Hoi zäme!

Ich hoffe ihr händ es schöns Weekend gha! :) Ich has richtig gnosse 4 Täg frei z’ha häd richtig guet toh und händ au d‘ Zyt z zwöite chönne gnüsse :)

@fringilla: jöö woow 9 Johr so schön hey gratuliere!! =))

@Lula: cool wäg de Ringe! =) <3 mi Schwigervater in spe häd gester wo si bi öis uf Bsuech gsi sind s’Ringheftli wo als Bilag vom Swiss Wedding cho isch agluegt und öis so gseit, was ihm so gfallt isch härzig gsi ;) Er häd dänn so zom Mami vo mim GG gmeint, dass si sich doch au mol nöi Ringe chöntet chaufe (si sind 29 Johr ghürote ;) also negst johr am 3. Juli genau 30 Johr ;) und mir werdet jo am 5. Juli hürote also wänn das keis guets omen isch ;) voll härzig :)

@malinchen: bin mir sicher öichi Iladige sind super acho! =) händer scho Feedback becho? :) oh jo das kenni au sehr guet mitem ungeduldig si wänns um Gschänkli gäh goht :) wäge Coiffeur kenni nur z’Olte en super Coiffeur woni sit öbe 10 Johr treu goh aber in Bärn kenni leider gar nüt.. aber eigentli scho trurig wännd d’Hoor nachem Coiffeur muesch verstecke söt doch umgekehrt si, dass si nachem Coiffeur am schönschte sind ;) aber haha de Bride Huet isch jo mega cool! :p Und hüt döfsch dim GG jo dis Gschänk go so cool er wird sicher mega Fröid ha :)
Hey voll härzig dis chleidli und mit rote accessoirs ischs jo voll geil hey! :) gseht sicher mega toll us! :)

@sue: oh so schön gratuliere au öich zum 6 Jährige hihi :) hmm wäg de frisur: ich dänke en hochsteckfrisur würd no schön usgseh zo dem chleid oder d’hoor halb offe und en teil ufegsteckt! :) ev. chöntmer uf de site no es schöns zöpfli mache aber für das gosch scho am beste zum Coiffeur usser du bisch sälber voll talentiert oder kennsch öber ;) ich chas immer nur bi andere a mir nie :p

@rebecca85: Welcome i öisem Thread! :) und oooh so mega schön din Atrag hihi :) Chunsch dänn du us de Region Olte / Oftrige? Will ich meinti irgendwer häd mir verzellt, dass en Kollegin vo ihre so en mega tolle Atrag becho häd im Kino vor churzem das müesstisch jo fast du gsi si ;) aber wüsst ehrlichgseit nüme wer mir das verzellt häd:p

@daenu16: au du Härzlich Willkomme! :)

So ich wünsche öich no ganz en guete Räschte und en schöne obig! :)

Liebs Grüessli

Sue87: Wir haben den Termin für das Zivile und das Kirchliche im 2014...ansonsten sind wir immer noch in der Planung!! Mit Deko, Namenskärtchen, Einladungskarten...etc

laprincipessa: Nei ben eigentlich us de Region Zurzach, aber ich schaffe in Aarau und de Ahtrag han ich ja in Ofringe becho!! Chönt guet möglich sii das mer sich kennt! ;)
Wenn hesch du denn diin Termin? Scho alles plant?

au wenich no neu bin doh findis scho sehr lässig z'ghöre a was ihr grad so dra sind.
Sisch eifach toll mit anderne Brüüt usz'tuusche....

Mir händ etz auscho üsi 3 Standbei fixiert (Trauig, Apero, Obigesse) und drum söttemer etz denk au scho bald ad Iladige denke. dGäschtelischte isch gmacht (sind aber bines paar Persone nonig sicher).
Und mir wartet no sGspräch mit dä Fotografin ab am Mi, well bi einere Fotografin wär ebe es Engagement-Shooting debi und das chönntemer doch grad für dIladige bruche.

Wenn gönd ihr go Kleider probiere?

@Fringilla: Ou ja, das wäri doch cool! Säg Dim Chef, Du heigisch am zwöi zBern ä sehr wichtige Termin, wo de leider nit chasch verschiebe, obs äch nit müglich isch, scho ender chönne zgah...
Isch scho quer, Andi isch für mi dAbkürzig vo Andrea. Wie heisst de Di GG?

@dänu: A dr Gästeliste chasch äuä no lang knübble... Bi ou gäng no dranne, wenns nach mir gieng, chönnti meh no paari wäglah, GG het aber zGfüehl, me müessi fasch, es chönnti ja ggf böses Bluet gäh. Het de zur Folg, dass mr Lüüt müesse ilade, wo mir eifach mau so im Dorf gseh, oder au Jahr einisch am ne Quartierfeschtli...

@dänu: Ha mau so a Ougust, September dänkt, wird aber äuä eher September, de bini schön 6 Mönet vor am Hochzyt...

@Fringilla: Isch diverses gsi, leider isch es nit nume schlächtig Stimmig, sondern Terror wo scho guet es Jahr louft, u sit am ne guete haube Jahr wirds gäng wie schlimmer...

@Lula: dir arme! Isch jo mega schlimm, wes scho so lang eso geit!
Sorry, ha dini Frog vori gar nid gseh, schribe dr e PN, GG blibt drum lieber völlig anonym

@daenu: Cha no si, wäg de Liferfrischte. Glaube 6 Monet sett me ganz sicher iplane, aber vilich isches bi Sale-Chleder jo angerscht? Ha do nid so ne Ahnig.
Mir hei öppe e ähnlich grossi Gäschtelischte: plus minus 125 am Apero und 65-70 am Obe. Ig finges eigentlich fasch chli vil, abr ig bi angerersits oh nid drfür as me zB eis Gschwüschterti iladt us angere nid, nur wil me sich sältniger gseht (ussert natürlich me het würklich keis guets Verhältnis). Aber drfür heimr oh einigi uf dr (Gladne-)Lischte, wos mi nid würd erstuune, wenn si absäge, wil si zB usm Usland chöme odr gsundheitlich nid soo guet bi nang si (bzw das emu meine) und ob de oh würklich alli as Apero chöme, wo mr ilade, glaubeni oh nid. Darum frog ig mi grad chli, ob mer bi de Aperogäscht oh ne Amäldig cha "verlange", wil so üblich isch das emu ender nid, odr? Ig ha emu no nie e Aperoiladig mit Amäldefrischt becho.