Hoi Malinchen, also ich han e 3ti Süle siit ich 18ni bin. Erstens mal will mer das Geld fix uf de Siite hät und nöd useneh chan (abgseh vo paar Usnahem - Huusbau, Selbständig, Uswandere etc.), zweitens will ich so öpe en 1000ger a Stüresparre will ich das ja chan abzie i de Stürerklärig und drittens wills den Geld fürs Alter han bzw. zerst zum irgendwenn es Huusbaue wo ja indirekt amortisiere chasch dass heisst über das Süle 3A Konto... Eifach gseit du chasch den d Schuld vom Huus abzahle i dem du uf Süle 3A izahlsch und sparsch doppelt bi de Stüre!

@lula: gäl de film isch super? ;)) jo nei hey weisch wie schlimm? :p

@malinchen: hehe also mi GG häd sich köstlich amüsiert, woner de film mit mir gluegt häd!! ;)
ui krass die reaktion vo dere einte goht jo gar ned! han eh müeh demit, wenn anderi immer us ihrne eigene negative erfahrige uf anderi schlüsset! s'git immerno gnueg gueti bispil wo d'ehe funktioniert und a die glaubet mir jo alli sust würdemers jo ned woge ;) und sich drimische goht eh gar ned!! hey das mitem schnäll enttüscht si wänn öbis ned chunt wie plant kenni soooo guet!! drum würdi d'organisation vom wichtigste emel nie us de hand gäh! :p lieber kontrolle bhalte ;)

@sue: ich finde s'1. und s'letschte jäggli super! s 1. gfallt mir meega - wenns s' gliche wiss isch? s'andere s'letschte (tuech) isch au hammer & ev. chli dezenter zum relativ ufwändige chleid?

@taeboyana: haha so cool bisch grad ufe hochzytstag cho? :) echt es super timing du so schön hihi =)) und das mitem bluemestruss isch jo de hammer voll süess ;))

@samu: ou cool do händer aber glück wäg de stüre du! :) i de meiste fäll isches ebe scho umgekehrt und macht sehr vil us... isch eifach en frächheit, dass das mit de stüre i de schwiz so isch! keis wunder, hürotet vil nüme!!

frei trauig:
mir händ öis jo ebe für en fröi trauig entschide, wilmer beidi ned soooo gläubig sind also mir glaubet scho aber halt i öisem eigene glaube - mi GG isch scho lang us de chile usträte und ich gar nie tauft gsi (bin zwar immer id religion us interässe dra) und wenn er aber als katholik hetti welle ide chile hürote hetti mi nie degäge gstellt.. aber es isch vo ihm uscho, dasser gar ned i de chile wet hürote und so.. und för öis stimmt so för beidi en trauig dusse direkt am see :) för öis en chline traum hehe ;) (drum muess ebe s'wätter unbedingt mitspile! :p)
mir hettet jo en theolog gha wo das zwar scho lang nüme praktiziert aber mir persönlich kennet und dütsch & italienisch ret (wär perfekt gsi) wo öis "traut" hetti bez. d'red ghalte hetti.. leider chaner usgrächnet a öisem datum ned :/ jetzt müendmer witerluege.. aber mir tendieret langsam dezue, dasmers würkli vo frönde /gschwöschteti lönd loh mache (TZ & bridemaids / bestman) oder eifach öber usem bekanntechreis womer sust eher ned ilade würdet wo guet chan rede und vor lüt stoh.. was meinet ihr so dezue?? ev. händer jo gueti idee / tipps? :)

anti-hürote:
also bi mir im büro sind au die meiste no jung & händs wohl no vor sich & händ positiv reagiert, min chef häd sich au meeega gfröit :) s'git scho so lüt wo total gäge s'hürote sind, aber scho eher weniger i mim fröndeschreis.. aber das isch mir sowiso zimli egal jede söl doch für sich sälber luege findi ;) mi vater isch z.bsp. au de meinig, dasser das tootaaal übertribe findet, dass mir so vil gäld usgäbet und findet hürote überbewertet (toll oder?! :p) aber weisch was? sis bier.. die meinig häder wohl eh nur wil er nie bezihigsfähig gsi isch leider...

übrigens bi mir im volley hürotet die eint au das johr im sommer und die ander im august negst johr :p aber do mir privat kei kontakt händ und öis nur im training gsehnd stört mi das gar ned.. im gägeteil isch no amüsant und interessant chli z'wüsse was bi ihne so lauft :)

schöne obig wünschi öich allne, gnüsset d'sonne no chli! :)

@3. Süle: Mir hei bis jetz äbä keini gha, da ig no im Studium bi und eh praktisch nix verdienä und GG isch ersch gad vor eim Monet fertig wordä. Daher ischs ersch jetz es Thema worde für üs... Aber de löht dir das eifach individuell lah witerloufe?

@principessa: Wenns so nöch stehendi Verwandti chönnte mache wärs natürlech mega persönlech und sicher hennä schön! Aber es chunnt halt äuä ou chli druf a wie emotional dass es när wird. Wenn när alli so grüehrt si dass sie fasch nid chöi redä (also i wär gloub so weni mi Brüetsch würd troue), de würdi villecht eher öper näh wo chli "witer wäg" isch?

so, i ga jetz ou no chli usä ad Sunne! Häbet ä schönä Abä...

@Sue: Mir gfallt s erschte Jäggli unds Tuech am beschte. s zwoite fingeni zläng für zum Chleid, gseht emu so us, als wär d Tallie vom Chleid höcher als bim Jäggli unds dritte trifft für mi dr Stil vom nid so ganz. Aber mitm erschte und em letschte chönntis mer mega guet vorstelle

3. Süle: Ich chan der folgendi empfäle: http://www.svag.ch/
Bi ois isch dä Gratis cho!!! mer hend für 3 Termine woner zu ois cho isch und isgesamt 6h bi ois gsi isch kein müde Rappe zallt ond mer sind seeeehr zfride. Alli Formular etc. füllt er us, mir händ praktisch nüt müese mache. Er hets sogar gschafft, das ich mini Chrankekasse han chöne wächsle mit allne zuesätz wo mer vorhär scho 2-3 gseit hei es sig unmöglech mit minere Chrankeakte.
Je noch däm i wellere region wode wohnsch, chani der süsch sis nummero gä. Oise isch Bärn/Freiburg.
Ou mit de Süle 3b het er ois no gueti Tipps gä ond mer chond itze nomol ca. 500.- Stüre Spare dür das.

ps. Oise Berater isch bi ihne uf de Page no ned drufe emfal

Zuletzt bearbeitet am 06.06.13 21:01

Ah und i ha geschter mini 1. Bstellig bi etsy gmacht Ha itz sones &-Zeiche us Houz bsteut für üses Engagement shooting, inkl. Lieferig us UK für weniger as CHF 20.-. Bi sehr gspannt. Ha dr Shopbsitzerin zersch no gschriebe gha und se mit Frage bombardiert und die isch sehr hiufsbereit gsi! het mir sogar no vrsproche, dasses bis zum 22. Juni bi mir isch (wüumer ja am 23. ds Engagement shooting hei), obwou's normalerwis viu lenger geit! Hoffentlech het sechs glohnt.