@novia: Es git ja ou so Caterer wo de gad sZält mitnäh, zum Biispiel er hie... http://www.hirschen-eggiwil.ch/genussmobilch.html
Aber meinsch, Du hesch de no dNärve u Zyt, oder wie ou immer, es Zält zdekoriere?

@Taeboyana: Diad'oro het schöni Ringe! Da i blau so schön finde, gfallt mir vo Titan Factory dLinie mit de blaue Steindli so...
U wäg dr Gravur, würdi mir ou kei Stress mache, üser Fründschaftsringe si ersch nach am ne Jahr trage graviert worde, mi Verlobigsring wird äuä nie graviert...

@Fringilla: Chasch de nit no mau mit ne rede, wäg am umstelle vo de Möbel? I mein, Dir zahlet ja ou was drfür, u de isch das ja wou müglich?!
Mir hei üses Apero ou ir Industrie... Isch eifach zeinzige Ort im Dorf wo me mit sövu Lüüt hicha, wenn me nit is Schloss wott...
Mir hei üs de eifach müesse säge, es isch es Apero, es si ca 3 Stund, u wes Wätter stimmt, hei si e härzigi Terasse u süsch hei mir es super Buffet...

FringillaVigo, hmmmm auso i wäri ize äuä glich "übertribe" wie du dasi für 100.- die Hütte würdi dezuemiete....ussert dir findet no öpis wo gad dusse und dinne mega schön isch.... müesstisch eifach mit dene wos apero vorbereite sicher luege was si meine und ner so EI TAG vorher spötischtens festlege ob Waldhütte oder garte und ner eifach debi blibe komme was wolle;O) bir iladig müesstisch ja nid mal aghe wo dass ds apero gnau isch sondern me chönti das ja de ou ar trouig kommuniziere oder im Kirchenhefli oder öpisem? aber ideal wäri sicher wender süsch no öpis würdet finde wo dinne ou no schön isch...

mir hei das weekend süsch viu gmacht aber Hochzits-Mässig nüt...Morn am 14.30h heimer de ds Langnau ds Ehevorbereitigsverfahre

so wünsche euch no e guete Start id Wuche!!!

merci lula, muess mal luege öbs so öpis au i eusere nöchi gitt.
aso dekoriere würdis ned sälber. ich müesst zersch mal luege wie tüür das alles chunnt. en riiiise ufwand für de apero lohnt sich ja irgendwie au ned...

isch öper vo eu scho mal i dem hochzeitshaus z bad ragaz gsi? lohnt sich das det hi gah?

hiä ds chränzli:

Datei-Anhänge

	1.jpg (30x) Mime-Type: image/jpeg, 88 kB
	2.jpg (6x) Mime-Type: image/jpeg, 153 kB
	3.jpg (10x) Mime-Type: image/jpeg, 150 kB

Da inne isches mega ruhig ide letschte Täg...

Wow Morelia, euchi Planig tönt super und dir sit ja scho mega wit! Ds Chränzli isch würklech sehr schön.

Machet dir d Flitterwuche über Globetrotter a Steu vore Hochzitswunschlischte? Die hei doch das Agebot, dass d Gescht när e Teil ad Flittis chöi zahle as Gschänk. Mi würd das äbe sehr interessiere, wüu mi Schatz und ig scho 6 Jahr zäme wohne und würklech hushautstechnisch meh as gnue usgrüschtet si!

I ha no chli nach Save the date Vorschleg gsuecht und ha öpis Cools entdeckt: anstatt ere Charte so Fotomagnet mit Save the date druf... chame bi etsy oder printerstudio.de rächt günstig bsteue und i fänd das no originell... mau luege was mi Schatz drzue meint.

Morn Abe heimer no Besprächig mit mire Kollegin womer zum fötele wei. Sie isch e Hobbyfotografin, aber i ha scho es paar Shootings mit ihre gmacht und finde se super. Sie wird o ds Engagement Shooting mit üs mache. I hoffe natürlech, dass sie üs es guets Agebot wird mache

Süsch freui mi vorauem uf üsi Ringe womer bsteut hei und ufe Samsti, wemer Locations gö ga aluege und i hoffe, dass mir üs de chli chöi entscheide und scho Chile und Resti bueche. Aus Angere isch bi üs no nid so dringend.

Lula, chasch du eigentlech säge, ob die säuberbaschtlete Chärtli günstiger chöme aus druckti? Bi üs isches ja no gad nid aktuell, aber bi mir afa so chli am überlege, was schön wär. I bastle eigentlech no gärn, aber hätt Angscht, dassis zweni schön (bzw. gnue perfekt für mini Vorstellige ) härebechume. Dini gseh auerdings mega schön us. Aber ds gnaze Materiau wome brucht, choschtet ja o Einiges?

D Fotomagnet uf Vistaprint hani o agluegt, choschte aber ab CHF 9.50/Stück (u das no abegschriebe), uf printerstudio.de ab EUR 1.19/Stk. u ohni Versandchöschte ab däm Totaubetrag! Wär vielech würklech öpis...