@Taeboyana: Und hesch dra dänkt? Findes mega schön, was Dir dEutere hei abote!! Isch ja mega herzig!!
@novia: I verstah sehr guet was de meinsch! Geit mir gad chli glich, i ha scho lang zGfüehl, dass bi üs im Kollegeskreis, im 14&15 no di eint oder ander Hochzyt chönnti gäh, u jtzt het GG gmeint, er heigi zGfüehl, dass si TZ ou nächst Jahr chönnti hürote... Bi bau froh, hei mir dr März u si somit afangs Jahr... I würdi haut nit zviu mit ihne drüber rede, wüu e Kopie vom Dim Hochzyt wäri scho chli quer
@malinchen: Wou, das isch no heavy!! Bi froh, hei sis umi verworfe, wäri ja wou gar nit gange!
@Sue: Gueti Frage... Aber hei da nit aui chli Müeh drmit, wenn kurz vor oder nach ihne, im Kollegeskreis, ou no gad ghürote wird... I mein, wenn das paar Mönet früecher oder später isch, stresst das gloubs viu weniger, zumau denn ou dJahreszyt (meischtens) anders isch Oh cool, wünsche Dir mega schöni Ferie, gniess es! Hoffe eifach, dass dr März üs ällei ghört
@principessa: Jep, dä isch super!! Hoffe mir mau, es chunnt nit so
@Lula: Jaaaaaaaa! Hüt Mittag gits bi üs Barbecue, de wird sie vou zum Zug cho
Hets eigentlech e spezielle Grund, dass dir im März düet hürate? Früelig isch natürlech o mega schön, i ha denn Geburtstag u mängisch gits wunderschöni Täg. Mini Eutere hei im März ghürate (ig ha a ihrem Hochzitstag Geburtstag - nid schlächts Timing oder ?) und hei gloub e Mix us auem gha vom Wätter här. Weisch scho was du für Blueme wosch? I gloube, im März hesch sicher meh Chance, dass dä für di aleini hesch as mir wo im Mai, Juni und Ouguscht hürate. Mini einti Kollegin (wo scho über 3 Jahr vrlobt isch und vorhär nie öpis drvo het vrzeut) hüratet ja am 9. Ouguscht u mir am 16., het mi zersch scho chli gnärvt. Wüu mir haut zäme im Training si und bi mir heissts de vielech so "ah itz die o no...". Aber vielech wirds ja o gar nid so si.
Heit dir eigentlech im Fründeskreis o viu Lüt, wo so anti-hürate si? Bi mir beides, aber es git da scho es paar wo finge "lieber du aus ig, i müessts itz gar nid ha". Findi mängisch chli demotivierend. Klar, es mues absolut niemer hürate, aber i wott mini Fröid bhaute. I ha immer wöue hürate und o immer wiss und ir Chile, das mues für mi eifach si.
@Principessa: Dä Fium hani gloub mau im Flüger gseh, würklech krass! So dristeigere düe mir üs hoffentlech nid
@Taeboyana: Ja, i ha ou es paari wo anti-hürate si. Vieli hei vo üs äbä äuä nid erwartet das mir wei hürate wöu mir nid unbedingt Ching wei (ömu no nid) und das gloub bi vielnä lüt no so zämähanget. V.a. im Büro si vieli wo gschiedä si und die si halt eher negativ igstellt. Aber die meischtä hei total härzig reagiert und fröiä sich mit mir. Numä die einti het mega komisch tah, so a la: "was, du wosch nid im ernscht hürate?! hesch no nid bögget dases eh nid funktioniert?!" Und vieli wüssä ou nid, dass ig ä ziemlech religiösä Hinterrund ha und drum chunnt aubä no: "ah dir göht id Chille, hätti jetz ou nid dänkt..." Es isch scho so, dass ig nümme inerä Gmeind bi, aber das heisst ja nid, dass ig mi Gloube ha verlorä...
I dänkä da wird eh no einiges a Kritik uf üs zue cho, erschtens wöu mir überhoupt hürate und zwöitens när no wie das mirs mache. Weni da mängisch so ghörä was angernä passiert isch, vo lüt wo sich imischä und alles scheisse finde wie mes macht etc. I gloub me darf sich das eifach nid z fescht z Härze näh was anderi dänkä und sägä!
Also es schiint bi ois das alli das Jahr hüratend, mir sind im August 2x, September 2x und Oktober 1x iiglade. Aber nu 3 hinderänand ide Schwiiz, ans det sind alli im gliiche Kollegäkreis, da mir all in die gliich Chillä-Gmeind gönd. Ich ha und witz ma gseit mir chöntät ja im November ahänkä
Defür isch s'24. Mai Datum da bi ois en volltreffär aber ich gfinds kuul, den chamer nämlich chli vergliichä, ha nämlich s'Gfühl mir sind chli hindedri.
@Samu: ich hans au nöd tscheggät das du dr Maa bisch. Ich gfinds super, min GG wür das wohl nöd mache.
@dialekt: hihi wenn ich amel die verschiedene Biiträg läse, chumi so richtig drii, und bim schriibe hani amel fasch chli müeh im Züritüütsch z'schriibä
@STD: mir händs nu a die gschickt wo am Abig au chömed. Und mir händ nanig alli gschickt *ohschreck&horror* mir händs vergässe ade bestmen und d'trauzüügä schickä und a mini Pflegschwöster ou und sii isch eini so das Jahr im August hüratend, sie häts mir vor 2 Wuche mitteilt. Lol.
@ Apero: wie mached ihr das? Ich google und google und gfinds nüt richtigs im Züri Oberland. Has langsam ufgeh, aber ide Stadt wetti eigentlich nöd luege. Obwohl, mir händ ez det en Pie Shop und British Cheese Shop entdeckt, wo viellicht au Apero machet. De chöntmer nochli s'British Feeling ufbringä. S'weri au lustig e riiisä Topf voll Fondue ufzstellä
Weiss irgendswer womer so boxe bechunt (Bild isch aghänkt) ich wür das gern für mini Mädels mache.
Hey Malinchen, du redsch mir gad usem Härz. I bi o nid ire Gmeind u ga eigentlech nümme id Chile, aber i ha eifach e Grund-Gloube sit chli uf: Drum isch mir äbe d Chile o sehr wichtig für ds Hochzit... mim GG sicher viu weniger, aber er weiss wases mir bedütet. I finde me mues ja dr Gloube nid gäg usse gross zeige, das isch ja e persönlechi Sach. Mir wei äuä scho Ching, aber für mi isches extrem wichtig gsi, dass mi Fründ Ja zu mir seit, unabhängig vo Ching u nid ersch, we eis ungerwägs isch. Das weiss är und geit drum ou gärn dä Wäg mit mir, wofür ig sehr dankbar bi. Aber mit dere Istellig bini äbe z.B. im Training und ou bim Schaffe scho fasch autmodisch-traditionell. Aber mir hei natürlech scho viu Lüt, vor auem d Familie und o üsi änge Fründe und TZ, wo sech mega freue und ou ähnlech dänke. Da bini froh.
Ha ja beträffend Chile u wüui unsicher bi gsi, ob mir soviu Gäud söue drfür usgäh, mit einige Kolleginne gredt u da hani o die vrschiedenschte Reaktione becho... z.B. "ah isch dir das wichtig? Dert vrbringsch ja nid die meisti Zit."
@lilmonkeyme: Uf etsy fingsch ja fasch aus Unbemalti Schachtle würdsch sicher o imne Bastuzäntrum oder Bau & Hobby finde, de müesstisch se eifach säuber amale und beschrifte...
Wägem Apéro: Mueses dämfau unbedingt e britische Touch ha? Evtl. chönntet dir ja no säuber chli öpis drzue mache (bzw. la mache vo Kollege, TZ...?) wie Scones, Shortbread, fruit cake oder so... hesch de bir Migros (Gourmessa) o scho gluegt? Müesstet haut vielech einzelni Komponänte vo vrschiedene Abieter bezieh. Kenne mi leider im Züri Oberland gar nid us
bi mir isches ou so dases im büro es paar het wo gschide sind und sehr verhalte sind und anderi wo sich aber u härzig mitfröie...im Bekanntekreis isches so dases teil git wo frage obmer megem Gloube hürate oder warum wüll mir ou no kein Kinder wei aber es git ou sörigi wo selber ou mal wette hürate oder scho ghürate si...chli alles;)
@lilmonkeyme, so Kistli hani selber bastlet für d Afrag vode Bridesmaids, ha d Kistli im Migros do it Yourself kouft gha...!
i wäri u froh weni e rat wo öich döfti ha....bi immer no am umehirne und sueche für es passends Jäckli oder öpis für am Zivile am Abig/Nacht ha i Ahang nomal es Foti vom Kleid woni wirde aha drita und mini bisherige Favorite dezue und wäri u froh um paar Meinige
@Taeboyana: nei es mun nöd unbedingt en Britischä Touch ha. Ha nach all dem ge-google eifach das gstossä ^^ isch e super Idee. Mir händ au scho denkt en Grill-Apero zmache. Aber es hät mi bis ez eifach na nüt überzügt. Ou und uf Etsy bini au scho go luegä aber han nöd das gfunde woni ha wellä. Würs sehr gern selber amalä.
@sue: ich ha völlig vergässe das du das ja au gmacht häsch. Ich bin ebä au scho bi ois ide Migros gsi, aber der häts nüt rechts gha. Ussert es Nähchästli, aber das wetti nö. :) Meinsch chöntisch mir es Foti vo dinä Kistli mir als PN schickä? Wend wetsch und eis hettisch :)
@taeboyana: ah cool dass du das ou so gsehsch. Irgenwie fingis mängisch scho chli schad dasi mit derä Istellig immer so uf Unverständnis stossä und zwar uf beidnä sitä. Bidä "praktizierende" Christe sowie ou bi dä Konfessionslose.
@Sue: hmm, isch würklech no schwirig! I fingä ds erschtä u z letschtä mega schön, aber viel wärmer hesch äuä mit däm nid? I würd drum äuä dr Blazer wähle. D Strickjacke bricht vo mir us gseh z krass mitem Stil vom Chleid...
Anmelden
Das isch sonä richtigä Mädels-Abä resp. Männer-Folter-Film. 
Dä chani immer wieder luegä. 
ou und sii isch eini so das Jahr im August hüratend, sie häts mir vor 2 Wuche mitteilt. Lol. 
ha i Ahang nomal es Foti vom Kleid woni wirde aha drita und mini bisherige Favorite dezue und wäri u froh um paar Meinige