Samu: Wow ihr sind ja scho voll dureplaaant! Super! Ich chan no gar kei Aregige geh, bin vollends überwältiget vo soviel Organisationstalent.

Malinchen: Das mitem HZ-Paar wo vor Stress nix vom Apéro het hani au scho paar mal gseh/ghört und ich gibe denn üsne TZ eifach dä Uftrag vorab en Teller für üs abz'zwacke...denn hemmer sicher au öppis. Mir hend au 2,5h igrechnet (mir gönd ebe noher no uf Schifffahrt). Hesch nöd Angst es chönnti denn de Gäscht z'lang si? Ich verstoh dini Rechnig voll und ganz, dass du mit allne churz wetsch rede, aber für dGäscht isches ja nöd ihri Hochziit und für die wo de ganz Tag sind findi 11 bis id Nacht (sägemer 2 Uhr) scho recht lang.

Kirche: ja es isch scho chli tüür, aber es isch alles debi: Reinigung, ebe de Ruum für de Apéro mit Chuchi, Tisch und Stüehl, Konzertflügel (im Wert vonere Viertel Million). Mir zahled defür nix für ihn wo üs traut (also scho es Gschänk) und au nöd für dPianistin (gueti Fründin vo mir) und au nöd für dSängerin + Verstärcher und so (sind mit Musikerkollege/inne gsegnet)

Fotos vorab: Mir mached au dFöteli vor de Trauig. De GG stoht denn scho parat und dFotografin au, so dass sie ebe genau de erschtig Blick chan ifange. Und mir laufed eh zämä durch de Mittelgang ide Kirche, vo dem her find ich de Gedanke sehr schön. Sisch denn au intimer als vor allne Gäscht.

Ablauf: Trauig 13 Uhr (ca. 1h)
Apéro 14 - 16:30
Schiffahrt 17:15-18:15 Uhr
Empfang Abiglocation direkt am See (wie 2. Apéro mit Bowle und chlini Häppli)
Festsaal 19:00

und i freu mi so, am Obig hämmer bide Fotografin e Fotofunbox buechet, juhuuu!
ah ja, am 25.06. hemmer sEngagementshooting für dIladigskarte

@lilmonkeyme: wow, Acredo het ächt coole Ringe

@daenu16: das isch ned talent. Eifach nume hie im Forum viu läse und dänne euer eigene Idee u Wünsch mit i betracht zieh... brucht ned vel eigentlech, me mues es nome mol aus erfasse und ischribe..

@ue87: Eigentlech hani e ganz easy Bürojob aber es Hobby vo mer esch, dasi gärn Tontechnik mache. Auso schaffe ig 2-3 mol im Jahr a Openairs uf de Bühne... Aber meh als 2-3 WE pro Johr magi ou nümme, isch mega stressig wenn me das 100% macht. Keis WE mehr frei und so gö ou alli soziale Kontakte futscht. I han das 5 Johr gmacht und des länget für me, jetzt nur no als Hobby..

laprincipesse, ou cool megem Pianist...jaaa finde aube ou wenn eim öper sympathisch isch das macht extrem viel us!! wo hesch de d Brutjungferekleider gseh?

Kleid aussuchen
i wirde mini TZ und mini 2 Bridesmaids mitneh fürs Kleid uszsueche auso mini 3 engschte Fründinne...
Fändis ebe irgendwie ou no schön wenn si de gad ou für ihri Kleider denn würde luege oder isch das echt ner gad chaos?!;O)

Fötele vor oder nach Trauung
ach das findi ou es schwirigs Thema....findes sicher ou entspannter VOR de Trouig...die Brutpaar woni kenne heis aui so gmacht....aber i fändi haut irgendwie ou mega schön wenn mi GG mi ersch ide Kirche ds erschte mal gseht bim ineloufe....??

Samu, wow dir heit scho e Ziitplan??gseht mega guet us wie du das ou no gad machsch für TZ etc....hesch du de evlt. in Excel...? de würdi de gad EXTREM GERN ou ha.....
hesch de du öper wo dir deheime d Haar und Make up macht?

Lula: Meh as 3 Std. maximal wett ig persönlech würklech nid. Aber das mues schlussändlech jedi für sich entscheide...ig kenne mi und weiss, dassi nach spetistens 3 Std. äuä kribbelig würdi aber i bi haut o nid die geduudigschti Person und bi mir mues immer öpis ga. Drum wäre meh as 3 Std. apéröle nüt für mi Und für d Feschtgescht, da muesi zuestimme, zieht sechs de scho sehr id Lengi. Aber o as Apérogascht bliebt me ja meistens nid stundelang?

Ja du, i hami am Wuchenänd woni ame Louf bi gsi ja fasch vrbrönnt, hami doch nid uf Sunne igsteut! U hüt Morge ar Bushautesteu so: "ui, hätti äch söue d Sunnebrüue ipacke??"

Chleid für d TZ: Mir hei je 2, aso 2 Manne und 2 Froue (si 2 Päärli) und bi dene isch ds Problem, dass die einti e ganz angere Typ isch as die angeri, was d Farbe betrifft wo sie gärn annehei... I fänd ja ds Beschte, we sie in rot chiemte (i liebe rot und wett am liebschte roti Schueh am HZ). Die einti wär sofort drbi, aber die angeri leit nie rot a...

Laprincipessa: das tönt würklech nachme super Pianist. Bi üs wird ds Thema Musig de o no chli e Sach... mir si nid so d Partyhängschte u i wett uf ke Fau so Ballermann-Party-Mitkreisch-Musig Schön fändi öpis mit Gsang/Saxophon/Klavier oder so chli richtig Loungemusig... aber angerersits wotti o nid dass d Gescht ischlafe und am 12i heigö...

Samu: würklech Wahnsinn di Zitplan... bsunders gfaue mer die gnau iteilte Gläser Prosecco / Wisswy wo druf si

@Taeboyana: Ebe ja, muess de mau mit GG gugge... Ha geschter Obe afe chli agfange zämäschribe für dIladigskartene...

Was heit de Dir für Farbene? Wüu süsch chönnti ja di einti TZ es rots Kleid alege, u ihre Partner e roti Krawatte, u di ander TZ zBsp ir andere Hochzytsfarb mit passender Krawatte bim Partner, oder wäri das kei Option? Chasch ja süsch gugge, dass dr Schnitt vo de Kleider glich isch...

@Sue87: mini Haar macht em TZ sini Schwöschter und Make up bruchi gloubs keis
Han der e PN gschribe wägem Zitplan.

@Lula: ig weis scho dasi e Knall han
Wiu mer nor e Zivili touig hend ond die im chlinschte Rame möchid wänd mer am Obig no e Zeremonie mache wo mer vor oisne gladene Gescht üs gägesitig nomel tüend ts Jawort gä. Wenn aues klappet tüend mer den ou oisi Ringe überem Füür vertigschmide, das wäri so cool