@FringillaVigo: Isch ämu ou schön!! Was hets de hüet gäh? *gwunderbin*
Hoffe mir blibe mau chli verschont, isch gäbiger ohni Störige u Fählermäldige...

@kleinefeder: z14 mutiert chli zu üsere Zahl, am e 14te zämä cho, im 14ni Hürote - drum. Das hani letscht Jahr gmacht, womr dr Adventskalender ufgmacht hei.
Was het den Din GG brcho?

@me: Mir isch geschter Obe dIdee cho, da i ja eigentli im 13ni ha wöue hürote, u ou sZivile im Winter hätti schön gfunde, mir chönti ja im Dezember 13 hürote, ir Hoffnig, es sigi Wätter wie di Wuche. U wies dr Zuefall so wott, isch dr 13.12.13 e Fritig... Mi GG het fasch überbisse...


So fertig plouderet... I wünsche euch no ne wunderschöne 2. Advent...

Aso min GG hät sich am Zischtig am Wiehnachtsmarkt z Züri (womer üs ganz spontan troffe händ) dörfe e Süessigkeit usläse und hät Kokosmakrone mit Schoggi (igittigit...) usgwählt und die darf er hüt ässe und denn hanem no e Konzertcharte geh für es Konzert i de Tonhale ZH, woni mit mim Chor mitsinge... (Echli egoistisch scho, gell, dass er denn auch sicher chunt go lose :D). Nöchste Sunntig oder so schenk em denn vielleicht no en Guetschii, mir gönd nämli nochher no go ässe und ich chönt in jo iilade
Mol luege. E uh schöni Grawatte het i au no im Chaschte (er hät ebe mega gern so chiki Sache ah und am liebste immer die passend Farb zu minene Chleider :D)... Mol gügsle. Die hani etz scho so lang, das es uf die paar Mönet oder Tääg au nüme druf a chunt..
Jo, au no en schöne Obed... Bi üs schneits mol wieder so richtig schön...

@FringillaVigo: Oh jö, isch aber e herzigi Idee vo Dim GG... Was weit dr bache?

Genau ja, u i hätti mis 2013 drbi, aber GG isch nit so überzügt. Er wettis Zivile us Kirchleche zämä, u i verstah das, bi ja säuber hin u her grisse. U mit DO & SA wäre mir ja beidi zfride, zumau dr DO ja dr 13ti isch, aber ebe, es isch kei Fritig... Kommt Zeit kommt Rat, wird aber wou aus im 14ni blibe. Kenne doch mi GG.

Was hesch Du für nes Vanillegipfeli Rezept. Wüu i bruche bi mim nume sEigelb. U für dMailänderli azstriche bruchsch ja ou nume sEigälb. Das heisst, Schümli oder Baiser würdi sech abiete.Oder magsch das nit? Was sicher ou öbis wäri si Spritzgebäck.

Aso Grille chame ou bi Schnee, hei mir geschter Obe ou. U mir hei kes Cheminee, sondern e Kugelgrill us dr Landi. Isch aso fasch nüt chaut gsi, aber GG het grillet u kochet... Scho dr zwöit Sunntig am Stück, mau gugge, i hoffe mir chöi das bibhalte...

Ebe bi drum ou serigi Rezept ga sueche. U jtzt muess i mir nume überlege ob Espresso Baiser oder Schoggi Schümli.

Isch ja es Adventsgrille gsi, isch ja dr 2. Advent gsi. Mir hei Silvester 09/10 bi üs deheime mit am ne ganze Huufe gSilvesteret, u denn hei mir eifah igfüüret für dRoucher u das es schön warm isch.
U da mir Silvester 10/11 zwar ou bi üs si gsi, aber mit weniger hei mir de ou zFüürli lah si, u 11/12 hei mir de ganz gmütlich zwöit gfiiret.

Wie fiiret ihr Whynachte u Silvester? Au Jahr glich, immer chli anders?

Ah ok, mi GG geit am 24.12 mit sim beschte Fründ immer no ga Whynachtsgschänkli koufe... Lieber er aus ig...
Am Obe si mir de zwöiit, u am spetere Obe chöme de aube no paar Kollege vrbi, für chli zämä zhöckle... 25.12 si mir bi sim Mami, u ja dr Räschte wärde mir gseh, das isch aber zeinzige was au Jahr fix isch. I fändis schön wenn e Teil vo mire Familie am 23.12 vrbi chämti. Mau luege, isch ebe nit so eifach, mini Eutere zämä si e Explosivi Mischig, u das bruchi a Whynachte nit... We will see

Silvester si mir deheime, oder evtl bi sim Mami. Aber mir heis ou gärn gmüetlech, vorauem wetti Silvester mit Lüüt vrbringe woni kenne u ma. Hinzue chunnt das üsi Katz aube fasch düredrähit wenns klepft, u mir denn aube gärn ume si, oder im Verlouf vom Obe eis heichöme. Isch haut üses Bebe, ou wenn das nit immer aui wei oder chöi verstah.
Aber i gseh, mir fiire ähndlich