nicht registriert

Ich heirate im Kanton Luzern, Ebikon.

nicht registriert

Lula: Bei einer Kollegin von mir war es auch so, dass Sie alles organisiert und geplant hatten für die Hochzeit, aber den Standesamts Termin konnten sie erst 3 Monate im voraus vereinbaren. Sie hat drei Monate im voraus Morgens um 8.00 Uhr angerufen und den Termin bekommen... Gehört wohl auch ein bisschen Glück dazu, wenn die Fristen so kurz gesetzt sind...
Ich hoffe du bekommst deinen Wunschtermin

Zuletzt bearbeitet am 28.04.13 21:05

@Standesamt: Ja, das isch hie ds Bärn chli doof. Aber i gloub im Fau nid, dasses es Problem isch! Wedä grad alütisch a däm Tag wod Frischt ufgeit bechömet dir sicher no ä Termin. Mir hei ja eher spontan d Idee gha, scho das Jahr ds Zivile ds mache u hei när dänkt mir frage eifach mau ob no ä Termin frei isch, u hei när sogar no chönnä usläsä vor Zyt här (mir hei jetz am haubi 4i amnä Fritig, die Terminä si ja gloub no rächt beliebt).

Mir hei am Mittwuch ds Ehevorbereitigsgspräch, bi ja mau gspannt...

@Lula: Gratulierä zur 1. Hochzyts-Bstellig... Was hesch de bstellt?

@me: Bi mir rennt d Zyt im Moment... Irgendwie söttä mir jetz glich no paar Sache fürds Zivile vorbereitä (numä chliises Züg eigetlech, aber glich) und ou süsch geit gad nid viu näbem Studium. GG het am Samstig d Präsentation vo sirä Abschlussarbeit gha, dä isch jetz de fertig und het hoffentlech jetz de chli meh zyt zum öppis organisierä.

Und was heit dir HZ-technisch so vor ir nächschtä Zyt?

Wünschä ou aune ä guetä Start id Wuchä morn!!!

nicht registriert

Lula: Han au scho chli umebastlet a Chartene , aber ich bstell glaub lieber druckti, bin nöd so talentiert und geduldig Bin aber immer wieder interessiert a guete Ideen

@lula: Ja ds Standesamt ar Loupestrass mit em Puff ungerinnä isch nid sonä schönä Standort. I ha für beides agfragt, u es hät ou ds Bümpliz no Termine gha. Aber mir göh jetz glich ad Loupestrass. Es isch üs ja nid so wichtig u de hei mir weniger wyt für zum Apéro... Hesch dir scho usgrächnet wenn dass de chasch alüte?

Soviu i weis düe si d Zytä all haub Stund abietä... Auso immer am haubi u zur vollä Stund. När chamä wählä ob me ä churzi oder ä usfüehrlichi Zeremonie wett, die churzi geit ca. 10min, die längi 20min. Aber für die Infos chönntisch sicher jetz scho alütä, de chönntet dir öich scho chli Gedanke machä und 1. - 3. Priorität festlegä oder so...

D Embossing-Technik fingi hennä cool... Bi de gspannt obs funktioniert, v.a. mit de Stifte!

@Michi: oh cool chasch scho chli ga Chleider aluegä... Hesch scho öpis gseh wo dir würd gfalle?

@me: Auso uf üserä To-Do-Listä isch no:
- d Apéro-Location reservierä
- ds Menu fürds Ässe besprächä (reserviert hei mir aber scho)
- es Chleid näihä (längt wahrschinlech nümme) oder choufä
- ev. Pass / ID bstellä (weis äbä gar nid obi das mues, i bhalte ja mi Name???)
- Iladige fertig bastle u verteilä
- Partner-Ringä uswählä (oder süsch irgend öpis wo mir denn chöi ustuschä)...
- mi GG möcht no es nöis Jacket choufe
- ufd Bank es gmeinsams Konto ga eröffnä
- d STD-Charte fürds chirchlechä HZ fertig bastle u verschickä (u für das müessä mir no mega viu Adrässä zämätrage)
Jaaa, öpe so gsehts us... Guet die meischtä Sache si eigetlech schnäu erledigt, aber irgendwie füehli mi jetz glich grad unter druck. Mues de gloub no chli öpis a üses OK delgierä.

sooo, i wünschä öich ä schönä Abe! =)

@lula: ja dr Standort isch würklech schrecklech. Aber mi Ex het äbä ds Bümpliz grad ir Nächi vom Schloss gwohnt, drum gani no bau lieber ad Loupestrass...

es geit äbä scho nümme lang, am 21.6. giuts ernscht

GG het jetz morn dr ganz Tag frei gnoh, dr Termin ufm Standesamt hei mir am haubi 10ni. De chöi mir när no id Stadt ga luegä für Ringä, ufd Bank und no chli ga shoppä. Ds Standesamtchleid isch mir glich wes GG scho gseht, de chani ja vllt für mi ou no grad ga luegä. När göh mir ir Apérolocation eis ga zieh u de chöi mir no grad reservierä. U de isch scho ä Grossteil vor Pendenzäliste abghäglet...

Für eis z näihä müessti äbä mau gad es Weekend zyt ha u wöui no die blödä Exkursionä vor Schuel ha a de nächschtä Samstige wird's äuä würklech äng. U weni när im Stress bi drwägä machts mi o ke Spass u de hani när am Schluss gar ke Fröid meh dranne.

I bhalte mi Name u GG sine. I weis o nid, cha mir eifach nid vorstellä mi Name abzlegä. U für GG wärs ou blöd gsi, wöu er rächt viu Gschäftskontakte het u de ischs für ihn ou eifacher wenn er sinä bhaltet. Usserdäm isch GG's Name nid sooooo dr Hammer. Eismau hani zwar zum Gspass mau mini Unterschrift mit däm Name usprobiert u es hät nid mau so doof usgseh. Aber i lahs jetz mau so, faus i de plötzlech (ev. we mir glich mau Chind wettä) anders würd entscheidä chanis ja immer no änderä. Choschtet haut när extra...

Bi de würklech gspannt uf öii Chärtli. Dr Prototyp het ja scho super usgseh...