| Bräute 2014 |
|
|
1 .. 80 .. 158 159 160 161 162 .. 580 .. 997
|
30.04.13 17:35
Lula 
|
Re: Bräute 2014
@malinchen: Ah ok, ja de isch scho nit so schön. U e andere externe Trouuigsort im Kt BE heit dr de ou nit wöue?
Hee, wieso äbe, i würdi mi ämu riesig fröie, "scho" das Jahr dörfe hürote. Wieso heit dr nech de eigentli entschiede, zZivile das Jahr zha? *gwunderbin* 
Ou das tönt super bi öich. Wünschti mi GG nähmti sech mau e Tag frei, für dKärtli... Aber gniessets ämu de, bi de gspannt.
Gsehsch, de isch ja di Liste scho gar nüme so gross... 
Ja guet, de lahsch es besser lah si, isch ou schad, wenn di närne nume drüber ufregsch!
Chönnti meh dr Name würkli später no wächsle, gar nit gwüsst. Koste tuets ja immer... 
Oh jöö, merci viu mau!
|
|
|
|
|
|
|
|
|
|
|
|
01.05.13 22:46
malinchen
|
Re: Bräute 2014
Juhuuu zämä...
Sooo, mir si auso hüt uf däm Standesamt gsi. Ds Gspräch isch vou easy gsi, müesst auso nid nervös si. (GG het fasch nid chönnä pfusä letscht Nacht...  ) Mir si härä cho u hei üs bim Empfang agmäudet, när isch üs d Standesbeamtin cho abholä u het üs i sones chliises Rüümli bracht. Det hei mir zersch no mau es Formular müessä usfüllä mit de Personalie u bestätige dass mir freiwillig hürate unds ke Schiinehe oder so was isch.
Luschtig hani gfungä: Sind sie adoptiert? Ja / nein / weiss es nicht... 
Aschliessend würd no mau ä Info cho wägem nöiä Namensrächt, aber das hei mir ja scho aues gwüsst und üs entschiedä, drum het sie das när übersprunge. Am Schluss het sie mit üs no dr Ablouf vor Trouig besprochä. Es isch so, dass d Churzvariante sogar numä 5 Minutä geit u die längi 15! Mir hei üs für die Churzi entschiedä. Denn fragt sie no wie viel Gäst das ca. wärdä awäsend si, dass sie chli wüssä wägä dr Bestuehlig. Jaa, das isch es in etwa gsi... Si knappi 30 Minute dert gsi. Wemä die längi Zeremnoie möcht, fragt sie äuä im letschtä Teil no meh was dr Ablouf ageit.
Aschliessend si mir no ufdr Bank ga gmeinsami Konte eröffnä u hei när bimnä Kaffi no gad besprochä wie mirs wei machä i Zuekunft mit em Gäud. Bis jetz hei mir aues strikt trennt gha u vo Monet zu Monet aues 50-50 zaut.
U am Nami hei mir no chönnä d Apérolocation ga reservierä. Ha auso paar Pünkt uf mirä To-do-List chönnä abhäglä. 
@Sue: Hmm, ä Deko mit Lampions oder Fakle oder so würd sicher mega cool usgseh im Waud. Aber wie d Lula seit muesch äuä scho chli luegä, dasses nüt isch wo cha afah brönnä (auso ömu nid die Teilä wo nid söttä), isch när o blöd we dir no die ganz zyt müesst druf ufpassä...  Je nach däm wie d Waldhüttä mit Strom usgstattet isch, wär e elektrischi Liechterchetti vo däm här fasch praktischer!
Ob dir Unterhaltig weit oder nid, isch no schwierig zum sägä. Chunnt chli druf a, ob dir Gäst heit wo sich eh guet kennä und sich säuber guet chöi beschäftigä, oder obs villecht guet wär wenns zwüschä dürä irgend ä Ablänkig würd gäh?! Es Füürwärk wär ja villecht ou öpis, wo dir guet säuber chönntet organisierä (bruucht mä aber gloub ä Bewilligung wenns nid gad am 1.8. isch... )
|
|
|
|
02.05.13 00:11
lilmonkeyme
|
Re: Bräute 2014
@malinche: das mitem adoptiert sii nö wüsse hani au grad müsse schmunzle, aber werum müends wüsse ob mer adoptiert isch? Was macht das für en unterschiid? Fröge nume so doof, da ich adoptiert bin.
|
|
|
|
|
|
|
|
02.05.13 11:27
Lula
|
Re: Bräute 2014
Hoi zämä
@malinchen: Jöö, isch doch ou mega süess vo Dim GG!! Uh, di söue de nume nüt komisches finde, GG isch adopdiert... U i chönnti äuä "weiss es nicht" akrüzle, bi nämli nit überzügt, dass mini Eltere würlli miner Eutere si, aber löh mir das.
5 Minute?? Isch aso doch gad chli sehr kurz... Was hesch de mit 5 Minute für ne Ablouf? Da geit ja nit viu.
Mir si gloub scho nes komisches Päärli, mir hei das iwie nie gha, das strikte trennte. Mir hei eifach aube abwechsligswiis zahlt.
Füürwerk wäri sicher schön, aber im Wald äuä nit gad gäbig...
@lil: Gloub muess das mau mit mim GG agugge, das mir üs da afangs chöi informiere. Oder hesch Du scho aglüte?
@Sue: Muess das mau agugge, wobi e 8er Kutsche ebe nit würdi länge... U ei Teil mit dr Kutsche u dr ander mit PWs isch ja ou chli doof?!
|
|
|
|
|
|
|
|
1 .. 80 .. 158 159 160 161 162 .. 580 .. 997
|
Anmelden
