@Taeboyana: I würdi Dir das mega gärn säge, es nämi mi nämli ou Wunder; u i cha Dir ou vo vielem säge wie tüür dass es gsi isch, aber bim Papier weiss is no nit. Mir hei ja zPapier vo üsem Nachbar wo früecher mau e Druckerei het gha, u jtzt eifach no für privati, wo ner kennt, was macht...

Zahlt hei mir bis jtzt (u i gloub so gnau wettis nit wüsse)
Fr.80.- für dMarkene (si aber ou scho die für dDankeskartene dinne, u mir wüse nit ob mir würkli aui bruche... Hinzu chunnt da no eis Porto für us Australie)
Fr. 101.20 für di zwöi Stämpel, 2x Embossingpulver, 2x Gelschriber, 1x Stempelkissen u 1x Embossingstift
Fr. 59.- für e Heissluftföhn
Fr. 36.40 für e Puzzlestempel
Fr. 49.80 für di blaue Bänder (chöme am Schluss um dIladige umme)
Fr. 30.70 2x Embossingpuler

Git aus i auem Fr. 357.10

I däm Betrag inne si aber, Portoköste ou scho dinne. Was äuä no drzue chunnt, si ca Fr. 40.- für e Stanzer. Dr Stanzer verkoufe mir aber närne ggf umi. Dr Heissluftföhn chani für witeri Kärtli umi bruche, genau so zEmbossingpulver. U dr gros Stempel, wie di zwöi im Glück, verkoufi de umi. U ebe, bi de Markene bruche mir äuä nit aui, u Markene chasch ja immer umi bruche...

Hoffe i ha Di nit gad gschockt...

I findes haut eifach persönlicher, zumau i ou dWhynachtskärtli immer säuber mache.
U dPocketfoldskartene chasch ja ou scho vorgfertigt koufe, u nit mau so tüür.

Wow, das tönt ja super bim printerstudio, bi gad ga gugge, muess das im Oug bhaute.


Ha no gad rasch e Frag, i hätti ja zivile am liebschte nume mit de TZ gha, GG wott aber Eltere u sini Schwoscht drbi... U anstell vo mire Muetter chömme miner Groseltere.
U mir si scho das viu zviu...
jtzt het aber mi GG gseit, dass für ihn eigentli ou sini beschti Fründin drzue ghört... (er isch bi ihrem Ziviler drbi gsi, das isch aber viu früecher gsi, das si schwanger isch gsi u bi beidne Toufine) Wie gseht ihr das? Wenn würdi se für ihn aus Überraschig ilade, das wäre aber umi zwöi meh?!

Ahhhh, ha no was vergesse...

Ha mau no für e Pritt so (3x) Nachfüll Kleberoller kouft (di hani aber immer was deheime)Fr. 15.60
U de hani no nes Falzbei u ne Schniidematte kouft, ca Fr. 30.00

@novia: ja mir hüratä o am 24.5. mir wei so am mäntig/zistig nach dr hz id flittis ga. mir gö id usa ad weschtküschtä. u dir?

@taeboyana: mir machä säuber äs wunschbüechli u nid eis über globetrotter. mir wei eis baschtlä da mini groseuterä u anderi gescht nid si interneterfahrä si. aber o wüu mir gärn wettä baschtlä. düe när gäudbeträg für d flittis dri. mir weis gad so gstautä wimr d routä planä, das d gescht o gseh womr dürä gö. wo göt ier id flittis?

@lula: nei, i wet kener wiisä rosä. aus houptbluemä weti gärn lila hortensiä. gärn mit schleierchrut u fäderä wi ds chränzli. am liebstä chuguförmig und mit spitzä um d stänglä.was wetsch du für bluemä? ah, di fläschli... mir hei d idee ka uf jedä tisch äs holzplateau ds steuä (di hani scho kouft ar bluemebörsä, so im vintage-style). das wei mir mit sand füuä und 3 vo denä fläschli miterä lila schleifä zämäbindä. dert chömä när d bluemä dri (lila fresiä oder hortensiä oder flider, bi mr no nid so sicher). und natürlech cherzli. da heimr idr ikea di ganz chlinä glesli kouft wo gad äs recheaud-cherzli dri ma.

ja i weiss mir si früech drannä, aber äs macht so super viu spass. womr üs im november verlobt hei, hätti gärn ä herbscht hz im 2013 ka. aber das isch gg ds früech gsi, und är het o ke herbscht-hz wöuä. äs isch für mi immer no nid so eifach, hät gärn dises jahr scho ghüratä u mit hibbelä agfangä. aber gg wot no kener chind i nächschter zit. und i hätt doch so gärn scho äs eigets schätzeli... aber d planig macht so spass u i fröiä mi so mega uf d hz dasis so chli vrdrängä.

Morelia: Dir heit würklech sehr schöni, kreativi Idee. Tischdeko tönt o super! I gloub bi üs chönnt das scho ga mit dere Site vom Globetrotter. Grosseutere si vo mire Site (leider!) keni meh da und vo GG nur no 1 Grosi, dere chönnt sicher öper häufe. U d Generation vo üsne Eutere isch eigentlech sehr versiert was Internet abelangt. Aber mir hei no Zit, üs das z überlege. I würd u gärn uf Hawaii, 3-4 Wuche Inselhopping mues aber GG äuä no drvo überzüge I bi definitiv ds grössere Reisefüdle und da mir ersch gad afangs Jahr 7 Wuche si z Oustralie gsi, het är zGfüu mir chöige de nid scho wieder so lang id Ferie...

Oh i verstah di guet was ds Thema Ching ha abetrifft! Mir pressierts no nid meeeeeeeeeega, aber we mir de mau ghürate si (i ha immer gseit, dassi wott hürate bevor mir Ching hei), müesse mir vo mir us nümm warte... aber i bi o scho 30i gsi und wett haut nümm jahrelang warte. I gloub GG gsehts aber sehr ähnlech. Häb Geduud, uf z Mau stimmts de für ihn o.

Lula: I bsteue o nid gärn vo DE, wes mit höche Versandchöschte verbunde isch. Aber so? I gloub i ungerstütze d Schwizer Wirtschaft no gnue... Oder wieso isch är drgäge?

Sone Kombi vo Foto u säubergmacht wär äuä perfekt. Mues eifach no die ideali Lösig finde...

Bim chirchleche isch für mi klar, dassi am Abe lieber ohni Ching wett. Während dr Trouig dörfe sie gärn drbi si (mi Göttibueb mues schliesslech d Ringe bringe!! ), aber am Abe wetti i auer Rueh chönne fiire u dass aui Gescht s' o i voue Züg chöi gniesse. Drum fändis äbe fasch chli gemein, we sie am Ziviler o nid dörfe drbi si... müesse üs das no überlege. Wieso isch de d Schwo vo dim GG gäge ds Hochzit??

Lula, mir si wieder mau glichzitig gsi Hihi, vielech gits de Ändi 2014 es paar schangeri Bürtlis da inne de chöimer de zäme übere zum Thema Schwangerschaft etc. zügle

Taeboyana:

---

Lula, mir si wieder mau glichzitig gsi Hihi, vielech gits de Ändi 2014 es paar schangeri Bürtlis da inne de chöimer de zäme übere zum Thema Schwangerschaft etc. zügle