Morge zämä

@Biber: Mir hei fürs Ässe am Apero Fr. 14.- p.P, rächne mit de Getränk ca Fr.20.- p.P
Luut am Caterer setti das öbe de ufgah. Muess aber säge, mir hei ou "nume" Wasser (mit u ohni), Cola, Bier u Wisswy (wüu me ja das fasch muess, ämu lut GG) u Citro für Panache.
Für Kiddis gits Sirup

Oder meinsch i Mängeagabene? Frag doch süsch mau e Caterer wo Dir is Oug gfasst heit.

ah guet de hani da ned falsch igschätzt mer hend vörs apero no kene beni ebe no am omeluege ond vergliche danke der vell mol

Guete Morge zäme

so hüt wider chline abküehlig nach dene summerliche Temperature;O)
ha Gestern am Burgäschisee mini 3 Bridesmaids agfragt mit dene Kistli und si hei mega Fröid
gha und zum Glück alli ja gseit;O)

Kennt öper vo euch in Dütschland oder süsch nöime in Europa e gueti Adresse für Bruutkleider/Abendkleider wo evtl. gad chline Uswahl het? mir wette drum das äuä de mitemne verlengerte Weekend oder so verbinde...

liebs Grüessli und e guete Start i Tag

Hallihallo ihr Lieben!

Nach 3 Woche mäldi mi au ändli widermol zrugg! Und han doch tatsächlich 10 Site Forum verpasst.. Probiere mol chli no z’läse :p

Danke allne, mir händ mega tolli Ferie gha in NY isch echt en mega idrücklichi Stadt hammer gsi :) Und gneug gshoppt hämer natürli au ;) Momentan isch bi mir im Gschäft chli es hin- und her und weiss drum au ned wie langi das no mitmache.. Mal schauen…

@sue: jo so papierfächer hani gmeint wär voll schön so farbig passend i öisne 3 farbe und uf jedem stuehl en andere fächer wär mega schön oder? :) jo ich han die aisle runner uf www.etsy.com gfunde! Mega schön de vogelchäfig wod vo djerba heigno häsch! :) hey und woooow sooo härzig & schön was du gmacht häsch für dini TZ & bridemaides! So öbis weti au mache obwohl sis jo scho wüsset trotzdem möchti no öbis offiziells schöns bastle bruche nur mol chli zyt dezue!!! Aber echt hammer! Do händs sicher meeeega fröid gha! :) in freiburg gits glaub no es guets gschäft „moda sposa“ heissts d’cousine vo mim GG isch det go s’chleid poste :) www.at-moda-sposa.de/ und sust isch glaub istanbul no hammer für hochzytschleider :) wär au en idee hehe müessti aber mini türkischi kollegin mitnäh sust zocke si di ab ;))

@delfinchen: hey gratuliere zur ufnahm bravo! :)

@malinchen: jo ich glaube wär echt en gueti idee :) muesses mol mit mim amore bespreche :)

@lula: wägem TZ thema: do würdi ufs buchgfühl lose, öber wo dich guet kännt & weiss was dir gfallt, wänn si no guet chan organisiere umso besser… wieni gseh häsch di entschide super si häd sicher voll fröid gha oder? :)

@la_chimera & michi86: härzlich willkomme! :)

@lilmonkeyme: gratuliere zur location! :)

@biber: suechsch en apérolocation oder en caterer? Mri zahlet um die 35.- pro person für ässe & getränk und zwar inere toplocation am see… chunt halt immer drufa was für extrawünsch hädmer…

Chleid: bi mir muesses nedso schlicht si ;) aber au ned meeega übertribe das gfallt mir au gar ned - ich wet es trägerloses so sidige stoff also ned tüll sondern de glänzigi do aber ned schneewiss sondern wie heisst die farb eifach das weniger wiisse wiss ;) eierschale oder so? :p und sicher schöni stickereie, chli blingbling wär au schön, kei schleier, schleppe au eher ned weissi aber nonig 100% muess dänn go probiere ;) über de reifrock hani mir no kei gedanke gmacht – müessti dänn glaub usprobiere :)

Mitbestimme: ich wet au chli de überblick bhalte und s’wichtigste sälber plane – allerdings bini offe für spili wänn si ned pindlich sondern lustig sind :) mir händ binere kollegin wo vor 2 johr ghürotet händ en powerpoint präsi gmacht mit fötelis vo damals und dezue lustigi sache verzellt so öbis fändi no härzig :) soferns ebe ned pindlich isch ;) chochbüecher & hochzitszitige findi au öbis ganz schöns! :) mini TZ häd mediewüsseschafte studiert und schribt super texte, also so öbis würd si sicher no gärn mache ;) d’gstaltig chönt dänn allefalls die eint bridemaid übernäh ;) falls si dänn möchtet hehe ;) ah und was ich unbedingt möcht sind die schöne japanische ballön do stiige loh finde das sooo romantisch :)

Abnäh: jo das isch au so es thema :p ich wet au scho laang so 5 kilos abnäh oder so dänn wäri zfride aber muess mi echt mol is a.. chlemme :p wets au für mich mache aber d HZ isch scho en mega asporn! Ich spile volleyball aber nur mit dem gohts glaub au ned… söt wider chli avo salsa tanze – mir macht halt ned jede sport spass.. is fitness würdi genau 2x goh unds wider loh si kenne mi.. isch halt gaaar ned mis ding.. und gsund ässe dueni eigentli sowiso gärn und meistens… drum versuechis glaub mol mit regelmässigem muskeltraining und am obig kei cholehydrat ässe… sobaldi mi nämli z’fest unter druck setze klappet bi mir gar nüt meh :p

So jetzt hoffi bini wider chli ufem nöiste stand :) wünsche öich allne es schöns weekend!

Liebs Grüessli

malinchen, ou Oslo tönt ja mega cool? wie si de die Chleider priislech so gsi (falls das gseh hesch)?

laprincipessa, super heiters so guet gha z NY!! was isch de los im gschäft...? ou merci füre link, gange de gad mal go luege;O) jaaaa istanbul wäri super.....wäri ou no e Idee de chöntme gad e wuche ferie drus mache;O)

liebs grüessli

@Michi: Daher hei mirs guet breicht, mini TZ chunnt us am Gastgwerb, GG TZ macht mit Licht u Ton...

@malinchen: Oh cool, e Polterparty, da weigeret sech mi GG... jänu, e klassische Polterobe wott i nit. Git eifach de es gmüetlechs Wucheändi mit dr TZ, wenn GG am poltere isch.
Das geit üs allerdings ou so, mir hei zletschte Wort, ämu meistens...
Über nes Budget hei mir ou no nit gredet, i hätti aber gärn Ballön, u soferns kenner piinleche Spieli si, liegt ou das no dinne. Mau gugge, wie mirs de mache.

@laprincipessa: E hoi, di gits ou nou... Jep, bi mega froh...