hallihallo allersits!

puh chume jo chum meh zum noläse momentan aber probiere jetzt glich mol chli antworte z'gäh ;)

bi mir gits eigentli nüt nöis bez. HZ dur das gstörm mitem job isch das halt eifach chli in hintergrund grütscht momentan aber chunt dänn scho wider.. han mol no am pianist gschrebe wägere offerte jetzt bini gspannt :) und als negsts möchtemer öis mol füre fotograf / videograf entscheide! Videograf findet min GG jo absolut übertribe aber ich wetts halt unbedingt :p han au abote das sälber z zahle das wetter dänn aber glich ned.. aber das weti eifach unbedingt stell mir das sooo schön vor nacher als erinnerig au no i 20 johr ! =)
ah und ich han no ufem standesamt basel aglütet wäge öisem wunschtermin: leider sind mir viiil z früeh! Erst im herbst, gäge ändi johr chömer wider afroge hmm das schisstmi grad chli a so lang z’warte!! Und wenn mer dänn früehzitig dra sich bechuntmer eifach de termin am 10ni am morge oder so das isch jo au doof ned? Dänn chasch ned go znacht ässe sondern eher zmittag :/

@malinchen: jo isch immerno chli müehsam das ganze :( hoffe bin gli wider motivierter und cha mi wider mit schönerem beschäftige wie ebe z.bsp. hochzytsplanig ;) jo volley isch scho en super sportart aber stimmt scho, han au nie würkli abgnoh mitem volley komischerwis!! mitem tanze (salsa) scho eher!! jo sägs ned die cheibe chohlehydrate :p bin ebe amigs eifach zwenig konsequent das isches... und wooow hey komplimänt öichi iladige fürs zivile sind jo meeega schön! =) you got talent echt! =)

@Polterobig: also ich werde eifach mini engste kolleginne ilade und nehme a mini TZ organisiert dänn öbis mit de bridesmaides ;) loh mi überrasche hehe si wüsset scho was si döfet mache und was ned ;) was ebe au no cool wär isch es weekend irgenwo hi also es polterweekend irgend in ibiza, amsterdam, barcelona oder wo au immer ;)) aber ebe do müesstet alli das au welle so eifach es ladies weekend zäme und 1 obig devo wär dänn quasi mi polterobig mol luege ob das z’stand chunt ;)

@sue: oh geil dini blingbling schueh! =) passt natürli super zo dim clutch! ;)

@biber: mir stellet öis die glich frog momentan au ;) für öis wärs sicher au keis drama aber im 9. Monet wetti jetzt aber au ned grad si und i de erste 3 isch ev. au doof vorallem weisch jo ned was wänn dir dänn immer schlächt isch? drum glaub doch eher warte aber anderersits wärs jo glich schön ;)) aber wie machsches dänn mitem chleid und so ideal wär hürote und dänn grad schwanger werde ;)

@lil: gseht jo echt ganz cool us die lollis und töpflis :)

@gmeinsams konto: mir zahlet jede monet je 500.- uf öises gmeinsame konto i, vo dem zahlemer ässe (mir händ au eher vil gäst und chaufet dänn tüürs fleisch oder fisch i), gmeinsami aschaffige (also au mol es nöis möbeli oder es nöis duvet oder en grill oder weiss ich was, stromrächnig, billag, rächtschutzversicherig, allg. alli gmeinsame rächnige usser mieti oder au gschänk chaufemer mit dem chärtli und wämer id ferie gönd düendmer z.bsp. s’bargäld womer bruchet au vo dem konto näh oder händ au scho wochenändtrips vo dem zahlt also sehr flexibel… und das langet natürli super händ au immer chli förigs und ziil wär eigentli scho dassmer bis zum hochzyt au uf dem konto no chli gäld gspart händ womer chönd bruche.. mieti zahlt mi GG chli meh als ich, wil er au meh verdient – finde das prinzip vo dir fringilla aber no rächt cool und au sehr fair! Nach de hochzyt wüssemer ebe au nonig wie das wird si obmer alli konti zämelegget oder ned.. wänd sicher kein ehevertrag das isch für öis beidi klar – zwar vilicht unvernünftig aber stimmt für öis beidi so.. und wänd chind häsch muessmers dänn sowiso nöi aluege wäge gmeinsams konto und so…

So ich wönsche öich bi dem super wätter no ganz en schöne obig und die vo öich wo au düend grilliere: en guete! ;)

Budget
Auso 500.- würd üs ou nie länge. I bi ja no am Studierä u mir schwümmä ou nid im Gäud, aber bim Ässä spare fingeni doof... Mi GG darf fasch keni Cholehydrat ässä wöu er druf allergisch isch, u de gits halt meischtens Gmües und Fleisch / Fisch / oder Milchprodukt. Das isch halt scho mal tüürer aus ä Packig Teigware. Mir isch äbä ou sehr wichtig wo dass z Züg här chunnt, gad bim Fleisch, Milchprodukt und Eier luegeni druf dasses nur CH-Produkt si, bim Gmües luegi o druf dases wenn müglech Saison het u nid weis nid wie viel graui Energie druffe het.
Mir hei drfür ä günstigi Wohnig, ke TV, keis eigets Outo (GG het es Gschäftsouto wo mir ou privat chöi bruchä wes nid grad fürnä Europa-Reis isch), machä günstigi Feriä, göh fasch nie irgendwo i Usgang wos Itritt choschtet etc. Da chame ou viel Spare.

Mir maches nachem HZ so ähnlech wied principessa het gschribä. Hei de eifach no es Sparkonto wo mir när loufend dr Überschuss vom Hushaltskonto wei druf due plus ä fixä Betrag pro Monet.

Spiel
Ds Dog isch würklech super!!! Da hei mir ou scho ä Sucht-Phase dürä gmacht... Wasi ou cool fingä isch ds Tichu, kennet dir das?

Bea
I fingä d BEA no luschtig, aber mir göh halt meischtens mit paar Kollegä und es het scho fasch chli Tradition. Usserdäm si GG und ig mega Wy-Fans und de göh mir scho numä einisch für ga Wy z degustierä.

Ja gäu, es git viel Müglechkeitä zum Spare. Da müessä halt alli sälber Prioritäte setzä... Mir göh o nid immer grad ids Usland we mir Feriä hei. Reisä zwar mega gärn, aber mängisch gniessis ou eifach chli hie z sy, ga Wanderä oder eifach ufem Baukon z liegä. Weni irgendwo id Feriä gah, wotti när müglechscht vieu erläbä u gseh u de bini fasch kaputter weni hei chumä us wie vor de Feriä...

Ds Tichu isch es Chartespiel womä ds 4 spielt, 2 si jewils zämä übers Chrüz. D Charte si ähnlech wie Poker, aber es git no 4 Zuesatzcharte. När geits eigetlech drum, so schnäu wie müglech alli Charte chönnä z spielä und ähnlech wie bim Jasse, müglechscht die Charte wo viu zeuä z gwinnä.

Lueg süsch mau hie: http://de.wikipedia.org/wiki/Tichu#Die_Sonderkarten

Oder "Hose abe" isch aube ou no lustig, u mit am ne Isatz vo 1.50 je Rundi ou no vertretbar

@FringillaVigo: krass, wie machet dir das??? Das si ja weniger aus 100.- pro Wuchä! Mängisch fragi mi scho ou für was mir so viu usgäbä. Aber äbä, mir sparä ja süsch viu, vo däm här ischs jetz nid so dass mir när grad pleite wäre. Aber chli meh für Angers spare wär haut glich schön... Im Moment ischs halt ou schwieriger dr Überblick z ha wöu mau GG geit ga ichoufä u mau ig. Aber wenn ig ichoufe gibi immer so zwüschä 20.- u 30.- us, und i gange 2-3 mau pro Wuchä u GG öpä ou. We mir de ds gmeinsame Hushaltskonto hei, hei mir de ou ä besserä Überblick.

Ds einzige wo mir würklech druf luegä zum spare isch keini Süessgetränk z choufä u stattdessä Wasser mit Sirup z trinkä. Chunnt ou viu günstiger... u wenns no säuber gmachte Sirup isch, ischs mega lecker...

laprincipessa, ou wäri de ou gspannt betreffend Infos zu dere offerte vom Pianist;O) ha kei ahnig wieviel das öppe kostet...

BEA
chame ar BEA wyy deguschtiere?? das hätti gar nid gwüsst...;O)

SpiliMalinchen, Tichu hani no nie spilt aber devo ghört, isch das nöime es Chinesisches spili??
Lula, was isch de Hose abe??;O)

Grill/Holzchole
auso mir grilliere immer mit Holzchole...finde eifach alles het sone richtige Brätli-Gschmack weme mit Holzchole grillet;O) ir vordere Wohnig z Bern ir Stadt heimer nid döfe, de heimer e Elektro-Grill gha aber ize z Burgdorf dörfemer;O)