Lula: Sicher warmi Farbe, wahrschinlech so rot-orange-gäub Tön. Das passt zu üs beidne, wüu mer o im Hushaut u bi de Chleider gärn die Farbtön hei unds no guet i Spätsummer passt. Drum fändis äbe sehr schön, wenn GG e roti Kravatte oder süsch roti Details (Gilet z.B.) hätt u ig äbe vielech roti Schueh . Vom Schnitt här würde mer nis vielech eher finde, mir Froue hei aui relativ ähnlechi Posture (chli und eher fin).
Samu: Wow, das tönt ganz speziell, findi e schöni Idee! Aber isch das nid no schwierig mitem schmiede überem Füür, oder hättet dir da öper Professionells drbi?
@Apéro: Ja, i erwarte nid, dass de aui Gest bis am Schluss vom Apéro blibä. Und när ou am Abä cha ja jeda gah wenn er wot... grad die mit Chind und die älterä Lüt wärdä ja sicher nid so lang blibä wie üsi Kollegä (mir düe när aui zämä det Campe )... Aber längwilig wird's gloub scho nid wärde, i steuä mir scho es riichhaltigs Buffet vor womä grad chli gässä het drvo und när hei mir ä Band wo es Konzert git. Ca. zum Zvieri chunnt när es Glace-Wägeli vor Gelateria di Berna wo sich alli no chöi ä Gelati näh bevor's när witer geit... U villecht organisierä ja de d TZ no irgend ä Aktivität.
@Chleid ussuechä: Ach, i möcht am liebschtä mini 2 bestä Kolleginnä, mi Brüetsch, mis Mami u GG's Mami mitnäh... Da muesi äuä no ä Uswahl träffä. Also mis Mami wirdi sicher mitnäh, und villecht no mini 2 bestä Kolleginnä. Aber ä Ma wär villecht ou no guet wo so chli cha sägä wie ers fingt... würklech schwierig.
@Zytplan: wow, dä Plan gseht würklech guet us!!! I ha das bis jetz aus nur "mental" organisiert. Aber i chönnt das eigentlech ou scho mal aus ufschribä. So dr grob Ablouf isch eigentlech würklech fix.
@Sue: Wär de e after-Wedding-Shoot viellecht ou öpis für öich? Mir maches ja so wöu ig äbä ou möcht dass GG mi zerschtä Mau ir Chille gseht... Usserdäm hättä mir vorhär eh ke zyt wöu mir d Trouig äbä scho so früeh hei.
@Taeboyana: Mir hei ja ou 2 Männer und 2 Frouä i üsem OK. D Frouä si total unterschiedlechi Typä (Blond und Dunkel), drum wärdä sie eifach es Chleid mitem glichä Schnitt ha und d Männer när ä passendi Kravatte. Wasi aber ou ä cooli Idee fingä isch, wenn d Farbe so abstuft si, z.b. eis Chleid gälb, eis orange und när dini rote Schueh?
Malinchen: Dasch ja cool mitem Campiere Das wird sicher ganz es tolls Hochzit bi euch. Üsi Gescht wäre aber ziemli sicher nid drfür zha. Und ds Glacéwägeli vo dr Gelateria di Berna isch ja Hammer... isch das nid u tür *gwunder*? Wo fiiiret de dir am Abe?
Das fingi eigentlech o no e gueti Überlegig, e Ma mitznäh... aber i bi nid so sicher, ob mini Brüetsche dr glich Gschmack hei wie mi Schatz U bi ihm hani eigentlech zGfüu, i wüss ziemli gnau was ihm gfaut. Zwüschine fragine aube o chli u är mues mir de uf au Fäu die absolute No-Gos säge, bevori mi uf dShoppingtour mache mit mine Froue.
Mir wette üs äbe am liebschte o ersch ir Chile gseh... i bi scho itz gspannt, wie är de wird reagiere (vor Fröid afa gränne? Sprachlos si? nüt gross drgliche tue??)
Mini TZ si äbe ou blond und brünett, aso komplett vrschiede. Wow, di Vorschlag mit dr Farb-Abstuefig findi Hammer!! Aber es chönnt schwierig wärde, sie vomne orange u gäube Chleid z'überzüge Aber mir finge de sicher öpis, i bi scho jetz gspannt.
@Taeboyana: Ja, es wird bi üs haut äuä nid so ganz "normal" - aber das si mir säuber ou nid. Vo däm här passts... Mir fiirä im Restaurant Seerose am Moossee. Ds Glacewägeli geit vorm Pris här no so findeni, chunnt halt chli druf a wo dir sit und wie viel Sorte dir wettet. Chasch ä unverbindlechi Offerte aforde unter http://www.gelateriadiberna.ch/events.html. Und i findes scho nume vom Usgseh här dr Hammer.
Hmm, und de wenn die einti es hällers Chleid hät (orange oder gälb) und die anderi es dünklers (sonä purpur oder violett-ton)? Blond und gälb/orange gseht halt meischtens scho nid so toll us... Sie sötte sich ja de scho ou wohl füehlä i ihrem Chleid.
@Chleid: Hihi, i gloube GG erwartet ä ganz anderä Stil vo mir als mir gfallt... I ha ihm mal paar Biudli zeig und gfragt, was er so erwarti weles dass ig würd wählä vom Stil här. U er het das gnoh woni öpä am wenigste würd näh... Sones ganz moderns mit klare linie und vokuhila. Aber i gfaue ihm sowieso i jedem Chleid, er het da nid so Preferenzä. Drum nimi de eifach das wo mir gfallt.
Aber wie er wird reagierä wenn er mi zerschtä Mal gseht chani ou überhoupt nid sägä. Er isch nid so nach am Wasser bout, drum würds mi schwär erstuunä wenn er würd Träne vergiessä. I gloube eher er wird eifach strahle vo eim Ohr zum anderä...
@Ja, i ha äbä ou dänkt es wär no guet we mi Brüetsch drbi wär, wöu er de ou GG geit ga häufe bim Azug uswählä. De chönnt er chli druf luegä dass es zämä passt. Aber zviel Persone chamä halt nid mitnäh...
Ha gester no bire Chile d Tarife agfragt, wo ono schön wär. Und siehe da, am 16. Ouguscht 2014 isch die scho bsetzt! Usserdäm choschtet d Mieti für Uswärtigi o 700.-, ds Gliche inkl. wie z Sigriswil, aber ohni Bluemegsteck... u die hei ja o no ihre Priis, oder? I kenne mi da no nid so us, bi ja no nid wäge Blueme ga luege... Vielech isch dr Priis vo Sigriswil dämfau doch nid auzu schlächt I möcht eifach nid irgendnöime ir Chile d Trouig ha, womir überhoupt nid gfaut u blöd gläge isch, um das Gäu z'spare.
I möcht uf jede Fau, dass mini TZ sech o sehr wou füehle i ihrem Chleid u se nid zu öpis zwinge, wo ihne nid gfaut... u ne o nid gad eis zuemuete, wo es Vermöge choschtet.
@Taeboyana: Hmm, i weis gar nid wie viu mir bi üserä Chille zahlä. Aber i dänkä mit so viu muesmä scho in etwa rächne, wemä nid am Wohnort hüratet. Und Bluemä si eh meeeeeega tür, also vo däm här wärs sicher no praktisch wenn die scho inbegriffä wärä.
@malinchen: jo das isch natürli au en idee mit de fötelis nachem hochzyt.. das werdemer wahrschindli mit de einte kollegin (brutjungfere) mache wo so toll fötelet :) aber wet glich au schöni fotis vom tag sälber ;) drum werdemer d’fotis zu zwöit wahrschindli scho am morge mache.. jo das ghörtmer no öbe dassmer sälber au gar nüt häd vom apéro das fändi also scho au sehr schad… hey und das mitem glacewägele isch en hammer idee!! Wird sicher voll schön öiches HZ :)
@daenu16: jö das isch dänn en cooli idee wägem fotograf und em 1. Blick so ifange hihi will es foti mit emene (hoffentlich) mega grüehrte blick ;) möchti dänn natürli scho au ;))
@sue: d’brutjungferechleider hani uf jjshouse.com gseh :) im ahang findet ihr es foti vo mim favorit au farblich :) wobi si mir i dem chleid fast d’show würdet stähle ned? ;) hehe ;)
@lula: jo gäl isch echt seeehr günstig findi au :) jo bin eifach nedso motivier gsi will nüt vorwärts gange isch jetzt langsam chunts wider ;) jo gäl das isch d’hauptsach hehe ;) jo eifach wils doch no sehr früeh isch so vil vorher.. :) han mi eifach i das chleid verliebt hehe überlegge mir das für mich mol z’bstelle eifach so als chleid für spezielli aläss findes sooo hammer :)
@taeboyana: jo das mit de musig isch so en sach gäl.. :) drum wär das mitem klavier und em gitarrist wo dänn chli stimmig mache würd voll super :) so doofi lieder weti also au gaar ned!!! Aber händ öis überleit en playlist z’mache womer dänn ablöhnd am obig :)
Öise zytplan gseht provisorisch öbe so us: Trauig: 13.00 Uhr Apéro: 13.45 bis spätestens 16.30 Uhr Prosecco Empfang Abendlocation für geladene Gäste: 17.00 Uhr Abendessen: 18.30 Uhr
@principessa: Wow, das Chleid isch würklech hammer! Also i finde, das chönntisch ömu scho fang bstellä wenns dinä Frouä ou gfallt. Mues ja nid unbedingt si dass du dis Chleid zersch hesch. Also i würds machä, i würd mi drum när süsch mega närvä wenn's es de plötzlech nümme git wenn dus de wettisch bstellä. Aber d Idee dass de fang eis für di für süsch bstellsch isch natürlech ou nid schlächt...
Samu: Ich finds trotzdem bewundernswert das ihr scho so a alles denked! Super! Mir hend au scho paar Exeltabelle, mit diverser Planerei  Finds übrigens super das mir mit dir au en Brütigam hend wo do umewuslet, hihi
Taeboyana: Das isch jo uuuh mega kuuul mit dem Bänkli! Ich glaubs dir sofort, dass da super funktioniert het! Joooo hoffentlich hämmer beidi denn guets Wetter a üsem Shooting. Ich druck dir dDüüüme!
Sue: (Kleid ussueche) Isch sicher au für dini TZ und Bridesmaids toll wenn’s bim aprobiere au chli chönd mitmache. Und sie chönd sich sicher trotzdem uf dich konzentriere, will es Bruutkleid übertrifft mr eifach nöd…find ich.
Lula: ich gsehs genau wie du – schön gseit – de Moment ghört eifach üs zwei!
Erschte Blick: Ich bin au gspannt wie er wird reagiere. Ich chönnt mir scho vorstelle, dass mir beidi es paar Tränli verdrucked…
Kleid ussueche: Ich wird TZ und e gueti Fründin debi ha und TZ luegt denn gad au chli für’s Kleid wo sie denn ahet
Anmelden
unds no guet i Spätsummer passt. Drum fändis äbe sehr schön, wenn GG e roti Kravatte oder süsch roti Details (Gilet z.B.) hätt u ig äbe vielech roti Schueh 
. Vom Schnitt här würde mer nis vielech eher finde, mir Froue hei aui relativ ähnlechi Posture (chli und eher fin).
)... Aber längwilig wird's gloub scho nid wärde, i steuä mir scho es riichhaltigs Buffet vor womä grad chli gässä het drvo und när hei mir ä Band wo es Konzert git. Ca. zum Zvieri chunnt när es Glace-Wägeli vor Gelateria di Berna wo sich alli no chöi ä Gelati näh bevor's när witer geit... U villecht organisierä ja de d TZ no irgend ä Aktivität. 
Da muesi äuä no ä Uswahl träffä. 
Also mis Mami wirdi sicher mitnäh, und villecht no mini 2 bestä Kolleginnä. Aber ä Ma wär villecht ou no guet wo so chli cha sägä wie ers fingt... 
