morelia: ah soo cool denn hemer ja s gliche datum mier wänd au grad nachem hochzit id flittis, aso vorallem GG hed das so welle
mier wüssed noni gnau wo hi. sind mal am luege für botswana/mozambique, aber isch sehr tüür aber wär bis jetzt euse favorit. südamerika wär au no en option, nur isch det schwirig wenn mer nochli schöni strandferie will ahänke.

han hüt d offerte für d chärtli übercho und min GG isch iverstande. juhuuuu jetz freu mi uf de prototyp :)

hey zämä...

sorry, i ha im Moment fasch ke zyt fürs Forum. I ha gli Prüeffigä u mues no paar schriftlechi Arbeitä fertig schribä. Usserdäm isch geschter ä Teil vor Dechi i üserä Chuchi abe cho, wöu dä obä üs ä nöiä Gschirrspüeler het übercho, numä hei d Monteurä d Dichtigä vergässä dra z due...

Trotzdäm hanis hüt gschafft üsi STD-Charte fertig z machä u z verschickä. =) Das hani aus Alass gnoh mau ä eigetä Thread ds erstellä:
http://www.heiraten.ch/forum/board/versc...cks-15_226.html

@Morelia: wow, die Blueme gseh mega schön us!!! Di Kombination gfallt mir sehr guet...
Dir sit ja würklech grad es grosses Stück vorwärts cho! Schön wemä wieder öpis cha abhäglä, gäu?!

@Taeboyana: I dänkä scho dases nid viu günstiger isch wemä d Chärtli sälber macht. I gloub das lohnt sich würklech numä, wemä ou Spass dranne het chli z bastle... Süsch närvt me sich numä und isch am Schluss mitem Resultat nid würklech zfriedä. De git mes lieber irgendwo in Uftrag.
Hawaii wär sicher mega cool fürd Flittis!!! Und isch doch egal wenn dir ersch gad wyt wäg sit gsi, fürd Flittis muesmä doch chli öps speziells mache.

@Ziviler: Mir wei am Ziviler ou ke grossi Sach drus mache. Drum hei mir jetz z.B. GG's Schwoscht nid iglade, obwohl dr Brüetsch drbi isch (er isch TZ) und d Elterä ou. Cha scho si dass sie sich chli usgschlossä füehlt, aber es git när eifach sonä Chettäreaktion sobaud me no öper drzue nimmt sött me de dieser ou fasch etc. u de isch me gli mau bi 30 Personä...

@Taeboyana: Bi gad rasch ga gugge, isch ja hammer schön derte!!
Aber ja mit chliner Wohnig u fasch keim Garte, isch natürli scho nit so gäbig, trotz am ne Smoker. Mir hei drfür ä grossi Stube, u ne Garte (hätti ne gärn grösser) aber kei Smoker...

@novia: Uhh, bi ja scho gspannt uf öichi Prototype

@malinchen: Ämu de afe viu Glück für Diner Prüefige!
Verzellsch de wie dReaktione si, uf öichi Iladige?

@Morelia: Würkli es mega schöns Chränzli…gfallt mir uuuh guet
Westküste USA isch SUPER! Mir sind grad im Summer 2012 gsi. Die Kollegin vo mir wo id USA usgwanderet isch (vlt hesches mitübercho wieter vorne im Thread, mir hend es Fründschaftstattoo) wohnt ebe in California ade Küste! Ich bin scho mehrmals gsi.

@Taeboyana: Mir wetted das au eso mache, dass dGäscht über e Wunschliste chönd ad Flittis anezahle. Mir wohned au scho lang zämä und händ würkli scho alles.
Das mit dä „Save the date Magnet“ isch jo uuh kuul ! Würdi grad au mache wenn mir etz nöd eh scho alles fix hetted und drum schickemer ebe glaubs grad im Juni/Afang Juli scho dChärtli.
Wegem selbermache bini genauso hi- und hergrisse wie du. Ich finds au uuuh schön und wie gseit persönlich zum dIladige selber mache, aber es Foti isch ebe au total schön und sEngagement-Shooting chömemer ebe gschenkt über.

@Lula: Mir hüroted au im chlinste Chreis bim Zivile. Also Trauzüge und Eltere. Han aber e Fründin vo mir au sooo gern welle debi ha und han sie drum eifach gfrögt ob sie würd Föteli mache

@Malinchen: Sind sehr schön worde euri „Save the Date Chärtli“! Han gar nöd gwüsst dar mer das chan dMarke mit Föteli. Isch jo super! Und MEGA das ihr EIS Datum händ!
Ich glaub mir händ chli en ähnliche Gschmack bide Hochziitsfarbe
Mir nämed rosa, mint und petrol und wie mir ja scho usegfunde händ gfallt mir Vintage aus uuuuuh super!

PS. Ich mach au mit bi dem Schwangerschafts/Mutti-Thread im 2015

Klar, mir hüroted jo im April '14 und nocher chömmer jo scho chli üebe. Würd ebe au gern grad knapp vor 30gi no Mami werde (April '15 wirdi 30gi)

naja 30gi wirde ig im Juli 2018, aber i ha gäng vor 25 wöue Mami si, u das wird im Juli dr Fau si, u somit unmüglech...

Chunnt de haut eifach ou chli druf ah, wies bi üs usgseht, aber es wäri wunderbar... U bis es sowiit isch, chöi mir ja no chli tröiime...