@lil: Ig trinke so guet wie kei Alk, u mini TZ weiss das, daher gheie Suffspieli eh scho wäg.
Wellnesse fändi super, eifach es Wuchändi gmüetlich chli entspanne, chli si, dein ässe us üs lah guet gha...

@FringillaVigo: Europapark wäri scho cool, wetti scho lang umi gha, aber i bi ebe nit so dr Bahnemönsch. Im Winter wäris sicher mau troumhaft, wetti gugge obs das Jahr mi GG würdi mitmache.

Guete Morge zäme!

Heiter es guets Weekend gha?? Heiter öpis Hochzitstechnisch gmacht??
bi mir isch am Fritig d Clutch gliferet worde -meeeeeeeeeeeega schön si gfalltmer extrem...
cha würkli light in the box sehr empfehle zum öpis bstelle...

bi üs isch das weekend geburi fyre agseit gsi und nid viu hochzitstechnisch gloffe..
wett hüt abig aber widermau chli dehinder;O)

liebs grüessli und e guete Start!

Hoi zämä

@Sue: Momou, chli stressig, aber süsch ganz guet. Si am Samschtig no ga ds zuegschnittene Papier für dKartene u dCouvert ga reiche. Jtzt chani afe fallte u Couvert aschriebe.
Cool, gits es Foti?
Hesch Du Geburi gha?

Hmmm... Mi GG närvt sech gad ab de ganze Vorbereitige, es isch ihm eifach gad aus chli zviu...


@Malinchen: Ohhh jööö...

Du zeichnisch dIladig fürs Zivile säuber? Weiss drum ebe gar nit, ob i fürs zivile ou es Kärtli söu mache, oder ob mirs eifach nume mündlech säge.

Loufe tuet gad nit so viu, fah äuä de eifach mau ah, dCouvert aschribe, u dKartene falte, eifach das ig für mi zGfüehl ha, es geit was, GG isch ja gad nit so mit Begeisterig drbi...

@malinchen: Mau gugge, i hoffes!
Stimmt...
Du masch mir Sorge, muesse mir äch fasch glich no Iladige mache?! Muess dass, iwenn mit mim GG agugge...

@ lula: mi gg duet gad glich. vo sich us chunnt eifach nüd zum thema hz. mir hei ja no viu ziit, seiter geng. u allei ds planä isch ja o nid dr sinn vor sach. i findä eifach, wemä scho so früeh drannä isch wi mir sötimä doch das usnützä u nadisna chli öbis vo dr "to do-lischtä" abhagä, de hesch o ke stress. wemä iz aber für nes wiili gar nüd macht, hesch de schlussändlech dr ganz stress glich...

@Sue: Dämfau nachträglech no aues Guete zu Dim Geburi!!
Im grosse u ganze hei mirs sehr guet. Ihn stresst haut eifach zPlane gad chli, zumaus mit sire Schwöschter gar nit eifach isch...

@morelia: Bi bau froh, geits nit nume mir so. I mein es geit nit mau meh es Jahr... klar mir si scho es Zytli gäng umi drane, aber glich...
Jänu, hoffe es chunnt chli besser.

@malinchen: Müessets eh nach de offiziele Iladige verteile. Wüu dIladige göh ja mitti Juli use, Zivile chöi mir aber ersch mitti September reserviere.
Ideene hani ebe scho ziemli sehr viu gsammlet, aber ebe, im moment wott er gad gar nüt wüsse. Fah jtzt de eifach mau ah, Iladige falte, mau gugge, viellech packts ne de glich no
GG wott sech de drum di Ideene aube ou no lah düre Kopf gah, u de chunnt er umi mit ere andere Idee, u de chani umi vo vore afah... Bi ja froh wenn er sech ibringt, aber so chöme mir eifach nit fürschi...