli de nes Foto ine. Mau luege, was GG seit, wenn ig plötzlich widr e HZ-Afall ha, bi drum ir letschti rächt ruhig gsi

Training
Ig go i Unisport Einisch pro Wuche es Training ire Gruppe mit emne Leiter wod Übeige vormacht. Isch uh asträngend, erscht wird ufgwärmt u chli öpis fürd Usduur und die koordinative Fähigkeite gmacht (wo ig übrigens keini ha!) u när mache mr Muskelüebige, aber ohni Grät odr so, efach nur mim eigete Körpergwicht. Zum Teil sis Üebige, wo i dene Shape-Heftli oh fingsch, odr aube oh ganz klassischi wie Ligistütz u Rumpfbeuge (aber ging verschidni Variatione drvor, drmit alli Rumpfmuskle müesse schaffe). Ha eigentlich unabhängig vom Hochzit drmit agfange, wils eifach nid cha si as ig nid i dritt Stock cha laufe ohni is Schnufe zcho Aber wes de druf use lauft, as ig besser i mis Wunschchleid inepasse, hani oh nüt drgäge. Langsam machts ebe oh fasch chli Spass, drum goni etzt de äue no es zwoits Mau pro Wuche. Wil es duet eifach scho mega guet, sech chli zverusgabe, wenn me dr ganz Tag nur hocket odr steit. Wobi... bi geschter im Training gsi und wenn mir hüt öpis a Bode gkeit, muess es scho mindischtens nes 50er-Nötli, si drmit ig mi drno bücke, wil ig so schlimm Muskelkater ha!
@kleinefeder: haha so härzig! Es sich do eh so, as mir alli i üsne GGs Auge e super Figur hei, odr?