Froue, i bruche öichi Hiuf! Mir wette ja ne Puzzle Stämpel, aber i finge nirgends sowas!!
Jtzt si mir am Dienstag ir Papetrie bi üs im Dorf ga afrage, ob si so was chönne bstelle, aber anschienend gits die im reguläre Sortiment gar nit...

Het öber vo öich e Idee?? Oder e Ahnig, wo me säuber cha Stämpel herstelle? Si chönnti eine lah afertige, aber das chämmi uf ca Fr. 45.-!!! U das findi doch no viu, zumaus kei grosse isch
Ah, wichtig isch, er darf nit scho nes Stämpelküssi ha (so wie di Stempel wo mr viu im Büro het), da ig ne zum Embosse bruche...

Lula, lug mau wasi ha gfunge: scrapandstampshop punkt ch/de-2-Puzzleteile Wär das so öpis wie du's suechsch? (i cha leider dr Link nid normau poste, isch nid erloubt)

I ha dert scho paar Mau Sache bsteut und bi sehr zfriede. I weiss wies isch, weme genaui Vorstellige het wasme wett unds de leider nid findet ide Schwizer Läde... Mir mache im Juni es Engagement Shooting und i wett sone Härz-Schiefertafele zum mit Chride drufschriebe (die sött weniger schwär zfinde si) und sones grosses &-Zeiche us Houz... es git se sowou bi etsy wie dawanda, aber mit de Lieferchöschte (we sie überhoupt id Schwiz liefere) chunnts sicher türer, as wenis nöime hie würd finde. Het öper e Idee wos so öpis gäbt?

Ig ha jetz afang d Bestätigung vom Pfarrer, sofern mir üses Wunschdatum chöi realisiere (je nachdäm wie Chile und Restaurant verfüegbar si). Immerhin! Und am 1. Juni heimer no 2 Termine für Chile und Resti/Hotel ga z besichtige. I hoffe, bis Mitti/Ändi Juni wüsse mir scho meh!

@malinchen: hey super danke vilmol für die 2 tolle tipps! Due die 2 apps grad mol abelade und chli teste ;)) cool isch öiches brutträffe so cool gsi! S’negste mol wäri also au sehr gärn debi! ;)

@lula: wow die chärtli werdet jo würkli mega schön! :) dönt ufwändig isch aber echt glunge! :)

@daenu16: danke für de tipp! De hani glaub ade hochzytsmäss gseh in luzärn wennsmi ned tüscht! Gseht au no guet us… ebe s git sooo vil uswahl!! :/ würkli es schöns tattoo häsch! :)

@novia: schön widermol vo dir z läse :) cool laufts so guet mit de vorbereitige! :) wooow gseht jo meeega geil us die location hammer! =)))

Och irgendwie stagniert bi mir d’hochzytsplanig momentan total :( würd so gärn mol es schrittli witercho aber irgendwie goht gar nüt :( und weiss ned mol gnau a wases ligt.. :/ efiach z’vil anders los & im chopf oder so oder z’vil uswahl oder weiss au ned… händer das au ab und zue?? Mich dunkts ihr sind alli immer voll am mache & due und ich chume eifach ned vom fläck :p

laprincipessa, was si de im Moment die Pünkt woder dranne blibet hange betreffend Hochzit? Geit mir mängisch gad genau glich...und mängisch chöme mir no tuuusig sache i Sinn ou gad bi üs ize fürs Fescht nachem Standesamt de August womer ize glich 40 Persone werde si woni ds gfühl ha i heig no soooo viu z tüe und chami für gar nüt entscheide oder so....

I liebe auso das Forum ou

Taeboyana:

---

Hey super, heimer enang gägesitig chönne häufe Merci!

Buttinette und Opitec hani gluegt gha, d Schiefertafele bsteui äuä dert. Aber Bau&Hobby isch e super Idee, ga de dert ga luege.

taeboyana: merci :) mier mached au no es fotoshooting und werded denn au es foti vo det ne. ich ha aber au no kei idee wie gnau...

laprincipessa: danke, finds au cool wider mitläse und mitschribe :)
das wo du säisch känni, ich han jetzt fascht 2 mönet nüt planet/organisiert usw. irgendwie hani eifach kei idee gha und au ned so luscht, will ich ha s gfühl gha es gaht ja no soooo lang. aber jetz isch plötzli wider öpis gange. ich han am wuchenänd no par bilder vo deko usw. wo mier würd gfalle minere family zeigt. plötzli hend all mitdiskutiert, sogar min vater :) ich has mega cool gfunde das all so intressiert und sich all gedanke mached. jetz hani au wider meh freud am plane :) ich glaub das isch ganz normal. hender scho öpis definitiv reserviert?