principessa: danke
ja das isch würkli super mitem pianist jetz hender ja scho en punkt meh erlediget.
euses datum isch am 24.5.

daenu: han der welle en PN schicke aber isch nöd gange, hesch glaub die funktion gsperrt i dim Profil?

taeboyana: ja genau am 24.5. ;)
ja du hesch rächt. eigentlich sötts mir ja au egal si was sie wenn planed. und ich dänke au das ihri hochzit ganz anderscht wird als eusi. ich dänke au ned das es vor eus wird sie, min GG hed verzellt das sie no keis datum abgmacht hend eifach das es im 2014 wird si. mal abwarte...
demfall kännsch du die situation ja au. es nervt eim scho chli gäll, aber ebe es gitt schlimmers und schlussändlich bini zfride mit dem woni ha und freu mi uf EUSES hochzit

Zuletzt bearbeitet am 05.06.13 18:10

@NoviaMayo: i cha dir total nachefüehlä wägä dr anderä HZ. I ha so es ähnlechs erläbnis gha... Wo mir dä Früehlig mal bir TZ vo mim GG u ihrem Fründ deheim si gsi, hei mir natürlech u.a. ou übers hürate gredet. Sie si scho sit letscht Summer verlobt, hei aber gseit sie wöuä im 2015 hürate, wenn sie beidi d Usbildig abschliessä. Ihrä Fründ macht gärn us auem ä Konkurrenzkampf, muesmä drzue ou no sägä. När seit doch dä plötzlech so: He, mir chönntä ja am 19. Juni 2014 hürate, a üsem Geburi (sie hei beidi am glichä Tag) und mir hei ja am 21. Juni 14 und SIE ISCH ÜSI TZ. Mir isch richtig dr Lade abä wo dä das het gseit... V.a. wöu mi GG bi ihnä wahrschinlech de ou TZ wird si, das wär dr psychostress schlechthin wordä. Zum glück hei sie die Idee inzwüschä wieder verworfä.

Grundsätzlech fingi, dass ja eh jedi HZ uf ihri Art schön isch und i erschter Linie am Brutpaar mues gfalle. Aber i due zum Teil mini coolschtä Ideeä o chli gheim halte vor denä Frouä wo im Kollegäkreis no vor üs hürate... Drum isch das Forum ou so cool, öich chani das aus verzeuä und wenns öper ou wett mache ischs mir würklech egal. Aber wenn gad ä Kollegin wo 50% vo üsnä Gest ou iladet würd ds glichä machä wie mir de ou wöi... hätti gloub müeh.

@Taeboyana: oooh, hennä härzig vo dinä Euterä!!! I bi hüt gad ds Fulesee uf dr Schuelreis gsi u ha gseh, dass die Chillä ou sehr schön gläbä isch. Dr Boustil gfallt mir persönlich nid so, aber ha grad dänkt das müesi dir de verzellä. Aber de het sich das ja jetz äuä erübrigt...

Phu Malinchen, aso das hätti de o drnäbe gfunde. Me mues ja nid enang ga d Show stähle! U äbe as TZ het me ja gnue ztüe einewäg...

@novia_mayo: mir wei so STD-Fotomagnetli mache und schicke die gloub nur a die gladne Gescht wo am Abe drbi si. Süsch müesse mer meh as dopplet soviu mache und für anes Apéro zga muesmes ja nid unbedingt scho es Jahr vorus wüsse... mir wei drfür de o d Iladige (aso aui, o für d "nur"-Apérogescht) früeh gnue (ca. 8 Monet vorhär) useschicke.

Boa Malinchen das wäri jo der Gipfl gsi!! Zom Glück mochids das ned!!

@Taeboyana: Das isch würklech es super Gschänk vo de Eltere, henne cool!!

@novia_mayo: mir hei d STD-Charte jetz fasch a alli gschickt. Aber üsi Charte hei ja ou dr zweck gha, d lüt z informierä, dass mir scho das Jahr zivil hürate. I ha nur de Studiekollegä (die vergässes ou mit STD-Charte wieder ) und denä vom Volleyclub (det wotti nur "mis" Team ilade, und momentan isch no unklär wär de zämä spielt) keini gäh und so Wackelkandidate wo mir no nid wüssä ob mir se de überhoupt wei ilade. Aber i findes nid unbedingt nötig de Apérogescht e STD-Charte z schicke! Entweder chöi sie de cho oder haut nid. Wenn sie dir meeeeeega wichtig wäre, wäres ja Abegescht...

@Sue: ou ja, das würd mi gloub ou chli stressä. V.a. fingis halt eh schwierig ä Idee als "mini" ds deklarierä, ds meischtä hani ja ou irgenwo im Netz gfungä oder so. Und drum sägis lieber gar nid, i hät mi när eh nid drfür z sägä: "nei das darfsch du mir jetz nid nachemache, das isch mini idee gsi!" Ds "blödä" isch halt, dass d Wahrschinlechkeit glich no da isch, dass so lüt de vor üs hürate, es git ja vieli wo ersch so es halbs Jahr vorher aföh plane.

oh Korfu, mega schön... *seuchz* i wett ou grad gah!!!

@novia_mayo: jo ebe wänn ihr im mai hürotet düend si sicher ned no vor öich wersch gseh ;)) vorallem wenn si jo no nüt plant händ sowiso! ich han dir echt meega guet nofühle! wär für mich au nedso toll, wenn no en anderi ängi fröndin au im gliche johr würd hürote.. finde das söt doch dänn mis hochzyt si und genau so bi de anderne.. das isch jo bi öis au de grund gsi, dass mir ned das johr ghürotet händ! (inzwüsche bini jo froh wilmer so meh zyt zum plane händ & vorallem au wägem gäld!) wil de brüeder vo mim GG wo im juni 2012 ghürotet het wil sini frau hochschwanger gsi isch (ned plant gsi das ganze...) immer devo gret häd, dass si das johr no gross wänd hütote, taufi & chirchlichs fescht zäme etc.. dänn händ si fangs im januar entschide, dass si glich nüt machet super.. aber inzwüsche bini jo froh ;)) aber hetti emel niiee im gliche johr wie si welle hürote vorallem au wilmer ebe nedso uf de gliche wellelängi sind mini schwögerin in spe und ich...

@malinchen: ui nei das wär jo würkli mega krass gsi! gottseidank händs das wohl sälber igseh, wie doof das wär! und das mit de idee chani seehr guet novollzieh hehe ;) ich han zum glück ebe grad niemer im nöchere umchreis wo au im 2014 oder vor öis hürotet (bis jetzt...) drum chani relativ offe über alles rede aber verstoh di guet! ;)

@sue: ui jo das isch au rächt speziell hmm würkli schwirig.. die sölet doch jetzt dir de vorrang loh findi :p aber nei isch klar chasch würkli nüt mache wännsi dänn au no wänd hürote... ;) aber es jöhrli spöter wär jo au no gnueg früeh ned wohr hehe ;) mir gseht jo wie schnäll d'zyt vergoht!!
woooow korfu so schön hey gnüsses ganz fest mit dine ladies! =))

hehe fraue (&samu ;)) zo dem thema chunt mir en film i sinn woner uuunbedingt müend luege wänner ne nonig kennet :) passt jetzt eifach perfekt zo dem thema!! =) BRIDE WARS mit de Anne Hathaway & de Kate Hudson <-- han de grad vor churzem gseh und er isch eifach sooo witzig :)))