Juhuu zämä,

i ha numä churz zyt u cha drum nid uf aues igah, sorry!!!

@Sue: mir hei d Chille zersch vo 12.00 bis 16.00 Reserviert gha. De hät d Trouig am 13.00 agfange. Aber mir hei när gmerkt, dass das hennä stressig würd wärdä bim Apéro. Drum hei mirs när no vorverschobä, vo 10.00 bis 13.00, de hei mir d Trouig scho am 11i. Die geit ja ca. ei Stund, de rächnä mir drmit, dass mir am haubi 1 chöi ds Apéro eröffnä. Det machä mir när 3 Gruppäföeli (eis mit aunä, eis mit Elterä u Gschwüschterti und eis mit de TZ). U am 17.00 geits när witer zur Abälocation. D.h. mir hei 4h fürs Apéro. I gloub me sött für ds Apéro scho gnue Zyt irächne, ömu wemä ou "nur"-Apérogescht het. Die wei ja när aui mit eim Redä u gratulierä, wemä nur 2h het u z.B. 50 Apérogescht gits nur ca. 2.5 Minute pro Gast!

Zuletzt bearbeitet am 03.06.13 11:39

Heeey hoi ihr Liebe!

Ich mäld mi au widermol zrugg :) chume leider momentan würkli nedso regelmässig zum schribe.. Aber bin wider viil motivierter will ändli mol wider öbsi goht Hochzytstechnisch :) Han hüt am Pianist aglütet woni imene Resti mol ghört han spile und hammer finde & er isch totaaal sympathisch gsi en Pole :) echt super nätt das häd mi grad ufgstellt (finde das macht amigs scho mega vil us oder ned?) und woni gseit han dass min zuekünftige Ma Italiener isch, häder gseit er schaffi amigs mit emene super Künstler zäme en Italiener wo ebe au no so typischi italienischi Lieder druffe hetti und so napolitanischi Musig wo mi Frönd und si Vater & co voll druf abfahret :) de isch meh uf Unterhaltig & Tanz spezialisiert und würd Gitarre spile wär sicher voll cool wenn mer de no chönd dezue bueche isch halt ebe au wider en Prisfrog gäl ;) de sig halt tüürer als er wiler vo dem läbt und Profi isch de ander isch au en Profi aber ned hauptbrueflich.. jedefalls würd de Pianist ellei für Trauig und Apéro und Musig am Fest am Obig nur 700 – 800 EUR choste! Finde das voll wenig oder was meinet ihr? :) klar s’ässe dänn no und dänke au d’Übernachtig wäner vom Dütsche her chunt aber bin voll happy dass grad alles so gstumme häd :) sini Tochter wo Giige spilt chöntmer au dezuebueche aber Klavier und Gitarre fändi hammer :) das sind so chli die nöiste News vo mir und betreffend Fotograf bini au mit eim us Italie dra via d’Cousine vo mim Schatz (han dänkt wenn si alütet vo Italie und afrogt isch de Pris ehrlich als wenn mir grad us de Schwiz alütet aber sisch rächt kompliziert irgendwie halt typisch Italie :p) warte immer no uf d’Offerte muess hüt de Cousine mol alüte…

Ah und han im internet no meeega schöni (günstigi!) Brutjungfere Chleider gseh in Coral :) dänke öisi Farbe wärdet würkli coral / peach & türkis / aqua si zäme vilicht mit grau oder au eifach wiss :) mini mädels händ die au grad super gfunde.. aber isch scho no chli früeh zerst söt scho ich s’chleid ha und so oder was meinet ihr?

So jetzt zo öichne Biträg :)

@sue: danke fürs nofroge ebe s isch eifach chli so gsi dass gar nüt meh gange isch und ich wet ebe gli mol das mitem musiker & fotograf regle dänn sindmer scho en mega schritt witer.. wänns hoffentli bald mol amene weekend schön wätter isch, chöntemer mol s’shooting mit de kollegin mache für d’iladige :p aber bin emel scho wider vil motivierter ;) jööö hey sue fröitmi mega häsch en guete pfarrer gfunde wo erst no din papi kännt häd das wird sicher sehr persönlich und din papi isch zwar physisch leider nüme do aber bin mir ganz ganz sicher, dasser unändlich fest stolz uf dich wird si a dim grosse tag! <3

@novia_mayo: jo genau gäl mängisch goht gar nüt meh und dänn plötzli lauft wider öbis häsch rächt ! =) oh zeig mol was für en deko stellsch dir vor? :) jod och also apéro und obiglocation isch reserviert zum glück :) das isch jo eigentli au s’wichtigste.. aber sither (märz) isch halt ebe eifach gar nüt meh gange aber jetzt chunts langsam wider… haha das isch jo de hammer de häd öich eifach es johr zfrüeh inegschrebe? Hahaha gits jo ned :p aber lieber z früeh als z spot parat gäl :p hey und danke für de tipp mit pinterest das isch jo de hammer han mi grad agmäldet! :)

@malinchen: stimmt du häsch rächt, ich mach mir wohl en stress für nüt.. han eifach z.bsp. schiss gha, dassmer en fotograf dänn unbedingt wet aber nüme chan ha wiler scho usbuechet sind sind eifach so die sache woni gli wet greglet ha… aber stimmt scho goht jo no über es johr ;) es johr, 1 monet und 2 täg hihi =) hey meeega schön dini STD chartene hammer! =) so fotimarkene hani au scho mol gmacht super sach :)

@steffi13: heeey so cool IIIICH hürote au am 5.7.2014! <3 <3 <3 so schön hihi super datum findi ;)) wo hürotet ihr? :) häsch au scho 100 gueti wätterbstellige ufgäh hehe do cha jo nüt meh schief goh ;))

@taeboyana: woow cool händer öichi ringe scho dönt super! =) :) bin gspannt uf es föteli! :) und hey cool händer so es guets agebot bi de fotografin dönt super :)

@fringilla: also ich finde, dass ihr das durchus so mache chönd! Ich meine wie gseit ihr zahlet jo beides und händ en externe caterer! Und ihr chönds jo guet verfasse i de iladig irgendwie wilmer jo ned weiss wies de petrus a öichem grosse tag mitem wätter meint, gits en guet- und en schlächtwätter variante fürs apéro.. und dänn schribet ihr die beide uf & chönd jo no schribe, dass no es mail vo de trauzügin oder em trauzüg folge wird oder so? :)


huii min bitrag isch z'lang - 2. teil folgt sofort ;)

@Fotos: Ja, das isch äbä ou dr Grund würum dass mir nur so wenigi Gruppefotos mache. I finde das eifach mega stressig und überhoupt nid luschtig wenn me bim Apéro 100 verschiedeni Fotos mues machä. I stellä mirs so vor, dass mir de mal amnä Tag nachem HZ es Trash-the-Dress-Shooting mache (i wett unbedingt sones Foto wo GG und ig vomnä Steg i See hüpfe - mit Chleid und Azug ) und am HZ sälber äbä nur wie obä beschribä und drfür ganz viel Schnappschüss. I findä so entstöh ou viel autentischeri und emotionaleri Bilder als gstellt. Was mir drfür wärdä ha isch e Sofortbildkamera und es Buech wo sich d Gäst chöi drinne verewigä, so hei mir ou 100%ig vo jedem es Föteli...

@Apéro-duur: Ja mir hei da äuä scho chli ne abnormali Apéroduur festgleit. Aber i möcht denn eifach ou würklech Zyt ha für 1. üsi Gest und 2. ds Buffet... I ha scho vo Brutpaar ghört wo sälber ke Bissä vo ihrem Apéro hei verwütscht wöu sie unter durstress si gstande - ohne mich!

Ou, chame das läse?? hät i de Vorasicht ganz andersch usgseh....