@Fringilla: Aso uf Aktione gugge mir ou. U i versueche aube u e Wucheplan zmache, aber im Moment schitteret dä gad chli. Aber no denn, gäbe mir aube meh us.
U säuber mache, tüe mir eh viu säuber, scho nume wäg mire Zöliakie. I zahle haut de eifach ou für 1 Kilo Mehl, je nach Mehl, zwüsche 5 u 8 Franke.

I ha gar nüt gäge Holzkohle, aber GG isch haut dr Hölzig, u für ihn tuet me nume mit Holz richtig grille. Ha aber vori gad es Rezept gseh, für ne Brate uf am Grill, u so müessti äuä ou mi GG uf Kohle zrugg grife...
I wetti so ne Füürstell/Grill: http://maxmona.ch/de/p/garten-grillen/grillen/feuerstellen/feuerstelle-oe-92cm-hoehe-142-4255238.html

@Sue: Ja chame, ganz viu sogar...
Hose abe isch es Spiel mit Jasskarte, es brchunnt jede 3 Kartene, u 3 leisch i dMitti. U närne muesch müeglechst viu Punkt ha. Chasch mit de Karte ir Mitti wächsle, entweder eini, oder aui drüü. Wenn Du für di gnue Punkt hesch, oder nüme chasch wächsle (wüu du muesch i jedere Rundi wächsle) de klopfisch, de cha jede bis zu Dir no mau wächsle, u de wird gugget, u dä wo am wenigste het, muess zahle, wess mehreri breicht, zahle haut mehreri. Mir spiles immer mit 3 füfzgi, u de chasch no ne Rundi Schwümme, närne geisch use. Wär gwinnt, brchunnt dfüfzgi. Chasch natürli ou mit meh oder weniger spiele, isch super, gad ebe wüus viu chöi spiele.
Hoffe Du chunnsch no nache
Was ou gäng luschtig isch, wenn de zviu oder zweni bisch für ne Schieber, isch e Coiffeur Jass

@Fringilla: Ja i findes würklech cool wie viu dir chöit spare! ou we mir ä Wuchäichouf mache choschtet dä meischtens scho so um die 100.-!!! Villecht sötti i däm Fall ou üsi Gfrüri meh nutzä... Mir hei dert eigetlech numä so "Notfallässä" (Pizzas u süschtigä Fertigfraas), Glace und Frücht woni ha igfrorä drinnä.

Mir hei das mitem Wuchäplan ou ä zyt lang probiert. Aber das funktioniert bi üs definitiv nid. Mir läbä viel z spontan... GG het oft Gschäftsterminä wo rächt churzfrischtig si und de isch er plötzlech glich nid da zum Znacht oder mir triffä üs mit Kollegä und de wird's z spät oder so. Drum luegä mir meischtens vo Tag zu Tag was mir wei. De chöi mir drfür vo dä 50% abegschriebenä Sache profitierä wo nümme länger chöi verchouft wärdä wöu ds Datum ablouft...

@Lula: Aaaaah, das isch Hose-Abe... Mir hei däm immer Knack gseit. Das isch würklech ou es luschtigs Spiel!!!

@Sue: Ja, mir "liidä" äbä ou unter däm Holzchohle-Verbot ds Bärn. Aber i bi mitem Gasgrill eigetlech glich rächt zfriedä. Ä Kollegin hät sonä Mini-Elektrogrill, und det ischs när würklech wie us dr Bratpfanne...

Ja, ds Tichu het vom Design här öpis asiatischs, aber obs würklech vo dert chunnt weisi nid.

@Fringilla: Mou Teigware göh scho, aber eifach spezielli, u de zahli pro 250gr eifach viu zviu. U de isch es ebe ou nit würkli gspart. Drfür gits viu Riis (wüus eifach dr bescht isch vom Benz, dä Luxus gönne mir üs!) u Härpfu.
Je nach je, chönnti GG gloubs scho no überzüge, Holzkohle zbruche. Aber ebe, sHolz hei mir gratis.

Suppe mache immer im ne riise Topf, de tüe mir dr Räschte igfrüüre, u hei so gsunds Fast Food. Oder weni Spätzli mache, machi ou gäng zviu, für i TK, oder ebe im Summer ga Beeri läse, u se ikoche.

Merci Aber ebe es stimmt scho: chunnt mega ufd Prioritäte a, wo me het. Gibt vil Sache wo mir üs ume ganz sälte leischte, wo für angeri eifach drzue ghört oder oh umgekehrt. Finges oh ging interessant, zghöre wie angeri das alles mache. Vorallem, wil mir i üsm Fründeskreis die erschte gsi si, wo zäme zoge si und de het me dert emu nie Tipps oder so chönne becho und es isch de oh nes Wiili gange, bis mr gmerkt hei, as wenn me stur aues im Coop chauft, me de vil meh usgibt

Jetzt isch mr grad no öpis angers i Sinn cho: hüt vor genau 9 Johr hei GG u ig üs kenne glernt ha ihm das geschter gseit (är würd sich jo nie a so Date erinnere) und, är meint nur so "Hm, heisst das mir gö zum 10-jährige go ässe?"

Fringillavigo, und siter nöime schöns go esse?? gratuliere auso ou...

so mir chöi hüt d Ameldig as Standesamt schicke! hüt Nami gangi zure Fründin vo mire Muetter wo Schneiderin isch go ds Standesamt-Chleid bringe wo si mir apasst und süsch werde mir das verlengerte weekend hochzits-technisch am Sunntig no Fründe ilade womer der Maa frage ober würd fötele am Standesamts-Fescht und d Frou öb si würdi es Lied singe am Standesamt-Fescht...

und dir so??

@Sue: merci! haha, jo ig bi go ässe, GG nid: ig bi mit ere Kollegin ungerwägs gsi hei eh nid vorgha das gross zfiiere, es isch mr oh erscht die Wuche ufgfalle und GG hätts gar nid erscht gmerkt. Aber ebe, är het gmeint nächscht Johr zum 10 Jährige de...