Kutsche
Lula, ha gad gseh es isch gar kei 8er sondern e 12er Kutsche, weiss aber nid ob das ner bi öich
würdi länge?;O)

Unterhaltung
Malinchen, das Werwolfspiel tönt no luschtig?? bis mau go google;O)mir wäre aber äuä fasch z viel lüt mit über 30?

i gloube i bi de ou für di churzi Version bim Standesamt....aber mau luege was mi GG dezue seit....;O)

Ha mir gad d Ohrringe fürs zivile bstellt bi Zalando und si si acho und die bhalti gad;O)
ha mau es Bildli i ahang ta..;O)

Mini Trouzügin het ize anschinend Poscht useglah für mi Polterabend und i probiere us aune öpis usezchutzele aber funktioniert nid..ha nid gern überraschige bi VIU z ungeduldig für so öpis;O)

Datei-Anhänge

Foto (3).JPG (24x) Mime-Type: image/jpeg, 99 kB

@Sue: Ds Maximum wo igs fang gspielt ha si 20 Personä. Es git erwiterigs-Set womä cha choufä, de chamä eigetlech so viel Personä wie me wot lah mitspielä. Je nach däm gits när eifach meh Wärwölf (Auso bi 10 Mitspieler si am beschtä 3 Wärwölf, bi 30 würdi i also 8-10 Wärwölf mache). Es isch eifach wichtig, dass alli Mitspieler zämä chöi diskutierä, me sött also chönnä imnä Kreis sitzä oder so. Vo däm här wärs viellecht eher es Problem?! U was ou no wichtig isch, dass dir ä Spielleiter heit wo ä gueti Stimm het, we när so viel Lüt ä hitzigi Diskussion füehrä muesmä sich chli chönnä düresetzä...

Aber d Idee mitem Lotto findi eigetlech ou nid schlächt?! Dir chönntet ja Priisä machä wo d Gäst när am chirchlechä HZ chöi ilösä (i nimä a, dass d Gäst vom zivilä vorussichtlech ou alli ads chirchlechä chömä?!)... Ei Priis chönnt z.B. sonä Eiwägkamera si wo sie när denn chöi Föteli machä für öich, ä Guetschiin für nä Tanz mit dr Brut / mitem Brütigam etc.

D Ohrringä gfallä mir mega guet!!! Was leisch de süsch für Schmuck a? U nimmsch jetz das Chleid wodä mal hesch zeigt?

Machet dir dr Polterabä scho vorem Zivilä?

@Lula: Wärwolf isch würklech es mega luschtigs Partyspiel... I has ou scho mit Schüeler gspielt, i gloub das chunnt bi aune Altersgruppe guet a. D Charte bechunnsch z.B. im Chlätterbär z Bern, aber die chasch sicher ou i onlineshops bstellä. (z.B. da: http://www.weltbild.ch/3/17604615-1/spie...umsedition.html) Das isch ds Grund-Set, es git när äbä no Erwiterigä mit zuesätzlechä Spezialcharakterä u so.

Ja, das gloubi dass das ä Astoss cha si das doch mau nachezforsche... I verstah irgendwie beides, auso we mes nid wett wüssä, aber ou dasmä d Härkunft wetti kennä. Isch halt würklech schwierig.

I dänkä eigetlech dases würklech praktisch unmüglech isch. Mi Brüetsch und ig gseh üs sehr ähnlech und da er 7 Jahr jünger isch aus ig hani d Schwangerschaft vo mim Mami denn mitbecho. I ha (inzwüschä) es sehr guets Verhältnis zu minä Euterä und dänkä, dass sies mir gseit hättä.
Sie hei eifach mau gseit, dass sie scho im Adoptionsverfahre drinne si gsi, wo mis Mami när doch no mit mir Schwanger wordä isch. Und ir Pubertät het die Story mini Fantasie beflüglet u i ha paar mal Zwiifel gha. Aber i gloub das ghört ou chli zu däm Alter drzue...

I fingä Eheverträg ä gueti Sach. Wenn öpis passiert isch när vieles eifacher und me mues sich nid no um so rächtlechs zügs kümmerä.

@Sue: oooh cool heit dir ä gmeinsame Abe! Mir grillä ou bi jedem Wätter, hei grad gester mit zwöi Kolleginnä dr Grill agworfä. We dr Summer nid wot cho, machä mir das haut ohni ihn...

Ah cool, de hesch ja scho fasch aues zämä!?

Nei, i ha no nüt gfungä... Mir hei ou nümme soo viu Zyt gha wöui no ä Termin bir Podologin ha gha. I gloub i mues de mau mit dä Mädels ä Shopping-Tag machä.

Mir machä bim Zivilä aues chlei Mini: Ä Mini-Polterabä numä mit dä ängschtä Fründä, äs Mini-HZ mit Elterä, TZ und ihri Partner, Mini-Honeymoon 4 Täg ds Kopenhagen....

Aber mir machä äbä sowieso nid ä traditionellä Polterabä sondern ä gmeinsame. Mir kennä üs scho sit 16ni u hei fasch nur gmeinsami Kollegä. Usserdäm hani viu wichtigi Männer und GG viu wichtigi Frouä wo ja när nid chönntä drbi si. Und am luschtigschtä ischs immer wenn mir alli zämä öpis machä...

Aaaaaahh, i möcht hennä gärn ad BEA!!! Aber i weis no nid obs längt...

@Spiel: Sorry Frouä, i ha grad gmerkt i has verwächslet. Ds Spiel hani vor Spielchischtä, nid vom Chlätterbär (isch ou ä Spielzüglade): http://www.spielkiste.ch/home.html

@Lula: Hmm, es git natürlech verschiedeni Gründ es Chind zur adoption freizgäh und i dänkä das fallt keirä Mueter liecht. Aber äbä, es isch enorm schwierig sich i sonä Situation inä z füehlä we me d Hintergründ nid kennt. Verstahs ufnä Wäg ou dass di GG nix meh wot wüssä vo sirä biologische Mueter...

@Ehevertrag: Guet Erbschaft und Schänkigä göh bir Errungäschaftsbeteiligung outomatisch ids Eigeguet vom jewilige Partner. Aber wenn ei Ehepartner stirbt müessä ohni Ehevertrag d Erbe (also d Chind und wenn keni Chind si d Schwiegerelterä) uszahlt wärdä, und wenn me z.B. es eigets Huus het chas si, dass das mues verchouft wärdä für dasmä denä ihrä Ateil cha zahlä.

@Weekend: Ig mues morn mal wieder ga Wanderä mit dr Schuel, wird sicher super bi däm Wätter! Und am Sunntig bsuechi mini Elterä... Hoffä es isch schöön, de chönnti mitem Bike ga.

Ah cool... I verwächslä die äbä immer - kei Ahnig würum.

Ja, mitemnä Vertrag sit dir uf dr sicherä Sitä...

Genau, i fröiä mi scho hennä uf üses Träffä!