@Sue: ich gfinde ds Tuech super. Es isch schlicht gnueg, damit s'Kleid nöd undergaht, aber gseht doch noc eingiermasse warm us.

@Malinchen: da hesch rächt. De einte ischme nid religiös gnue, weme nid id Chile geit u de angere isch me glich scho fasch zfromm... Het di GG die glichi Istellig wie du?


@Sue: I würd o möglechst es chlises Jäggli und unbedingt es churzes oder zmindscht sehr taillierts näh. Mi dünkt e Strickjagge geit zu däm Chleid überhoupt nid (sowou vom Schnitt as o vom Materiau). Da vrdecksch süsch ds haube Chleid... Oder eifach es churzes Bolero ohni grossi Raffige u so (ds Chleid het ja säuber scho rächt viu Deko)? Bisch de im Merys itz scho mau ga luege/frage?

@Lula: Lammspiessli Oh das vrstahni natürlech guet, das hätt würklech nid passt im gliche Monet... Sit dir dämfau nid eso Summerliebhaber? Früehlig isch würklech schön, wes äbe e richtige Früelig isch! Mir hürate fasch a üsem 9. Jubiläum Nenei, i ha 2 euteri Brüetsche u has so ersch ufe 6. Hochzitstag gschafft Itz hanis chli zur Tradition gmacht, ihne ufe Hochzitstag e Bluemestruss z'schicke mitme "Danke, dasses mi git!"

I weiss ersch drvo, dass die Kollegin am plane isch, sit ig drvo rede... vorhär het sie äbe nid vo hürate vrzeut. Aber mittlerwile stressts mi nümm, wüui ha gmerkt dass mir ganz angers wärde hürate und sie o nid e mega nächi Kollegin isch. Zwüschine isch o no luschtig, de rede mer im Training (aso natürlech vor u nächär, zwüschine chunnsch ja nid zum schnufe ) drüber, wasmer grad am organisiere si.

Kritik gloubi wirsch nid diräkti becho, Malinchen. Vielech so chli vrsteckt, aber das würdi vrsueche z'ignoriere. I ha eifach paar Bekannti, woni weiss dassi gar nid gross mues vom Hochzit u de Vorbereitige vrzeue, wüu sie's gar nid wei ghöre. Aber viu wo negativ igsteut si, hei äbe scho e misslungeni Ehe hinger sich u o scho sehr früeh ghürate. Nid dass das nid chönnt funktioniere, aber isch haut ganz e angeri Situation.

@Malinchen: Same here Mi GG isch konfessionslos, aso ou usträte und cha eigentlech mit dr Chile nid viu afa. Mir hei zersch wöue e Trouig im Freie mache, aber glich mitme Pfarrer, hei aber de gmerkt dass das meistens meh choschtet as ire Chile. Zudäm chunnt ds Risiko wod i Chouf nimmsch wägem Wätter u dassme immer e Plan B brucht. U we dä Plan B es Zäut oder eifach irgend e Ruum isch, wetti glich lieber ine Chile. Usserdäm würd mi das när no närvöser mache, so vom Wätter abhängig z'si.

Das mit de Vorstellige wo'd Familiene hei, chani ou guet nachefüehle. Äbe wüu GG's ganzi Familie fasch Gastronome si. Bi ihne isch ds Wichtigste amne Fest darum immer ds Ässe. Bi mire Site isch ds Ässe immer e chli öpis Eifachers, Bodeständigers, drfür isch üs d Stimmig u ds Zämesi sehr wichtig. Da steit me mängisch o chli zwüsche de Fronte. Ig isse o sehr gärn u guet, aber i chönnt mir zum Bispiu o es Buffet vorsteue. Mau luege, obi GG vo däm chönnt überzüge. Es git ja o gediegni Buffets u so würd me irgendwie meh Lüt grächt. Aber chamer guet dänke, dass si Vater gar nüt hautet vo dere Idee...

@Taeboyana: Hihi cool... Ja, i bi inzwüsche ou froh, dass mir üs nid fürne freii Trouig hei entschiedä us genau denä Gründ wo du gnennt hesch. Es cha super usecho wemäs guet preicht mitem Wätter und dr Person wo d Zeremonie leitet, aber es cha ou sehr viu id Hose gah. (Natürlech chamä ou ä komische Pfarrer verwütschä, aber immerhin hocket meh drzue im Trochne. )

Ja, das isch sicher no schwierig wenn da so höich Erwartige si!!! Bi mir ischs so, dass GG's Familie am liebschtä hät, wenn sie mit de TZ aues chönntä organisierä ohni das mir öpis wüssä was wird gah. Das isch bi ihnä irgendwie so Tradition. Wo GG's Schwoscht het ghürate, hei sie eifach gwüsst wenn dass sie müessä bir Chille si u meh nid. Aber GG weder ig hei gärn Überraschige und ig bi so schnäll enttüscht wenn öpis nid genau so isch wie igs mir vorgstellt ha. Drum funktioniert das bi üs eifach anders... A die Tatsach müessä sie sich gloub no chli gwöhnä.

@Samu: Ah cool, i ha äbä ou scho dänkt mir söttä de mal no zu somnä Finanzberater. I gloub die chöi eim aube scho no so paar hilfriichi Tricks verrate wie ma da und dert öpis cha ispare... GG isch scho mal bi eim gsi wo d Stürverwaltig d Abzüg für sini Usbildig nid het wellä akzeptierä. Das het ömu när ou ribigslos klappet. Mues de gad mal mit GG luegä für nä Termin bi däm.

Heit dir öich scho Gedanke gmacht so wägä 3. Sülä oder so? I kennä mi da äbä überhoupt nid us...