Hey zämä...

@Sue: coool, de sit dir ou scho ei Schritt nöcher am Zivile... Und wär natürlech hennä cool we die zwöi würdä Zuesäge!!! Drückä dir d dümä...

@Lula: Wüsst dir de scho welä DJ und weli Organistin dir weit? Mir hei Pfarrer und Organistin ou no nid, numä fang ä lääri Chillä... I ha äbä irgendwie ou chli Hemmigä denä zwöine azlütä, weis ou nid wieso, aber cha irgendwie di GG chli verstah... Aber isch klar dasses di närvt, wenns sis Jöbbli wär und ers immer usestüdelet.

@me: Mir hei geschter d Iladige für ds Zivile a üsi Euterä gschickt, bi de gspannt was sie drzue sägä... U morn hei mir es Träffä mit üsem OK, mir göh id Abä-Location ga Brunchä, de gseh sie grad wos isch und mir chöi dr Ablouf vom Zivile besprächä. Fröiä mi druf!
Aber süsch wir äuä HZ-mässig o nid viu loufä bi üs. GG het am Mänti Geburi und de steit das no chli im Vordergrund. I vergibelä die ganz Zyt scho fasch bisi ihm ändlech sis Gschänkli cha gäh! Bi viu ungeduldiger aus är säuber, geit das öich mängisch ou so?

@Haar:
Kennt öpper vo öich ä Coiffeusä ir Region Bärn wo guet mit Lockä z schlag chunnt??? I bi hüt morgä ga d Haar schnidä bi mirä auerliebschtä Coiffeusä woni sit 5 Jahr gange und o schreck - sie isch schwanger! Isch zwar schön für sie, i ha mi hennä gfröit drüber. Aber sie wird när nümme schaffe... Und jetz bini gad chli ratlos, wie ni i eim Jahr söu öpper fingä wo mini Haar schön cha frisierä! I ga im normalfall numä so au haub Jahr ga schniide, d.h. i ha nur 2 Versüech.

@malinchen: Organistin nähme mir die vor Kirche hie. DJ hei mir zwöi lehre kenne, hätte aber no ne dritte, wo ig gärn würdi lehre kenne, u däm setti GG ebe alüte!!
Er "muess" ja süsch nit viu mache, aber es git haut eifach Sache wo er söu mache, oder zmingst söu häufe.
U wenn de Mail schribsch? Mir hei hie e Pfarrer u ne Pfarrere, er isch nit so uf üsere Wällelengi (aber GG het zGfüehl gha, e Trouuig segi mit am ne Pfarrer), u isch a üsem Datum verhinderet... Het de zur Folg gha, dass es üses "aliege" a sie het witergleitet, u sech de si bi üs het gmolde, aso ou via Mail, u so findis aube no easy. Viellech wäris ja für Di so ou eifacher?!

Di chöi nume Fröid ha! I mein Du hesch so troumhaft schöni Iladige gmacht, da cha me sech doch nume fröiie?
U das mit morn tönt doch super! Mir wei de mau mitneh ga nes zNacht ässe i dObelocation.

Was gits de für Di GG? Aber i cha Di beruhige, i bi genau glich? GG verzwiflet aube bau eher ab mir.

I bi zfride mit mire Coiffeuse, bi aber ou ersch afe einisch gsi, da i mit dr andere eifach nit zfride bi gsi. Bi aber drfür belohnt worde, bi zerschte mau sit 20 Jahr nach am Coiffeur zfride gsi. Ha aber kenni Locke, aber viellech chämis mau uf ne Versuech druf ah?

@malinchen: Jep, isch scho so.

Ebe ja, warte säuber nit gärn uf so was, u isch ja närne ou blöd, wenn mir dr x wetti, u am y absäge, u närne dr x scho nüme cha, wüu er zlang nüt vo üs het ghört.

Ou cool, bi froh, si mir nit di einzige mit pracktische Gschänkli. Aber er wird sech sicher mega fröie, aber i verstah Di total dass de mega nervös bisch.

Klar, schribe dr e PN, kei Problem.
Och nee, das isch ja de ne mega Quark.
Wäri aber sicher ou mau was, e Brut mit Kappe...

Jaaaaaaaaaaaaaaa!!! I wäri vou drfür!! Wott de eifach dFotis gseh...

Hallo zäme!

@malinchen: nei so geil! Ha grad müesse lache, woni das Bild gseh ha Coiffeur in Bern kenne ig keine, ig go ging in Solothurn, aber das isch äue zwit. Kenne das, mit unglücklich vom Coiffeur zcho. Isch bi mir jedesmau so gsi, bis ig mini jetzigi entdeckt ha. Und ig go ebe oh nur 1-2 mau pro Johr, do geits eewigs bis e gueti fingsch

@Sue: gratuliere zum Jubiläum! Machet dir de no öpis schöns?
Frisure Tipps...? Wie lang si de dini Hoor? Und wettsch se offe odr ufestecke? Offe fingi mega härzig, wed zB vore es Zöpfli gflochte isch odr so Wasserfall Zöpf: zB SO Oder für Hochsteckfrisure, chani dä Youtube-Kanal empfäle: Cinthia Truong. Isch zum Teil mega easy zum noche mache (brucht eifach ei odr zwe Aläuf), u gseht när grad richtig ufwändig us. Oder ganz eifach und chli unspektakulärer, isch zB die: DUTT Was ig no vil mache, isch vore uf eire Site es Zöpfli, hinge irgende Art vo Dutt, stecke s Zöpfli nach hinge und uf dr angere Site vom Dutt (aso oh hinge) chunnt es Hoorblüemli/Mäscheli oder so dri. So gseht e längwilige Dutt grad viel edler und komplizierter us.

Hoi zämä

@Sue: Härzlechi Gratulation zu öichem Jubiläum!!
Bi geschter im fau ou scho am Siebni uf u GG isch iwenn so gäge di 10ne zum Bett us kroche, u het sech gfragt wie me de scho so wach u ufdrähit cha si...

Es isch e Troum!! U i bi haut eifach aube froh, wenns nit nume mir so geit

U we se so haub offe lahsch, ggf no chli mit Locke, u am ne Blüemli, eifach chli gschmückt, u da cha dr ja ou TZ oder Dis Mami häufe?!

@malinchen: Och du Armi, i GGs Bude mache si eigentli dBrück, aber iwie isch gloub bis uf e Chef aus ir Bude...

Cool heit dr so ne guete Obe gha, u super Timinig wo dr heit gha.

Hoffe Dir hei morn chli besser Wätter, aus momentan gad isch. Gniess es de u ganz viu Erfolg!

@me: Mache no chli Huushalt, u närn machi no chli witer mit de Kärtli, ämu afe mit am Mass azeichne
Bi däm Wätter fauht dr Garte chli flach...