na, heit Dir aui ds verlängerete Pfingstwucheändi chönni gniesse?
@dänu: Töne aber guet, Diner Tattoos. Hesch scho nes Foti gfunde?
@janedoe: Bitte, gärn gscheh. Hesch scho chli chönne dri gugge? U ou wes Wätter nit mitspielt, es wird doch sicher glich öiche Troumtag!
@morelia: Hei, wie geits Dir? Mir si gad a de Kärtli, wärde afangs Juni mau übere Text gha, u de mit am Drucker gugge... U wenn die mitti Juli usegöh, wei mir üs bim Standesamt mäude (si demnach ca 8 Mönet), mau gugge wäge Infos, und GG wetti ga gugge wäge Ringe... Ah, ar Gästeliste si mir ou no am fiele, ha so einigi Lüüt woni gärn würdi usestriche U bi Dir, wie gsehts us? Wäg am Kleid, ghöre ou zu de plus-size Brütlis, u ha mir es Budget vo 1'000.- gsetzt, inkl. de Änderige, u luut am Hostettler (ha ar MariNatal mitare Verköifere gredet) isch das kei Problem, trotz mine Vorstellige...
@Sue: Geits Dir umi chli besser? Bisch wieder fit? U wenn de eifach mau i di verschiedene Gottesdienste geisch ga lose?
@me: Mir si geschter ganz schön es Stück mit de Iladige fürschi cho! Muess jtzt eifach gugge, wo üser bstellte Stämpel blibe, bruche die, u wenn si nit chöi liefere, muess i süsch gugge
@lula: super siter scho a dä chärtli. fägts? mit het ds baschtlä mega spass gmacht, gg eher weniger. är isch nid so dr baschtler... wenn hüratet ier scho wider?? wi steusch du dir dis chleid vor? mir würdis gfauä obä äng, unger wiit. villech sogar mit korsett. und wiis sötis si. aber was für nä wiiston weisi no nid... das merki de villech bim chleiderprobierä
Isch u spannend vo euch und eune Vorbereitige z'läse und git viu gueti Idee! Mir si im Momänt vor auem mit Chile- und Location-Suechi beschäftiget und am Budget ufsteue... ds Datum isch no nid 100% fix (je nachdäm wie üsi Wunschlocations de äbe verfüegbar si), aber ziemli sicher im Ouguscht 2014.
Süsch hei mir afa d Trouzüge usgwäut (und ihri Zuesag) und Ringe agluegt. Und natürlech vor auem viiiiiiiiu Idee
Sue: mi hets am Wuchenändi ou verwütscht - isch aber o kes Wunder bi dene winterleche Temperature! isch aber gemein gäu, weme scho mau es längs Wuchenändi hätt...
Pfarrer ja isch ebe no chli schwirig bi üs...mi Vater isch Prediger gsi und i bi ire Gmeind ufgwachse...mir isch di kirchlichi Trouuig sehr wichtig und da wetti scho öper ha womer üs wohl fühle und ou üsi Gescht...aber das wäri sicher ds beschte mau gad eifach chli go inelose;O) mi Troum wäri ebe gsi dass mi Vater mi mau trout hätti aber er isch leider nüme da und ize isch das äuä für mi eifach chlines schwirigs Thema wer nehmemer de süsch..!!
Lula, ja merci geit besser aber ize hani no gad d Mens becho und ha Buuchweh und das Wätter und mini Mens-Luune bääähda isches gad ermunternd chli im Forum umezstöbere und vom schöne Wetter z tröime;O) heiter es guets erschts Bruuttreffe gha??
Taeboyana, herzlich willkomme bi üs!! bisch wider ganz gsund?? und was heiter de so für Wunschlocations im Oug??;O)
Sue, das isch zviu... i ha o grad d Mens und d Kombination vo au däm isch nid so glücklech, gäu Aber zum Glück geit das aus vrbi. I bi eifach am hueschte u umeschnüze aber es geit.
Oh das verstahni guet, das isch natürlech chli e schwäri Situation für di... us welere Region bisch du? Chami o mau no chli schlau mache. Mir (aso vor auem ig, wüu mir die kirchlichi Trouig wichtiger isch as ihm) wett mi Pfarrer vo dert woni ufgwachse bi und ig o persönlech guet kenne. Hei no ke Zuesag vo ihm, aber dänke da mir rächt früeh si, sötts wahrschinlech scho klappe.
Locations si mir no nid ganz sicher, aber Region Thunersee oder Gstaad/Saaneland chäme i Frag. Mir hei 2 Jahr z Thun gwohnt und dr Vater vo mim Fründ wohnt in Gstaad. Drum hätte mer zu beidem chli dr Bezug.
La Mariee: Di Atrag tönt sooo romantisch! Ig ha mine im ganz chline Rahme z Oustralie im Camper - bi Räge und ere Fläsche Wi becho. Mir si vo Ändi Februar bis Mitti Apriu per Camper dür Oustralie greist.
jaaaaaaaaaaaaaaaaaaaaaaaaaaaaaaaa Taeboyana - mir bruchte ECHT sunne hüt....;O) Ig chume vo Burgdorf und du? ooh Region Thun - Gstaad isch natürlich super schön... mi Vater isch vo Louene cho und ha no verwandti dete isch troumhaft ou weni nid oft gah... Heiter de scho viel Locations zur Uswahl?
@morelia: Naja, bi am Falte, GG muess schnide... Bi de froh, wenn i bim Embossing bi.. U vorauem bini froh, wenn i se fertig ha... (Hoffe i nime dr ni gad aui Hoffnig) Mir hürote am 13.03 zivil u am 15.03 Kirchlich I wott e Zweiteiler, fühle mi im ne Kleid nit wohl... U ohni Schleppe. Irgend e wiis ton, evtl ou mit farbige Stickereie... Mau gugge. Wo geisch Du ga gugge?
@Taeboyana: Hoi, u härzlech Willkomme bi üs! Juhui, umi ä Berner Brut!! dSue het e Gwundernaseliste gmacht, viellech isch ja das ou was für Di?! http://www.heiraten.ch/forum/board/perso...2_237_3.html#24 Gueti Besserig! Magsch üs no chli vo Dir verzelle?
@Sue: Tuet mir leid mit Dim Vater! Het er de e guete Bekannte gha, wo ggf ou Pfarrer isch, wo de evtl so wer hettisch? Och nee, Dir blibt ou gad nüt erspart! Ja mou, isch mega gmüetlich gsi! Hesch ächt was verpasst Ha dr zwöi Bilder i Ahang ta, eis für üs Berner, u eis zur Ufmunterig...
@chartä: mir hei nis o für nä embossing stämpu entschidä. u zwar uf chartä u couvert. d stämplä heimr scho gmacht. und o ds grungrüscht vor chartä steit scho. iz müessemer no d details machä (schleifä dra, glitzerstreifä u steindli), d couvert aschribä und dr iladigstext uf d spezialbletter druckä u id chartä chläbä.
@chleid: da i vo thun bi, weti gärn ds thun im brautmode und im thessa und thomi luegä. für i eint hätti sogar guetschinä (8x100.-) aber uf jedem guetschin steit "nicht kumulierbar" und i befürchtä äbä dasi nur einä pro chleid cha gä...
@taeboyana: härzlech wiukommä. super dases no meh bärner versterchig gä het
@aui chrankä: gueti besserig
@flitterwuchä: mir wei am mäntig/zistig nach dr hz ga. ig findes irgendwiä doof nach dr hz no 1, 2 wuchä ga schaffä u när id flittis. wemr scho frei für d hochzitswuchä igä, chöi mr ja d flittis gad ahänkä.
Anmelden
Muess jtzt eifach gugge, wo üser bstellte Stämpel blibe, bruche die, u wenn si nit chöi liefere, muess i süsch gugge
Aber zum Glück geit das aus vrbi. I bi eifach am hueschte u umeschnüze aber es geit.
becho. Mir si vo Ändi Februar bis Mitti Apriu per Camper dür Oustralie greist.